ខេត្តកំពង់ចាម÷ ទីតាំងល្បែងមាន់ជល់អនឡាញរបស់ក្រុមហ៊ុន.M99 បើកដំណើរការលេងភ្នាល់ដាក់លុយចាញ់ឈ្នះរាប់រយពាន់ដុល្លារ នៅក្នុងខេត្តកំពង់ចាម ប៉ុន្តែអាជ្ញាធរនិងសមត្ថកិច្ច ហាក់បីដូចធ្វើជាមើលមិនឃើញសោះ ។
តាមប្រភពព័ត៌មានបានបង្ហើបឱ្យដឹងថា នៅក្នុងស្រុកកំពង់សៀម យ៉ាងហោចណាស់មានទីតាំងមាន់ជល់អនឡាញ របស់ក្រុមហ៊ុន.M99 នេះ.៣.ទៅ.៤.កន្លែង ដែលមានអ្នកញៀនល្បែងចូលលេងយ៉ាងច្រើន ភ្នាល់លុយចាញ់រាប់រយពាន់ដុល្លារក៏មានទាំងលុយរៀល ក្នុងមួយគូរៗ ចាប់ពី១០ម៉ឺនរៀល រហូតដល់១លានរៀលថែមទៀតផង។
ប្រភពបានឲ្យដឹងទៀតថាមិនតែប៉ុណ្ណោះក្រុមហ៊ុន.M99 កំពុងដើរពង្រាយសាខាល្បែងមាន់ជល់អនឡាញនៅក្នុងឃុំផ្សេងទៀតដូចជា ឃុំវិហារធំ ឃុំកោះរកា ឃុំក្រឡា .និងនៅក្រុងកំពង់ចាមក៏មានដែរ.! សុទ្ធតែមានទីតាំងល្បែងស៊ីសងមាន់ជល់អនឡាញរបស់ក្រុមហ៊ុន.M99 ទាំងអស់ តែអាជ្ញាធរនឹងសមត្ថកិច្ចមិនបង្ក្រាបសោះ។
បើកតាមប្រភពបែកធ្លាយមកថាមានបុគ្គលម្នាក់នៅក្នុងខេត្តកំពង់ចាម ជាអ្នករត់ការ និងធ្វើការសម្របសម្រួល ក្នុងការបើកឲ្យមានល្បែងមាន់ជល់អនឡាញរបស់ក្រុមហ៊ុន.M99.បានបើកដំណើរការលេងយ៉ាងរលូន។
ចំណែកអាជ្ញាធរនឹងសមត្ថកិច្ច សង្ស័យត្រូវថ្នាំសណ្តំរអស់ហើយ ទើបមិនមានវិធានការបង្ក្រាបទាល់តែសោះ។ ប្រជាពលរដ្ឋលើកឡើងថា ឱ្យអាជ្ញាធរនឹងសមត្ថកិច្ចបង្ក្រាបមុិចកើត បើអាជ្ញាធរនឹងសមត្ថកិច្ច ជាប់ត្រគៀកងាកមិនរួចដោយសារតែមានបុគ្គលម្នាក់ ជាអ្នករត់ការសម្របសម្រួលអស់ហើយនោះ សូម្បីតែខាង សារព័ត៌មានក៏បុគ្គលម្នាក់នេះបានធ្វើការសម្របសម្រួលបិទមាត់មិនឱ្យនិយាយ នឹងឱ្យជួយបិតបាំងនឹងមិនធ្វើផ្សព្វផ្សាយពីកន្លែងទីតាំងល្បែងមាន់ជល់អនឡាញរបស់ក្រុមហ៊ុន.M99.ខាងលើនេះផងដែរ។
អ្វីដែលប្រជាពលរដ្ឋរស់នៅក្បែរទីតាំងល្បែងមាន់ជល់អនឡាញមានក្តីកង្វល់ និងមានការព្រួយបារម្ភនោះ គឺខ្លាចមានកើតអំពើលួច ឆក់ ប្លន់ អំពើហិង្សាក្នុងគ្រួសារ និងអំពើផ្សេង ដោយសារតែលេងចាញ់ល្បែងនោះ។
ប្រជាពលរដ្ឋនៅក្នុងមូលដ្ឋាននៃស្រុកកំពង់សៀមបានឲ្យដឹងថា នៅតាមផ្ទះខ្លះមានល្បែងអនឡាញមាន់ជល់ ស្អេកស្កះជាច្រើនរបស់ក្រុមហ៊ុន.M99.កំពុងដើរលេង ហេតុអ្វីបានជាអាជ្ញាធរនិងសមត្ថកិច្ចមិនបង្ក្រាប? ពិសេសលោកវីរៈសេនីយ៍ឯក ឯក ប៉ាន់ដន អធិការនគរបាលស្រុកកំពង់សៀម និងលោកវរសេនីយ៍ឯក អុឹង ប៊ុន អធិការនគរបាលក្រុងកំពង់ចាម.ភាពព្រងើយកន្តើយធ្វើជាមើលមិនឃើញនេះ ធ្វើឲ្យប្រជាពលរដ្ឋ មានមន្ទិលថា ទំនងជាបានទទួលលាបសក្ការៈពីក្រុមហ៊ុនមាន់ជល់អនឡាញ.M99 ផងក៏ដឹង.? ។
ប្រជាពលរដ្ឋសង្ឃឹមថា អាជ្ញាធរនឹងសមត្ថកិច្ចនិងមានវិធានការទប់ស្កាត់ និងចុះបង្ក្រាបទីតាំងល្បែងមាន់ជល់អនឡាញ របស់ក្រុមហ៊ុន.M99 ដែលកំពុងតែបើកដំណើរការលេងខាងលើនេះ។
ប្រជាពលរដ្ឋ ធ្វើការសំណូមពរដល់លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម និង ឯកឧត្តម អ៊ុន ចាន់ដា អភិបាលខេត្តកំពង់ចាម មេត្តាជួយចាត់មន្ត្រីជំនាញចុះបង្ក្រាប និងបិទទីតាំងល្បែងមាន់ជល់អនឡាញរបស់ក្រុមហ៊ុន.M99 នេះផងទាន។
ម្យ៉ាងទៀតសូមជួយពិនិត្យមើលលោកវរសេនីយ៍ឯក ឯក ប៉ាន់ដន អធិការនគរបាលស្រុកកំពង់សៀម និងលោកវរសេនីយ៍ឯក អុឹង ប៊ុន អធិការនគរបាលក្រុងកំពង់ចាម ដែលបានរក្សានូវភាពស្ងៀមស្ងាត់មិនបង្ក្រាប (សង្ស័យចូលរួមជួយបិទបាំងឲ្យក្រុមហ៊ុនល្បែងមាន់ជល់អនឡាញ.M99 នេះផងក៏មិនដឹង.?)។
