ខេត្តកំពង់ស្ពឺ÷ នៅថ្ងៃទី៨ ខែសីហា ឆ្នាំ២០២៥ វេលាម៉ោង ៤និង ៣០នាទី មានករណីអគ្គីភ័យឆាបឆេះអាគាររោងចក្រ យាន ហ្សេន ខូតធីង មេធៀរៀលខេមបូឌាឯ.ក ដែលមានទំហំ២៥x១០០ម៉ែត្រ បណ្ដាលឱ្យឆាតឆេះសម្ភារៈមួយចំនួននៅខាងក្នុង ស្ថិតនៅភូមិបាញ់កង្កែប ឃុំត្រពាំងគង ស្រុកសំរោងទង ខេត្តកំពង់ស្ពឺ។
បើយោងតាមរបាយការណ៍នគរបាលស្រុកសំរោងទងបានឲ្យដឹងថា មានករណីអគ្គីភ័យឆាបឆេះអាគារោងចក្រ យាន ហ្សេន ខូតធីង មេធៀរៀលខេមបូឌាឯ.ក ដែលមានទំហំ២៥x១០០ម៉ែត្រ បណ្ដាលឱ្យឆាបឆេះសម្ភារៈខាងក្នុងអាគារមួយចំនួនរួមមាន÷
១. ខូចខាតអាគា ១០% ២-ទឹកថ្នាំចំនួន ៦ធុង ៣-ម៉ាសុីនវ៉ៃថ្នាំ ១គ្រឿង ៤-សម្ភារ:ប្រើប្រាស់មួយចំនួន ក្នុងករណីអគ្គីភ័យឆាតឆេះនេះមិនបណ្តាលឲ្យគ្រោះថ្នាក់មនុស្សទេ។
នគរបាលស្រុកសំរោងទងបានបន្ថែមទៀតថាក្នុងប្រតិបត្តិការទប់ស្កាត់នឹងបាញ់ទឹកពន្លត់អគ្គីភ័យឆាបឆេះខាងលើនេះបានប្រើប្រាស់រថយន្តពន្លត់អគ្គីភ័យចំនួន ៣គ្រឿង
១ -រថយន្តពន្លត់អគ្គីភ័យស្នងការដ្ឋានខេត្តកំពង់ស្ពឺ ១គ្រឿង កម្លាំង៩នាក់ ប្រើប្រាស់ទឹកអស់១រថយន្ត ។
២ -រថយន្តពន្លត់អ្គ្គិភ័យស្រុកសំរោងទង ១គ្រឿង កម្លាំង ៦នាក់ ប្រើប្រាស់ទឹកអស់ ១រថយន្ត។
៣ -រថយន្តពន្លត់អគ្គីភ័យក្រុងច្បារមន ១គ្រឿងកម្លាំង៦នាក់ ប្រើប្រាស់ទឹកអស់១រថយន្ត ក្នុងនោះ មានកម្លាំងនគរបាលប៉ុស្តិត្រពាំងគង ៤នាក់ និងកម្លាំង កម្មករោងចក្រ ១៥នាក់ ដោយបានប្រើប្រាស់បំពង់ពន្លត់អគ្គីភ័យអស់ចំនួន ៣២ ដើម្បីបាញ់ពន្លត់ផងដែរ។
ករណីអគ្គីភ័យឆាបឆេះអាគាររោងចក្រខាងលើនេះមូលហេតុ បណ្តាលមកពីឆ្លងចរន្តអគ្គីសនី៕
