ខេត្កកំពង់ស្ពឺ÷ ពាក្យចាស់លោកតែងពោលថា រពឹសដៃ.ផ្ទៃស្អែត ដោយឡែកយុវជន០៤នាក់នេះរពឹសដៃ ត្រូវបានកម្លាំងនគរបាលព្រហ្មទណ្ឌស្រុកសំរោងទង ធ្វើការឃាត់ខ្លួនក្រោយពូកគេរពឹសដៃធ្វើសកម្មភាពជិះម៉ូតូគប់ទៅលើកញ្ចក់រថយន្តអ្នកធ្វើដំណើរតាមបណ្ដោយផ្លូវជាតិលេខ៤ ស្ថិតនៅក្នុងស្រុកសំរោងទង ខេត្តកំពង់ស្ពឺ។
នេះបើតាមការបញ្ជាក់ពីលោកវីរៈសេនីយ៍ឯក ឃុត សុផល អធិការនគរបាលស្រុកសំរោងទង ថានៅថ្ងៃទី២៨ ខែឧសភា ឆ្នាំ២០២៥លោកបានទទួលពាក្យបណ្តឹងពីឈ្មោះ សន ចាន់ថេត ភេទប្រុស អាយុ ២៦ឆ្នាំ នៅភូមិកណ្ដាល ឃុំមហាសាំង ស្រុកភ្នំស្រួច ខេត្តកំពង់ស្ពឺ.ថាជនសង្ស័យមិនស្គាល់អត្តសញ្ញាណបានធ្វើសកម្មភាពគប់កញ្ចក់រថយន្ត ។
លោកវីរៈសេនីយ៍ឯក ឃុត សុផល បាទបើតាមម្ចាស់បណ្ដឹងបានឲ្យដឹងទៀតថានៅវេលាម៉ោង ២២ និង ២០នាទី បានបើករថយន្ត ម៉ាកកាំម៉ារីឆ្លាម សេរីឆ្នាំ១៩៩៦ ពណ៍ស ពាក់ផ្លាកលេខភ្នំពេញ 2A-6354 ចេញពីពេទ្យតេជោសន្តិភាព រាជធានីភ្នំពេញ តាមផ្លូវជាតិលេខ៤ ពីកើត ទៅលិច មកដល់ចន្លោះគីឡូម៉ែត្រ ៣៨-៣៩ ស្ថិតនៅភូមិអូរក្រាំងអំបិល ឃុំត្រពាំងគង ស្រុកសំរោងទង ខេត្តកំពង់ស្ពឺ ក៏មានជនសង្ស័យចំនួន ៤នាក់ជិះម៉ូតូ ២គ្រឿង ម៉ាកហុងដា មកពីក្រោយបានវ៉ាហើយយកដុំថ្មគប់បណ្ដាលអោយបែកកញ្ចក់រថយន្តខាងមុខ និងធ្វើដំណើរមកដល់ចន្លោះគីឡូម៉ែត្រលេខ ៤១-៤២ ស្ថិតនៅភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ បានយកដុំថ្មគប់មកលើកញ្ចក់រថយន្តម្ដងទៀត ម្ចាស់រថយន្តបានបើកដេញតាមបានផ្ដួលម៉ូតូ ១គ្រឿង ម៉ាកហុងដា សេ១២៥ សេរីឆ្នាំ២០២៥ ពណ៍ខៀវ ពាក់ផ្លាក លេខ ភ្នំពេញ 1LL-8838 នៅចំណុចផ្លូវលំភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ ។
លោកវីរៈសេនីយ៍ឯក ឃុត សុផល អធិការនគរបាលស្រុកសំរោងទង បានបញ្ចាក់ទៀតថាក្រោយពីទទួលបានពត៍មាន កម្លាំងព្រហ្មទណ្ឌស្រុកបានធ្វើការស្រាវជ្រាវឃាត់មនុស្សចំនួន ៤នាក់:
១- ឈ្មោះ ពេជ្រ ផានិត ភេទប្រុស អាយុ ២៥ឆ្នាំ ជាម្ចាស់ម៉ូតូ អ្នកបើក
២- ឈ្មោះ មាន សូយទ្រី ហៅទ្រី ភេទប្រុស អាយុ ១៨ឆ្នាំ អ្នកគប់
៣- ឈ្មោះ ភូ ចាន់ដា ហៅចយ ភេទប្រុស អាយុ ២១ឆ្នាំ អ្នកបើក
៤- ឈ្មោះ សូត្រ ស៊ីធួន ភេទប្រុស អាយុ ២០ឆ្នាំ ជិះក្រោយ ទាំង ៤នាក់នៅភូមិសំរោងទងលើ ឃុំសំរោងទង ស្រុកសំរោងទង ខេត្តកំពង់ស្ពឺ។
លោក ឃុត សុផល បានបន្ថែមទៀតថាបានបន្ថែមទៀតថាក្រោយពីសួរនាំជនសង្ស័យបានឆ្លើយសារភាពថាពួកខ្លួន ពិតជាបានគប់កញ្ចក់រថយន្តខាងលើពិតប្រាកដមែន និងដកហូតបានម៉ូតូ ២គ្រឿង ។
បច្ចុប្បន្នជនសង្ស័យខាងលើ ជំនាញកំពុងធ្វើការសាក សួរ និងកសាងសំណុំរឿងចាត់ការតាមនីតិវិធី ៕
