ខេត្តកំពង់ស្ពឺ÷ កម្លាំងនគរបាលស្រុកសំរោងទងសហការស្រាវជ្រាវបង្ក្រាបក្រុមក្មេងទំនើងពីរក្រុម ដែលបានបើកឆាកប្រយុទ្ធគ្នាតាមដងផ្លូវបង្កអសន្តិសុខសង្គមនិងឃាត់ខ្លួនបានចំនួន ៦នាក់ នៅស្រុកសំរោងទង ខេត្តកំពង់ស្ពឺ។
លោកវីរៈសេនីយ៍ឯក ឃុត សុផល អធិការនគរបាលស្រុកសំរោងទង បានឲ្យដឹងថាដោយបានអនុវត្តតាមបទបញ្ជាយ៉ាងម៉ឺងម៉ាត់របស់លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ កម្លាំងនគរបាលស្រុក បានសហការជាមួយការិយាល័យព្រ/ទស្រាល ធ្វើការស្រាវជ្រាវឃាត់ខ្លួនក្មេងទំនើង២ក្រុម មុខសញ្ញា៦នាក់ប្រុស ដែលបង្ករឿងតាមផ្លូវជាតិលេខ៤ ត្រង់ចំណុចគីឡូម៉ែត្រលេខ ៤២-៤៣ ស្ថិតនៅភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ កាលថ្ងៃទី១៦ ខែសីហា ឆ្នាំ២០២៥វេលាម៉ោង៤ល្ងាចពេលកម្មករចេញពីធ្វើការ។
លោកអធិការបានបន្តទៀតថា ការស្រាវជ្រាវនិងឃាត់ខ្លួនក្មេងទំនើងជំនួស ៦នាក់នេះដោយយោងតាមគណនីហ្វេសប៊ុក ឈ្មោះ ឌីណាក្មេងតូច KH នៅថ្ងៃទី១៦ ខែសីហា ឆ្នាំ២០២៥ បានបង្ហោះសកម្មភាពក្មេងទំនើង ចំនួន ២ក្រុម មានគ្នាប្រមាណ ២០នាក់ បានយកមួកសុវត្ថិភាពគប់គ្នាទៅវិញទៅមក នៅចំណុចមុខរោងចក្រ ហ៊ីរ៉ូតា មានទីតាំងស្ថិតនៅភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ។
លោកអធិការបានបន្តទៀតថាគណនីហ្វេសប៊ុកនោះបានសរសេរដោយពាក្យថាក្មេងស្ទាវបើកឆាកប្រយុទ្ធគ្នានៅមុខរោងចក្រ ហ៊ីរ៉ូតា ស្រុកសំរោងទង ខេត្តកំពង់ស្ពឺ ថ្ងៃទី ១៦ ខែសីហា ឆ្នាំ២០២៥ វេលាម៉ោង ៤ រសៀល
។
លោកវីរៈសេនីយ៍ឯក ឃុត សុផល អធិការនគរបាលស្រុកសំរោងទងលោកបានបញ្ជាក់ទៀតថាក្រោយពេលកើតហេតុក្រុមក្មេងទំនើងខាងលើ បានគេចខ្លួនទៅបាត់នៅថ្ងៃទី១៩ ខែសីហា ឆ្នាំ២០២៥កម្លាំងនគរបាលស្រុក បានសហការជាមួយការិយាល័យព្រ/ទស្រាល ធ្វើការស្រាវជ្រាវនិងឃាត់ខ្លួនបានជនសង្ស័យចំនួន ៦នាក់.
#ក្រុមទី១មានគ្នា ៣នាក់
១-ឈ្មោះ អ៉ឺន សុភី ហៅក្រូច ភេទប្រុស អាយុ ២២ឆ្នាំ កាន់មួកសុវត្ថិភាព
២-ឈ្មោះ ណេន សុវណ្ណារី ហៅរី កាន់ដុំថ្ម ភេទប្រុស អាយុ ១៩ឆ្នាំ ទាំង ២នាក់ នៅភូមិព្រៃទួល ឃុំវល្លិសរ ស្រុកសំរោងទង /ស្ពឺ
៣-ឈ្មោះ ឃ្លោក គង់ ហៅញ៉ាញ់ ភេទប្រុស អាយុ ២៦ឆ្នាំ កាន់ដុំថ្ម នៅភូមិអូរសំបួរ ឃុំក្រាំងអំពិល ស្រុកសំរោងទង ក/ស្ពឺ ។
#ក្រុមទី ២ មានគ្នា ៣នាក់
១•ឈ្មោះ ភឿន ភាស់ ភេទប្រុស អាយុ ២២ឆ្នាំ កាន់កាំបិតតាំងតោ
២•ឈ្មោះ ភឿន ភ័ក្រ្ត ភេទប្រុស អាយុ ២០ឆ្នាំ កាន់មួយសុវត្ថិភាព
៣•ឈ្មោះ ភឿន សុភា ភេទប្រុស អាយុ ១៨ឆ្នាំ កាន់មួកសុវត្ថិភាព ទាំង ៣នាក់ នៅភូមិទួលកេស ឃុំក្រាំងចេក ស្រុកសាមគ្គីមុន្នីជ័យ ក/ស្ពឺ ។
ក្រោយពីកម្លាំងនគរបាលធ្វើការសាកសួរជនសង្ស័យខាងលើបានឆ្លើយសារភាពថាខ្លួនពិតជាបានដេញគប់គ្នាទៅវិញទៅមកពិតប្រាកដមែន។ មូលហេតុៈ មានទំនាស់ពាក្យសម្ដីគ្នាក្នុងរោងចក្ររឿងកែខោអាវខុស។ ក្នុងនោះកម្លាំងនគរបាលបានដកហូតបានៈ ម៉ូតូ ៤គ្រឿង និងមួកសុវត្ថិភាពចំនួន ៤ ។
បច្ចុប្បន្នកម្លាំងនគរបាល សហការជាមួយប៉ុស្ដិ៍ និងការិយាល័យ បានកសាងសំណុំរឿងចាត់ការតាមនីតិវិធី៕
