កំពង់ស្ពឺ៖ វិទ្យាស្ថានពហុបច្ចេកទេសខេត្តកំពង់ស្ពឺ (POYTECHNIC INSTITUTE OF KAMPONG SPEU PROVINCE) បានផ្តល់អាហារូបករណ៍ ១០០% និងជំនាញចម្រុះ ក្នុងឆ្នាំសិក្សាថ្មីនេះសម្រាប់យុវជនដែលចង់បន្តការសិក្សាកម្រិត សញ្ញាបត្រជាន់ខ្ពស់បច្ចេកទេស ឬបរិញ្ញាបត្ររង ដែលមានរយៈពេលសិក្សា ២ឆ្នាំ ឱកាសដ៏វិសេសវិសាលនេះ គឺដើម្បីបើកផ្លូវឱ្យយុវជន យុវនារីមកពីគ្រួសារក្រីក្រ និងងាយរងហានិភ័យ មានលទ្ធភាពទទួលបានការបណ្តុះបណ្តាលវិជ្ជាជីវៈ និងបច្ចេកទេសដោយឥតបង់ថ្លៃ ដើម្បីត្រៀមខ្លួនចូលទីផ្សារការងារប្រកបដោយមោទនភាព។
វិទ្យាស្ថានបានផ្តល់ជូននូវមុខជំនាញជាច្រើនដែលកំពុងមានតម្រូវការខ្ពស់ និងស្របតាមសក្តានុពលសេដ្ឋកិច្ចជាតិ រួមមាន៖
-វាយនភណ្ឌ និងកាត់ដេរ,វិស្វកម្មលោហៈ,វិស្វកម្មឧស្សាហកម្ម
,កម្មន្តសាល,សំណង់,ធុរកិច្ច,ទូរគមនាគមន៍,ព័ត៌មានវិទ្យា,គីមីចំណីអាហារ,ក្សេត្រសាស្ត្រ/ បសុព្យាបាល និងទេសចរណ៍។
គុណភាពសិក្សាខ្ពស់ និងបរិក្ខារទំនើបវិទ្យាស្ថានពហុបច្ចេកទេសខេត្តកំពង់ស្ពឺ ផ្តោតសំខាន់លើគុណភាពនៃការបណ្តុះបណ្តាលទាំងទ្រឹស្តី និងការអនុវត្តជាក់ស្តែង។សិស្ស-និស្សិតនឹងទទួលបានបទពិសោធន៍សិក្សានៅក្នុងអគារសិក្សាទំនើប បន្ទប់ថ្នាក់រៀនបំពាក់ដោយម៉ាស៊ីនត្រជាក់ ប្រកបដោយផាសុកភាព និងអនាម័យ។ ជាពិសេស វិទ្យាស្ថានមានគ្រឿងសម្ភារៈ និងឧបករណ៍ពិសោធន៍សម្រាប់អនុវត្តគ្រប់គ្រាន់ ដើម្បីធានាថា និស្សិតមានជំនាញច្បាស់លាស់មុននឹងបញ្ចប់ការសិក្សា។
លើសពីនេះ និស្សិតទាំងអស់នឹងមានឱកាសបានចុះកម្មសិក្សាតាមស្ថាប័ន ក្រុមហ៊ុន និងសហគ្រាសនានា ដើម្បីទទួលបានបទពិសោធន៍ការងារជាក់ស្តែង ធ្វើឱ្យការសិក្សារបស់ពួកគេកាន់តែមានប្រសិទ្ធភាព និងឆ្លើយតបទៅនឹងតម្រូវការរបស់និយោជក។
ធានាការងារក្រោយបញ្ចប់ការសិក្សា៖ ចំណុចសំខាន់បំផុតមួយដែលធ្វើឱ្យវិទ្យាស្ថាននេះលេចធ្លោ គឺការសហការយ៉ាងជិតស្និទ្ធជាមួយទីភ្នាក់ងារជាតិមុខរបរ និងការងារ (NEA) ដើម្បីជួយស្វែងរកការងារសមរម្យជូនដល់សិស្ស-និស្សិតក្រោយពេលដែលពួកគេបញ្ចប់ការសិក្សាប្រកបដោយជំនាញ និងទំនុកចិត្ត។ នេះគឺជាការធានាមួយដែលធ្វើឱ្យយុវជនដែលមកពីគ្រួសារខ្វះខាត អាចមានអនាគតរឹងមាំ និងជួយទ្រទ្រង់គ្រួសារបានយ៉ាងឆាប់រហ័ស។
អត្ថប្រយោជន៍ដ៏អស្ចារ្យបន្ថែម៖ ដើម្បីសម្រួលដល់ការសិក្សារបស់សិស្ស-និស្សិតដែលមកពីទីតាំងឆ្ងាយ ឬគ្រួសារក្រីក្រ វិទ្យាស្ថានបានផ្តល់ជូននូវអត្ថប្រយោជន៍ដ៏ពិសេសរួមមាន៖ កន្លែងស្នាក់នៅ ទឹក និងភ្លើង ដោយឥតគិតថ្លៃ ផងដែរ។
TVET ជំនាញពិត ជីវិតប្រសើរ!
ឱកាសដ៏ល្អនេះកំពុងរង់ចាំប្អូនៗ! ការចុះឈ្មោះបានចាប់ផ្តើមទទួលពាក្យហើយ ចាប់ពីថ្ងៃផ្សាយដំណឹងនេះតទៅ។ សូមប្អូនៗរួសរាន់ឡើងដើម្បីក្តាប់យកអាហារូបករណ៍ ១០០% នេះ និងកសាងអនាគតដ៏ភ្លឺស្វាងសម្រាប់ខ្លួនឯង និងគ្រួសារ។
ព័ត៌មានទំនាក់ទំនង៖
* ទីតាំង៖ ភូមិទំពូង ឃុំកាហែង ស្រុកសំរោងទង ខេត្តកំពង់ស្ពឺ
* លេខទូរស័ព្ទ៖ 012 995 952 / 067 40 43 43 / 093 50 78 78 / 016 74 68 98 / 098 40 43 43 / 098 55 77 78
វិទ្យាស្ថានពហុបច្ចេកទេសខេត្តកំពង់ស្ពឺ ពិតជាបង្អួចនៃឱកាស និងជាស្ពានភ្ជាប់យុវជនគ្រប់រូបទៅកាន់ភាពជោគជ័យ និងជីវិតប្រសើរឡើង តាមរយៈការបណ្តុះបណ្តាលជំនាញបច្ចេកទេស និងវិជ្ជាជីវៈ (TVET) ដែលជាជំនាញពិតប្រាកដសម្រាប់ជីវិត។
ប្រភពមន្ទីរព័ត៌មានខេត្តកំពង់ស្ពឺ.
