ខេត្តស្វាយរៀង÷ គួររំលឹកផងដែរថាកាលពីថ្ងៃទី០៤ ខែធ្នូ ឆ្នាំ២០២៤ ឯកឧត្តមអភិសន្តិបណ្ឌិត ស សុខា រដ្ឋមន្ត្រីក្រសួងមហាផ្ទៃ ចេញសារាចរណែនាំ ស្តីពី ការបញ្ឈប់សកម្មភាពផ្សព្វផ្សាយល្បែងស៊ីសងខុសច្បាប់ និងណែនាំដល់រដ្ឋបាលថ្នាក់ក្រោមជាតិ ត្រូវជំរុញការអប់រំផ្សព្វផ្សាយដល់ប្រជាពលរដ្ឋឱ្យយល់ដឹងអំពីផលប៉ះពាល់ នៃការលេងល្បែងស៊ីសងខុសច្បាប់គ្រប់ប្រភេទ ដើម្បីចូលរួមទប់ស្កាត់ការលេងល្បែងស៊ីសង ខុសច្បាប់ដែលជាផ្នែកមួយនៃការអនុវត្តគោលនយោបាយ “ភូមិ-ឃុំ-សង្កាត់មានសុវត្ថិភាព” របស់ រាជរដ្ឋាភិបាល។
ប៉ុន្តែលោកវរសេនីយ៍ទោ ជិន សុភឿន អធិការនគរបាលស្រុកចន្ទ្រាថាពាក់ព័ន្ធនិងល្បែងស៊ីសងជល់មាន់តាមប្រព័ន្ធអនឡាញនេះលោកបានរាយការណ៍ទៅគណៈបញ្ជាការឯកភាពស្រុកហើយព្រោះគេមានគណៈកម្មការចុះទៅ ការលើកឡើងរបស់លោក ជិន សុភឿន អធិការនគរបាលកស្រុកចន្ទ្រា សបញ្ជាក់ឃើញថាកំពុងតែរុនដាក់គ្នា នឹងមិនអនុវត្តតាមចរាចរណ៍ណែនាំរបស់ក្រសួងមហាផ្ទៃសោះ។
សេចក្តីរាយការណ៍បានឲ្យអ្នកសារព័ត៌មានយើងដឹងកាលពីរថ្ងៃទី០៩ ខែឧសភា ឆ្នាំ២០២៥ថាមានទីតាំងជល់មាន់តាមប្រព័ន្ធអនឡាញ បាននឹងកំពុងបើកលេងស្ទើរជារៀងរាល់ថ្ងៃ ទទួលភ្ញៀវអ្នកញៀនល្បែង មកពីគ្រប់ទិសទីឲ្យចូលលេង ដោយមិនខ្លាចញញើតនិងអាជ្ញាធរមានសមត្ថកិច្ចក្នុងមូលដ្ឋានសោះឡើយ ដែលទីតាំងខាងលើនេះស្ថិតនៅក្នុងនៅភូមិពោធិ៍ ឃុំមេសថ្ងក ស្រុកចន្រ្ទា ខេត្តស្វាយរៀង នៅខាងក្រោយ សាលាស្រុកចន្រ្ទា ខណៈលោកអភិបាលស្រុកនិងលោកអធិការស្រុកក៏ទទួលជ្រាបទីតាំងខាងលើនេះដែរចុះហេតុអ្វីមិនចុះបង្ក្រាប? គួរបញ្ជាក់ថា ល្បែងស៊ីសងខុសច្បាប់នេះ បណ្តាលឱ្យអ្នកញៀនល្បែង ហិនហោចទ្រព្យសម្បត្តិ កើតជាអំពើហិង្សាក្នុងគ្រួសារ និងជាប្រភពបង្កើតអ្នកញៀនថ្នាំ អំពើចោរកម្ម អសន្តិសុខសង្គមជាដើម។ល។ តើហេតុអ្វីបានជាលោកអភិបាលស្រុក និងលោកអធិការស្រុក ខណៈល្បែងបើកលេងនៅនឹងមុខហើយតែលោកទាំងពីរនាក់នៅរក្សាភាពស្ងៀមស្ងាត់មិនចុះបង្ក្រាបសោះ.។
ទោះជាយ៉ាងណាក្ដី ពលរដ្ឋសង្ឃឹមនិងជឿជាក់ថា អជ្ញាធរនិងសមត្ថកិច្ចពាក់ពន្ធ័នៅក្នុងឃុំ លោកអភិបាល ស្រុក និងលោកលោកអធិការស្រុកចន្ទ្រានិងចុះស្រាវជ្រាវនិងបង្ក្រាបទីតាំងល្បែងសុីសងទាំងនោះឲ្យស្របតាមគោលនយោបាយភូមិឃុំសង្កាត់មានសុវត្ថិភាពទាំង ៧ ចំណុចរបស់រាជរដ្ឋាភិបាលដែលដាក់ចេញដោយក្រសួងមហាផ្ទៃ ។
អង្គភាពសារព័ត៌មានយើងនិងរង់ចាំធ្វើការផ្សាយជាបន្តបន្ទាប់ប្រសិនបើមានការពន្យល់បកស្រាយបន្ថែមពីអាជ្ញាធរនិងសមត្ថកិច្ចពាក់ព័ន្ធឬសាមីភាគីពាក់ព័ន្ធរៀងរាល់ម៉ោងធ្វើការ ៕
