ខេត្តកំពង់ស្ពឺ÷ ដីត្រត្រពាំងទឹកមួយកន្លែងកំពុងរងការជិះកកាយយកអាចម៍ដីដឹងចេញទៅលក់ធ្វើអាជីវកម្មពីសំណាក់ថៅកែគ្រឿងចក្រ សង្ស័យមិនមានលិខិតអនុញ្ញាតពីរស្រុក និងខេត្ត ស្នើសុំមន្ត្រីជំនាញពាក់ព័ន្ធចុះពិនិត្យមើល នឹងធ្វើការទប់ស្កាត់ទៅលើក្រុមជនឆ្លៀតឳកាសដែលតែងលួចធ្វើអាជីវកម្ម កេងចំណេញលើពន្ធសួយសាររបស់រដ្ឋដោយសារតែមានការត្រូវរ៉ូវគ្នាជាប្រព័ន្ធ ។
ក្រោយពីទទួលបានសេចក្តីរាយការណ៍ពីប្រជាពលរដ្ឋ.នៅថ្ងៃទី៧ ខែមិថុនា ឆ្នាំ២០២៥ ភ្នាក់ងារអង្គភាពគេហទំព័រ ស៊ីអិនធី ហតញូយ៍ បានចុះទៅដល់ទីតាំងដីត្រពាំងទឹក ដែលស្ថិតនៅក្នុងភូមិត្រពាំងឈូរ ឃុំកក់ ស្រុកបសេដ្ឋ ខេត្តកំពង់ស្ពឺ ឃើញក្រុមគ្រឿងចក្រជីកកកាយយកអាចម៍ដីពិតមែន និងដឹកចេញយកទៅចាក់បំពេញទីតាំងដីមួយកន្លែងស្ថិតនៅភូមិខ្នារតានង ឃុំស្វាយរំពារ ស្រុកបសេដ្ឋ ខេត្តកំពង់ស្ពឺ សង្ស័យមិនទាន់មានលិកខិតអនុញ្ញាតពីស្រុក និងខេត្ត ម្យ៉ាងទៀតក្រុមឡានដែលដឹកជញ្ជូនអាចម៍ដីចេញពីក្នុងរណ្ដៅនោះមើលទៅមិនមានលក្ខណៈបច្ចេកទេស មិនបានក្រូបឱ្យបានត្រឹមត្រូវមុននឹងដឹកចេញ បណ្ដាលឱ្យដីធ្លាក់ពីលើឡានមកលើផ្លូវជាតិបង្កផលប៉ះពាល់ដល់អ្នកធ្វើដំណើរផងដែរ។ ករណីនេះមហាជនមានការសង្ស័យថាប្រហែលអាជ្ញាធរ និងមន្ត្រីជំនាញពាក់ព័ន្ធបានសើមមាត់សើមកហើយ បានមិនពិនិត្យមើលក្រុមឡានខាងលើនេះ ។
ក្រោយពីឃើញសកម្មភាពគ្រឿងចក្រជិកកាយយកអាចម៍ដីក្នុងត្រពាំងទឹកខាងលើភ្នាក់ងារសារព័ត៌មានយើងបានទំនាក់ទំនងទៅលោកមេឃុំកក់ លោកបានទទួលស្គាល់ថាពិតជាមានការជិកកាយយកអាចម៍ដីដឹកចេញពិតមែន ព្រោះលោកជាអ្នកអនុញ្ញាតឲ្យជិកដើម្បីតម្រឹមឱ្យស្មើគ្នា ហើយលោកថាក្រុមថៅកែគ្រឿងចក្របានឲ្យដី.៣.៤.ឡាន សម្រាប់ជួសជុលផ្លូវ ហើយលោកបានប្រាប់ទៅរដ្ឋបាលស្រុកហើយ។
ដោយឡែកមេការដែលគេឲ្យមកឈរបក់ដៃនិងហែកវិក័យបត្រឱ្យក្រុមឡានដឹកដីខាងលើនេះបានហើយភ្នាក់ងារសារព័ត៌មានយើងដឹងថា ទីតាំងដីដែលក្រុមឡានកំពុងដឹកយកមកចាក់បំពេញនេះមានម្ចាស់ជាជនជាតិចិន.! តែពាក់ព័ន្ធនឹងច្បាប់គាត់មិនដឹងទេ គាត់ដឹងតែហែកវិក័យបត្រឲ្យឡានតែប៉ុណ្ណោះ។
ជាការសំណូមពរ និងស្នើសុំដល់ឯកឧត្តម បណ្ឌិត ជាម ច័ន្ទសោភ័ណ្ឌ អភិបាលខេត្តកំពង់ស្ពឺ សូមឯកឧត្តមមេត្តាចាត់មន្ត្រីជំនាញចុះទៅពិនិត្យនៅទីតាំងជីកការយកអាចម៍ដីពីសំណាក់ក្រុមថៅកែគ្រឿងចក្រ នឹកដឹកលក់ធ្វើអាជីវកម្ម នៅចំណុចខាងលើដើម្បីចាត់វិធានការឱ្យបានច្បាស់លាស់ (តើមានលិកខិតអនុញ្ញាតដែរទេ.?) នឹងជួយពិនិត្យមើលមន្ត្រីពាក់ព័ន្ធមួយចំនួនដែលកន្លងមកតែងតែមានការលួចឃុបឃិតគ្នាជាប្រព័ន្ធជាមួយនឹងក្រុមឈ្មួញធ្វើឲ្យមានការបាត់បង់ពន្ធចំណូលចូលរដ្ឋដ៏ធ្ងន់ធ្ងរនេះផង៕
