ខេត្តកំពង់ស្ពឺ÷ ជនសង្ស័យចំនួនពីរនាក់ត្រូវបានកម្លាំងជំនាញប្រឆាំងគ្រឿងញៀនស្រុកសំរោងទង ឃាត់ខ្លួនពាក់ព័ន្ធនឹងករណីជួញដូរដោយខុសច្បាប់នូវសារធាតុញៀន នៅក្នុងភូមិសាស្ត្រស្រុកសំរោងទង ខេត្តកំពង់ស្ពឺ។
នេះបើតាមការបញ្ជាក់ពីលោកវីរៈសេនីយ៍ឯក ឃុត សុផល អធិការនគរបាលស្រុកសំរោងទងថាដោយអនុវត្តតាមបទបញ្ជាលោក ឧត្ដមសេនីយ៍ទោ ស្នងការថ្ងៃទី ២៦ ខែឧសភា ឆ្នាំ២០២៥ កម្លាំងជំនាញប្រឆាំងគ្រឿង ញៀនស្រុក បានចុះល្បាតនៅក្នុងភូមិសាស្រ្ត បានឃាត់ខ្លួនមុខសញ្ញាជួញដូរដោយខុសច្បាប់នូវសារធាតុញៀនចំនួន ២នាក់ មាន២ករណីផ្សេងគ្នា។
លោក ឃុត សុផល បានហើយដឹងបន្ថែមទៀតថាករណីទី.១ កម្លាំងជំនាញប្រឆាំងគ្រឿងញៀនបានឃាត់នៅចំណុចភូមិ អូរវែង ឃុំកាហែង ស្រុកសំរោងទង ខេត្តកំពង់ស្ពឺ ដោយជនសង្ស័យឈ្មោះ ឆែ លីហួត ភេទ ប្រុស អាយុ ៣៥ឆ្នាំ នៅភូមិផ្សារត្រពាំងក្រឡឹង ឃុំគីរីវ័ន្ធ ស្រុកភ្នំស្រួច ខេត្តកំពង់ស្ពឺ និងដកហូតវត្ថុតាងរួមមាន: ម្សៅក្រាមព័ណ៌សថ្លាសង្ស័យជាគ្រឿងញៀនចំនួន ៥កញ្ចប់តូច ម៉ូតូ ១គ្រឿង ទូរសព្ទដៃ ១គ្រឿង ។
លោក ឃុត សុផល អធិការស្រុកបានឲ្យដឹងទៀតថា ករណីទី.២ កម្លាំងជំនាញ់ប្រឆាំងគ្រឿងញៀនបានឃាត់នៅចំណុចភូមិសំបួរ ឃុំមហា សាំង ស្រុកភ្នំស្រួច ខេត្តកំពង់ស្ពឺ ដោយជនសង្ស័យឈ្មោះ ហុង បញ្ញា ភេទប្រុស អាយុ២២ ឆ្នាំ នៅភូមិសំបួរ ឃុំមហាសាំង ស្រុកភ្នំស្រួច ខេត្តកំពង់ស្ពឺ.នឹងដកហូតវត្ថុតាងរួមមាន: ម្សៅក្រាមព័ណ៌សថ្លាសង្ស័យជាគ្រឿងញៀនចំនួន ៥កញ្ចប់ (មធ្យម ១ កញ្ចប់ ,តូច៤កញ្ចប់) ទូរសព្ទដៃ ១គ្រឿង ។
វត្ថុតាំងដែរកម្លាំងជំនាញប្រឆាំងគ្រឿងញៀនឃាត់បានសរុបឃាត់ខ្លួនជនសង្ស័យចំនួន ២នាក់ប្រុស ដកហូតគ្រឿងញៀនចំនួន ១០កញ្ចប់ (មធ្យម ១កញ្ចប់, តូច៩កញ្ចប់) , ម៉ូតូ១គ្រឿង, ទូរស័ព្ទ ២គ្រឿង ។
បច្ចុប្បន្នជនសង្ស័យរួមនិងវត្ថុតាំងត្រូវបានកម្លាំងជំនាញកំពុងកសាងសំណុំរឿងបញ្ជូនទៅការិយាល័យ ចាត់ការតាមនីតិវិធីច្បាប់ ៕
