ខេត្តកំពង់ស្ពឺ ថ្ងៃទី០៨ ខែកក្កដា ឆ្នាំ២០២៥ ឯកឧត្តម យឹម សុខុម ប្រធានក្រុមប្រឹក្សាខេត្ត ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ អញ្ជើញចូលរួមក្នុង ពិធីសម្ពោធអគារសិក្សា អគារទីចាត់ការ ផ្ទះស្នាក់នៅគ្រូ និងសមិទ្ធផលនានា នៅក្នុងខេត្តកំពង់ស្ពឺ” ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ព្រមទាំងមានការអញ្ជើញចូលរួម គណៈប្រតិភូអមដំណើរ ឯកឧត្តម លោកជំទាវ លោក លោកស្រី ប្រធានមន្ទីរអង្គភាពជុំវិញខេត្ត លោកគ្រូ អ្នកគ្រូ សិស្សានុសិស្ស និងប្រជាពលរដ្ឋ ជាច្រើនទៀត ពិធីនេះដែរប្រារព្ធធ្វើនៅ វិទ្យាល័យឧដុង្គ ស្ថិតនៅភូមិក្រាំងពន្លៃ សង្កាត់វាំងចាស់ ក្រុងឧដុង្គម៉ែជ័យ។
ក្នុងឱកាសនោះដែរ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ បានរាយការណ៍សង្ខែបអំពីអគារសិក្សា ផ្ទះស្នាក់នៅគ្រូ ទីចាត់ការ និងសមិទ្ធផលនានា ក្នុងខេត្តកំពង់ស្ពឺ ដែលត្រូវសម្ពោធដាក់ឱ្យប្រើប្រាស់ជាផ្លូវការ នៅវិទ្យាល័យឧដុង្គ នាថ្ងៃនេះ រួមមាន អាគារសរុប ចំនួន ១១ខ្នង ស្មើនឹង ១៤៩បន្ទប់(អគារកម្ពស់ ៣ជាន់ មាន ៤ខ្នង ស្មើនឹង ៨៤បន្ទប់,អគារកម្ពស់ ២ជាន់ មាន៤ខ្នង ស្មើនឹង ៥៦បន្ទប់ និងអគារផ្ទាល់ដី ៣ខ្នង មាន ៩ បន្ទប់ ក្នុងនោះ អគាសិក្សា ៧ខ្នង មាន ១២០បន្ទប់, ផ្ទះស្នាក់នៅគ្រួ ១ខ្នង មាន ២០បន្ទប់ ទីចាត់ការ ៣ខ្នង មាន ៩បន្ទប់។ ដោយឡែក ចំពោះអគារសិក្សាវិទ្យាល័យឧដុង្គ មាន ២ខ្នង ស្មើនឹង ២៤បន្ទប់ កម្ពស់ ២ជាន់ មានបុគ្គលិក ៦៣នាក់ ស្រី ១៨នាក់ និងសិស្សានុសិស្ស ១.៩៨០នាក់ ស្រី ១.១១០នាក់។
ឯកឧត្តមបញ្ជាក់ថា អគារត្រូវសម្ពោធ មានកម្ពស់ ៣ជាន់ មាន ៤ខ្នង ស្មើនឹង ៨៤បន្ទប់ ១.អគារវិទ្យាល័យប៊ុនរ៉ានី ហ៊ុនសែនចាន់ថ្នាល (ស្រុកសាមគ្គីមុនីជ័យ) ២.អគារវិទ្យាល័យកំពង់ស្ពឺ (ក្រុងច្បារមន) ៣.អគារសិក្សាវិទ្យាល័យហ៊ុន សែន ជ្រៃហូរព្នៅ (ស្រុកគងពិសី) ៤.អគារសិក្សាបឋមសិក្សាជ្រៃហូរព្នៅ ស្រុកគងពិសី។ អគារត្រូវសម្ពោធ មានកម្ពស់ ២ជាន់ មាន ៤ខ្នង ស្មើនឹង ៥៦បន្ទប់ ១.អគារវិទ្យាល័យឧដុង្គ មាន ២ខ្នង ស្មើនឹង ២៤បន្ទប់ (ក្នុង ១ខ្នង មាន ១២បន្ទប់) ២.អនុវិទ្យាល័យរ័ត្នមុនីគិរីឧត្តម មាន ១ខ្នង ស្មើនឹង ១២បន្ទប់ ៣.អគារស្នាក់នៅរបស់គ្រូ នៅវិទ្យាល័យហ៊ុន សែន ជ្រៃហូរព្នៅ ស្រុកគងពិសី ១ខ្នង ស្មើនឹង២០ បន្ទប់។ អគារទីចាត់ការដែលមានកម្ពស់ ១ជាន់ មានចំនួន៣ខ្នង ស្មើនឹង៩ បន្ទប់ ១.អគារទីចាត់ការនៅវិទ្យាល័យ ហ៊ុន សែន ជ្រៃហូរព្នៅ ១ខ្នង ៣បន្ទប់ ស្រុកគងពិសី ២.អគារទីចាត់ការ នៅបឋមសិក្សាជ្រៃហូរព្នៅ ស្រុកគងពិសី ១ខ្នង ៣បន្ទប់ ៣.អគារទីចាត់ការ នៅអនុវិទ្យាល័យរ័ត្នមុនីគិរីឧត្តម ស្រកបសេដ្ឋ ១ខ្នង ៣ បន្ទប់។
