កំពង់ស្ពឺ ៖នាព្រឹកថ្ងៃ៣១ ខែកក្កដា ឆ្នាំ២០២៥-ឯកឧត្តម យឹម សុខុម ប្រធានក្រុមប្រឹក្សាខេត្ត ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាល បានអញ្ជើញដឹកនាំគណៈប្រតិភូរដ្ឋបាលខេត្តអមដំណើរឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ
ចូលរួមគោរពវិញ្ញាណក្ខ័ន្ធ លោកវរសេនីយ៍ត្រី លៀម សំពៅមាស មន្រ្ដីនគរបាល នៃវរសេនាតូចនគរបាលការពារព្រំដែន ៧៩៣ នៃអគ្គស្នងការដ្ឋាននគរបាលជាតិ និងសពលោកអនុសេនីយ៍ឯក ពោ វៃ យោធិន នៃកងពលតូចអន្តរាគមន៍លេខ៨ ចំណុះកងពលធំអន្តរាគមន៍លេខ៣ កងទ័ពជើងគោក នៃកងយោធពលខេមភូមិន្ទ ដែលបានពលីជីវិតនៅលើសមរភូមិប្រយុទ្ធជាមួយទ័ពឈ្លានពានសៀមដែនអធិបតេយ្យភាពកម្ពុជា។
