កំពង់ស្ពឺ៖ ថ្ងៃទី១១ ខែកក្កដា ឆ្នាំ២០២៥ កិច្ចប្រជុំត្រួតពិនិត្យវឌ្ឍនភាពការងារផ្តល់សេវារដ្ឋបាល នៅយន្តការ ច្រកចេញចូលតែមួយខេត្ត ក្រុង ស្រុក ឃុំ សង្កាត់ និងការងារផ្តល់សេវាអត្រានុកូលដ្ឋាន ប្រចាំ ត្រីមាសទី២ ឆ្នាំ២០២៥ ក្រោមអធិបតីភាពឯកឧត្តម ហន ភក្តី អភិបាលរង នៃគណៈអភិបាលខេត្តកំពង់ស្ពឺ ក្នុងកិច្ចប្រជុំនេះមានការអញ្ជើញចូលរួមពី ប្រធានអង្គភាពច្រកចេញចូលតែមួយ លោក លោកស្រីប្រធានមន្ទីរអង្គភាពពាក់ព័ន្ធ និងប្រធានការិយាល័យប្រជាពលរដ្ឋ ស្រុក ឃុំ/សង្កាត់ សរុបចំនួនប្រមាណជា ៨៥រូប ពិធីនេះដែរប្រារព្ធធ្វើនៅសាលប្រជុំ កង ហ៊ាង អគាររដ្ឋបាលខេត្តកំពង់ស្ពឺ។
គោលបំណងនៃកិច្ចប្រជុំនេះ ដើម្បីត្រួតពិនិត្យមើលវឌ្ឍនភាពការផ្តល់សេវារដ្ឋបាលនៅយន្តនាការ ច្រកចេញចូលតែមួយសម្រាប់ការផ្ដល់សេវាខេត្ត ក្រុង/ស្រុក ឃុំ/សង្កាត់ និងជជែកពិភាក្សា ផ្លាស់ប្ដូរយោបល់ទៅលើបញ្ហាប្រឈមនានាដែលបានជួបប្រទះនាពេលកន្លងមក ដើម្បីដាក់ចេញជាដំណោះស្រាយ និងផែនការសកម្មភាពសម្រាប់អនុវត្តបន្ដ ស្របតាមសេចក្ដីណែនាំស្ដីពីបែបបទ និងនីតិវិធីនៃការផ្ដល់សេវារដ្ឋបាលតាមយន្ដការច្រកចេញចូលតែមួយខេត្ត ក្រុង/ស្រុក ឃុំ/សង្កាត់។
ឆ្លៀតក្នុងឱកាសនេះដែរ ឯកឧត្តម ហន ភក្តី បានស្នើរដល់ច្រកចេញចូលតែមួយសម្រាប់ការផ្ដល់សេវាខេត្ត ក្រុង/ស្រុក ឃុំ/សង្កាត់ ត្រូវខិតខំយកចិត្តទុកដាក់ផ្តល់ផ្តល់ការគាំទ្រដល់កិច្ចដំណើរការបំពេញការងាររបស់អង្គភាពច្រកចេញចូលតែមួយ និងការិយាល័យប្រជាពលរដ្ឋ ពិសេសត្រូវអនុវត្តឱ្យបានត្រឹមត្រូវទៅតាមនីតិវិធីនៃការផ្តល់សេវារដ្ឋបាលរបស់អង្គភាព។ លើសពីនេះទៀត ឯកឧត្តមក៏បានណែនាំដល់រដ្ឋបាលក្រុង /ស្រុក ឱ្យបន្តសម្របសម្រួលជាមួយមន្ទីរ អង្គភាពពាក់ព័ន្ធក្នុងការផ្ទេរ ការផ្តល់សេវារដ្ឋបាលពីមន្ទីរ អង្គភាពជំនាញពាក់ព័ន្ធមកអង្គភាពច្រកចេញចូលតែមួយ និងត្រូវធ្វើការផ្សព្វផ្សយ ដល់ប្រជាពលរដ្ឋនិងអ្នកពាក់ព័ន្ធអំពីការផ្តល់សេវារបស់អង្គភាពច្រកចេញចូលតែមួយ និងការិយាល័យប្រជាពលរដ្ឋឱ្យបានទូលំទូលាយនៅក្នុងដែនសមត្ថកិច្ចរបស់ខ្លួន។ ចំណែកការិយាល័យប្រជាពលរដ្ឋត្រូវធ្វើការសម្រុះសម្រួលដោះស្រាយបណ្តឹងតវ៉ា ឬការមិនពេញចិត្តនានារបស់ប្រជាពលរដ្ឋ ឬធ្វើការឆ្លើយតបឱ្យបានឆាប់រហ័សទៅកាន់ម្ចាស់បណ្តឹង ទោះជាបណ្តឹងនោះស្ថិតក្នុងសមត្ថកិច្ចឬក្រៅសមត្ថកិច្ចរបស់ការិយាល័យក៏ដោយ។
#អត្ថបទនិងរូបភាព មន្ទីរព័ត៌មានខេត្តកំពង់ស្ពឺ
