កំពង់ស្ពឺ៖ ថ្មីៗនេះ លោក សុខ សុទ្ធី អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ឯកឧត្តមបណ្ឌិត ជាម ចន្ទសោភ័ណ អភិបាលខេត្ត បានអញ្ជើញជួបពិភាក្សាការងារជាមួយប្រតិភូសមាគមវាយនភ័ណ្ឌមកពីខេត្តក្វាងទុង សាធារណរដ្ឋប្រជាមានិតចិន នៅតំបន់សួនឧស្សាហកម្មជីងឆឹង ស្ថិតនៅភូមិឈើនាងខ្ពស់ ឃុំតាំងស្យា ស្រុកភ្នំស្រួច ខេត្តកំពង់ស្ពឺ ព្រមទាំងមានអញ្ជើញចូលរួម ពីលោក លោកស្រីមកពីបណ្តាក្រុមហ៊ុនក្វាងទុង លោកនាយករងរដ្ឋបាលសាលាខេត្ត និងលោក លោកស្រីប្រធានមន្ទីរអង្គភាពជំនាញពាក់ព័ន្ធជុំវិញខេត្ត ជាច្រើនរូបទៀត។
លោកស្រី លាវ សៀវលីង ប្រធានផ្នែកគ្រប់គ្រងទូទៅ ក្រុមហ៊ុម GM.new golden integrity international investment co.Ltd បានឡើងធ្វើបទបង្ហាញជូនដល់គណៈធិបតី ស្តីពីសក្តានុពលក្នុងគម្រោងអភិវឌ្ឍន៍លើទំហំដី ៥៦០ហិតា ចែកចេញជាពីរផ្នែក ក្នុងនោះមានតំបន់អភិវឌ្ឍន៍ឧស្សាហកម្មសេដ្ឋកិច្ចពិសេស និងវាយនភ័ណ្ឌ ដែលមាននាក់វិនិយោគជាង៦០ ក្រុមហ៊ុនមកវិនិយោគក្នុងខេត្តកំពង់ស្ពឺ។
ឆ្លៀតក្នុងឱកាសនោះដែរ លោក សុខ សុទ្ធី អភិបាលរងខេត្ត បានមានមតិស្វាគមន៍ និងសំណេះសំណាលនិងបានជម្រាបពីស្ថានភាព និងសក្តានុពលនៃទឹកដីខេត្តកំពង់ស្ពឺ ជាពិសេសនៅតំបន់ស្រុកភ្នំស្រួច ដែលជាទីតាំងសម្រាប់ទាក់ទាញការវិនិយោគលើផ្នែកកសិកម្ម ការចិញ្ចឹមសត្វ និងឧស្សាហកម្មកាត់ដេរសំលៀកបំពាក់ វាយនភ័ណ្ឌផ្សេងៗនិងមានហេដ្ឋារចនាសម្ព័ន្ធល្អក្នុងការដឹកជញ្ជូនកសិផល និងការផលិតនាំចេញទៅទីផ្សារអន្តរជាតិតាមច្រកកំពង់ផែក្រុងព្រះសីហនុដែលមានចម្ងាយផ្លូវជិត ដើម្បីកាត់បន្ថយការចំណាយថ្លៃដឹកជញ្ជូនបានមួយចំនួនទៀត។
លោកបានបន្តទៀតថា ក្នុងនាមអាជ្ញាធរដែនដីគ្រប់លំដាប់ថ្នាក់មានតួនាទីភារកិច្ចសម្របសម្រួលការពារសន្តិសុខសណ្ដាប់ធ្នាប់ជូនអ្នកវិនិយោគស្របទៅតាមគោលនយោបាយរបស់រាជរដ្ឋាភិបាលក្រោមការដឹកនាំដ៏ឈ្លាសវៃររបស់សម្ដេចមហាបបរធិបតីហ៊ុនម៉ាណែតដែលលោកខិតខំប្រឹងប្រែងក្នុងការទាក់ទាញអ្នកវិនិយោគពីក្រៅស្រុក។ដើម្បីមករកស៊ីនៅកម្ពុជាបង្កើតការងារជូនដល់ប្រជាពលរដ្ឋឲ្យមានការងារធ្វើនិងមានប្រាក់ចំណូលដើម្បីផ្គត់ផ្គង់គ្រួសារ។ឲ្យមានជីវភាពធូរធារផងដែរ។
ស្រុកភ្នំស្រួចជាទីចំណាប់អារម្មណ៍សម្រាប់ទាក់ទាញអ្នកវិនិយោគទុនពីក្រៅស្រុក..
