ខេត្តកំពង់ស្ពឺ÷ ដីជាប់នឹងជើងភ្នំមួយកន្លែងកំពុងរងការជីកកាយយកអាចម៍ដីរបាយថ្ម ពីសំណាក់ក្រុមថៅកែគ្រឿងចក្រជាច្រើន នឹងដឹកលក់ធ្វើអាជីវកម្មផ្ទាល់ខ្លួន សង្ស័យមិនមានលិខិតអនុញ្ញាត ជាហេតុធ្វើឲ្យបាត់បង់ពន្ធចំណូលចូលរដ្ឋដ៏ធ្ងន់ធ្ងរ ស្នើសុំអាជ្ញាធរ និងមន្ត្រីជំនាញពាក់ព័ន្ធចុះពិនិត្យមើលផង ស្ថិតនៅភូមិចាស់ ឃុំពេជ្រមុន្នី ស្រុកគង់ពិសី ខេត្តកំពង់ស្ពឺ ។
ជាក់ស្តែងនៅរសៀលថ្ងៃទី០២ ខែឧសភា ឆ្នាំ២០២៥ អ្នកសារព័ត៌មាន ស៊ីអិនធី ហតញូយ៍ បានចុះទៅដល់កន្លែងទីតាំងនិងបានថតផ្ដិតយករូបភាពនៅសកម្មភាពក្រុមគ្រឿងចក្រកំពុងតែជិកកាយយកអាចម៍ដីរបាយថ្ម ជាប់នឹងជើងភ្នំ ឃើញមានក្រុមឡានបែនជាច្រើនគ្រឿងដឹកចេញយកមកចាក់បំពេញដីមួយកន្លែង ខណៈអ្នកសារព័ត៌មានយើងបានរាយការណ៍ទៅលោក ណុប ផាន់ណា មន្ត្រីជំនាញទទួលបន្ទុករ៉ែ និងថាមពល ខេត្តកំពង់ស្ពឺ លោកថារវល់ជាប់ប្រជុំ ចាំប្រជុំចប់លោកនឹងចុះទៅពិនិត្យមើល ។
សូមបញ្ជាក់ថា ព័ត៌មាន មិនមែនជាភស្តុតាង តែជាតម្រុយឈានទៅរកភស្តុតាង.? ខណៈប្រភពបានឲ្យដឹងថាក្រុមគ្រឿងចក្រខាងលើនេះបានធ្វើសកម្មភាពជិកកាយយកអាចម៍ដីរបាយថ្ម នៅជុំវិញជើងភ្នំខាងលើនេះដឹកយកទៅលក់ធ្វើអាជីវកម្មផ្ទាល់ខ្លួនជាយូរមកហើយ។
ប្រភពបានបន្តទៀតថាបុគ្គលដែលជាថៅកែគ្រឿងចក្រខាងលើនេះបានអួតខ្លួនឯងថាជា(អ្នកកាសែត) ហើយថាគ្មានអ្នកណាហ៊ានសួរនាំលោកនោះទេហើយបុគ្គលម្នាក់នេះតែងតែដាក់គ្រឿងចក្រធ្វើសកម្មភាពជីកកកាយយកអាចម៍របាយថ្ម នៅជាប់នឹងជើងភ្នំ សង្ស័យមិនមានលិខិតអនុញ្ញាតពីស្រុក និងខេត្ត ម្យ៉ាងទៀតក្រុមឡានបែនដឹកជញ្ជូននោះមើលទៅមិនមានលក្ខណៈបច្ចេកទេសមិនបានក្រូបឱ្យបានត្រឹមត្រូវមុននឹងដឹកចេញ ករណីនេះមហាជនមានការសង្ស័យថាប្រហែលអាជ្ញាធរ និងមន្ត្រីជំនាញពាក់ព័ន្ធបានសើមមាត់សើមកហើយ បានមិនពិនិត្យមើលក្រុមឡានខាងលើនេះ ។
ជាការសំណូមពរ និងស្នើសុំដល់ឯកឧត្តម បណ្ឌិត ជាម ច័ន្ទសោភ័ណ្ឌ អភិបាលខេត្តកំពង់ស្ពឺ សូមឯកឧត្តមមេត្តាជួយពិនិត្យនៅទីតាំងជីកការយកអាចម៍ដីរបាយថ្ម ពីសំណាក់ក្រុមគ្រឿងចក្រ នឹងដឹកលក់ធ្វើអាជីវកម្ម នៅចំណុចខាងលើដើម្បីចាត់វិធានការឱ្យបានច្បាស់លាស់ (តើមានលិខិតអនុញ្ញាតដែរទេ.?) នឹងជួយពិនិត្យមើលអាជ្ញាធរ និងមន្ត្រីជំនាញពាក់ព័ន្ធមួយចំនួនដែលកន្លងមកតែងតែមានការលួចឃុបឃិតគ្នាជាមួយក្រុមជនឆ្លៀតឳកាសដែលតែងលួចធ្វើអាជីវកម្ម កេងចំណេញលើពន្ធសួយសាររបស់រដ្ឋបន្លំពីអាជីវកម្មខ្នាតធំមកខ្នាតតូចដោយសារតែមានការត្រូវរ៉ូវគ្នាជាប្រព័ន្ធនេះផងទាន ៕
