ខេត្តកំពង់ស្ពឺ÷ ប្រជាពលរដ្ឋរស់នៅអមសងខាងផ្លូវបានសំដែងការសាទរក្រោយពីរផ្លូវលំមួយខ្សែ ដែលបានរងការខូចខាតនិងពិបាកធ្វើដំណើរជាយូរហើយនោះ ក្រោមពីមានការចង្អុលបង្ហាញនិងយកចិត្តទុកដាក់ពីឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ នៅព្រឹកថ្ងៃទី០៩ ខែកក្កដា ឆ្នាំ២០២៥នេះ អាជ្ញាធរបានធ្វើការជួសជុលផ្លូវនឹងក្រាលថ្មមិច ដើម្បីជួយសម្រួលនឹងងាយស្រួលដល់ប្រជាពលរដ្ឋធ្វើដំណើរវិញហើយ។
សូមបញ្ជាក់ថាផ្លូវលំមួយខ្សែនេះបានតភ្ជាប់ពីផ្លូវជាតិលេខ១៣០ ចូលតាមក្លោងទ្វារ វត្តអង្គស្រង៉ែ ឆ្លងកាត់ភូមិជាច្រើនមានភូមិស្ពានតោ ភូមិដើមទ្មារ ភូមិត្រពាំងកោះ ភូមិត្រពាំងត្រាវ និងភូមិជាច្រើនទៀត ស្ថិតនៅក្នុងឃុំរលាំងគ្រើល ស្រុកសំរោងទង ខេត្តកំពង់ស្ពឺ។
បើយោងតាមផេក facebook ផ្លូវការរបស់រដ្ឋបាលឃុំរលាំងគ្រើន បានបង្ហោះថាអាជ្ញាធរធ្វើការជួសជុលផ្លូវក្រាលថ្មមិចប្រវែង៣.៤០០ម៉ែត្រ ពីចំណុចភូមិស្ពានតោ តភ្ជាច់ពីផ្លូវ១៣០ កាត់ចំនួន៤ភូមិ ដល់ផ្លូវចូលវត្តអង្គស្រង៉ែ។
សូមថ្លែងអំណរអរគុណដល់អាជ្ញាធរឃុំ ស្រុក ខេត្ត ជាពិសេសឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ ដែលឯកឧត្តមបានយកចិត្តទុកដាក់នឹងធ្វើការជួសជុលផ្លូវលំមួយខ្សែនេះទុកជាប្រយោជន៍ដល់បងប្អូនប្រជាពលរដ្ឋដែលរស់នៅអមសងខាងផ្លូវ និងងាយស្រួលដល់បងប្អូនប្រជាពលរដ្ឋធ្វើអ្នកដំណើរដើម្បីប្រកបរបរប្រចាំថ្ងៃផងដែរ។
