សមត្ថកិច្ចចម្រុះបង្ក្រាបបានខ្មោចរថយន្តចំនួន ៤គ្រឿង និងរឹបអូសទំនិញខូចគុណភាពចំនួន៥០១៤០គីឡូក្រាម ដុតបំផ្លាញចោល..

ខេត្តព្រះវិហារ÷ ក្រុមឈ្មួញនៅតែឆ្លៀតឱកាសលួចនាំទំនិញខូចគុណភាពចេញពីប្រទេសឡាវ ចូលមកកម្ពុជាតាមច្រកកំពង់ស្រឡៅ ខណៈថ្នាក់ដឹកនាំកំពុងតែជាប់ដៃបញ្ហារឿងព្រំដែនកម្ពុជា-ថៃ ជាក់ស្ដែងនៅថ្ងៃទី១៦ ខែសីហា ឆ្នាំ២០២៥ កម្លាំងចម្រុះបានសហការបង្ក្រាបបានខ្មោច រថយន្តចំនួន ៤គ្រឿងនិងរឹបអូសបានទំនិញខូចគុណភាពចំនួន៥០១៤០គីឡូក្រាម និងបានដុតបំផ្លាញចោល ខណៈក្រុមឈ្មួញ និងតៃកុងរថយន្ត សមត្ថកិច្ចយើងមិនបានស្គាល់ឈ្មោះ ។

ប្រតិបត្តិការចុះបង្ក្រាបរថយន្តដឹកទំនិញខូចគុណភាពខាងលើនេះដឹកនាំដោយលោក ឃិត សុធារ៉ា អភិបាលស្រុកឆែប និងជាប្រធានគណ:បញ្ជាការឯកភាពរដ្ឋបាលស្រុកឆែប ក្រោមការសម្រាប់សម្រួលរបស់លោក ស្រេងវុទ្ធា ព្រះរាជ្ញារងខេត្តព្រះវិហារ បានសហការជាមួយ ក្រុមការងារចម្រុះ រួមមាន មន្រី្ដគយនិងរដ្ឋាករខេត្តកំពង់ធំ-ព្រះវិហារ  មានលោក ជាប  សៅ ប្រធានសាខាគយនិងរដ្ឋាករខេត្តកំពង់ធំ លោក លឹម សាលួត មន្រ្ដីការិយាល័យផលិតផលនិងបសុព្យាបាលនៃមន្ទីរកសិកម្ម រុក្ខាប្រមាញ់ និងនេសាទខេត្តព្រះវិហារ និងមន្រ្ដីរដ្ឋបាលស្រុកឆែប និងកំលាំងអធិការដ្ឋាននគរបាលស្រុកផងដែរ។

ក្នុងនោះកម្លាំងសមត្ថកិច្ចចម្រុះបានត្រួតពិនិត្យរថយន្តចំនួន៤គ្រឿង ដោយក្នុងនោះមានទំនិញខូចគុណភាពមិនអាចប្រើប្រាស់បាន (ធំក្លិនស្អុយ) ដែលនាំចេញពីប្រទេសឡាវ ចូលតាមច្រកកំពង់ស្រឡៅ មានដូចខាងក្រោម៖
១-កោះមាន់ ចំនួន ២០៥ កេស ស្មើនឹង ២៤៦០ គីឡូក្រាម
២-ស្លាបមាន់ ចំនួន ៤៥ កេស ស្មើនឹង ៥៤០ គីឡូក្រាម
៣-ត្រីកន្ធរ ចំនួន ១០០ ការុង ស្មើនឹង ២០០០ គីឡូក្រាម
៤-នំម្សៅបំពង ចំនួន ១៤០គីឡូក្រម
ត្រូវរឹបអូសដុតកម្ទេច ទំនិញ៤មុខខាងលេី សរុបទម្ងន់៥០១៤០គីឡូក្រាម (ប្រាំតោនមួយរយសែសិប) គីឡូក្រាម។

សូមបញ្ជាក់ថា រថយន្តល្មើសទាំង៤គ្រឿងនេះត្រូវផាកពិន័យតាមច្បាប់ របស់គយ៕