ខេត្តកំពង់ស្ពឺ÷ ជនឆ្លៀតឱកាសលួចដាក់គ្រឿងចក្រជិកកាយយកអាចម៍ដី នៅក្នុងរណ្ដៅដីមួយកន្លែង ដឹកយកទៅលក់ធ្វើអាជីវកម្មផ្ទាល់ខ្លួន យ៉ាងណាធិបតេយ្យ សង្ស័យមិនមានលិខិតអនុញ្ញាតពីស្រុក និងខេត្ត ស្នើសុំមន្ត្រីជំនាញពាក់ព័ន្ធចុះពិនិត្យមើលផង ជៀសវាងជនឆ្លៀតឱកាសលួចធ្វើអាជីវកម្ម កេងចំណេញលើពន្ធសួយសាររបស់រដ្ឋ ជាហេតុធ្វើឲ្យបាត់ ចំណូលចូលរដ្ឋ។
បើយោងតាមមេកាម្នាក់ដែលកំពុងឈរហែកវិក័យបត្រឲ្យឡានដឹកដីបានប្រាប់ថាម្ចាស់រណ្ដៅដីនេះមានតួនាទីជាទាហ៊ាន បានដាក់គ្រឿងចក្រជិកកាយយកអាចម៍ដីដឹកយកទៅចាក់បំពេញដីឡូមួយកន្លែងនៅតាមបណ្ដោយផ្លូវជាតិលេខ៤១ តែពាក់ព័ន្ធនឹងលិខិតអនុញ្ញាតអ្វីនោះគាត់មិនដឹងទេ។ សូមបញ្ជាក់ថារណ្ដៅដីមួយកន្លែងនេះនៅត្រង់ចំណុចទំនប់អូរត្រែង ស្ថិតនៅភូមិស្វាយ ឃុំព្រៃងៀត ស្រុកគងពិសី ខេត្តកំពង់ស្ពឺ ហើយឡានដែលធ្វើសកម្មភាពដឹកជញ្ជូននោះមើលទៅមិនមានលក្ខណៈបច្ចេកទេស មិនបានក្រូបឱ្យបានត្រឹមត្រូវមុននឹងដឹកចេញមកខាងក្រៅ។
ជាការសំណូមពរ និងស្នើសុំដល់ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្ត កំពង់ស្ពឺ សូមឯកឧត្តមមេត្តាជួយពិនិត្យមើលរណ្តៅដីមួយកន្លែងនេះផង តើមានលិខិតអនុញ្ញាតដែរទេ ដែលជនឆ្លៀតឱកាសកំពង់លួចដាក់គ្រឿងចក្រជិកកាយយកអាចម៍ដីដឹកលក់ធ្វើអាជីវកម្មផ្ទាល់ខ្លួនកេង ចំណេញលើពន្ធសួយសាររបស់រដ្ឋដោយមិនខ្លាចញញើតនឹងច្បាប់អ្វីបន្តិចសោះ និងចាត់វិធានការតាម ផ្លូវច្បាប់ទៅលើមន្ត្រីពាក់ព័ន្ធមួយចំនួនដែលតែងតែមានការលួចឃុបឃិតគ្នាជាប្រព័ន្ធជាមួយនឹងក្រុមជនខិលខូចធ្វើឲ្យមានការបាត់បង់ពន្ធចំណូលចូលរដ្ឋដ៏ធ្ងន់ធ្ងរខាងលើនេះផង៕
