ខេត្តកំពត៖ តើពិតទេ.លោកសង្ឃមួយក្រុមបានប្រប្រព្រឹត្ដិខុសពីវិន័យសង្ឃ លួចលាក់ស៊ីសាច់ ផឹកស្រានៅពេលរាត្រី និងធ្វើឲ្យប៉ះពាល់ដល់តម្លៃព្រះពុទ្ធសាសនា ដែលជាសាសនារបស់រដ្ឋ ស្ថិតនៅក្នុងស្រុកដងទង់ ខេត្តកំពត នេះបើយោងតាមប្រភពច្បាស់ការដែលបានប្រាប់និងផ្ញើរូបភាពវីដេអូ មកកាន់អង្គភាពសារព័ត៌មានយើងនៅថ្ងៃទី២៤ ខែតុលា ឆ្នាំ២០២៥នេះ ។
ប្រភពបានបញ្ជាក់ទៀតថាលោកសង្ឃមួយក្រុមដែលបានប្រប្រព្រឹត្ដិខុសពីវិន័យសង្ឃ លួចលាក់ស៊ីសាច់ ផឹកស្រានោះគង់នៅក្នុងវត្តគិរីមរត់កររដ្ឋារាម (ហៅវត្តកូនភ្នំ) ក្នុងនោះដែលគេដឹងថាមានមួយអង្គដែលគេស្គាល់ជាព្រះគ្រូចៅអធិការវត្តឈ្មោះ កៅ សុវណ្ណារ៉ា បាននឹងកំពុងចូលរួមប្រព្រឹត្តប្រាសចាកនឹងវិន័យសង្ឃយ៉ាងធ្ងន់ធ្ងរផងដែរ។
ប្រភពបានបន្តទៀតថាក្រោយពីទទួលដំណឹងថា ព្រះគ្រូចៅអធិការវត្តឈ្មោះ កៅ សុណ្ណារ៉ា និងព្រះសង្ឃមួយក្រុមទៀត បានលួចលាក់ស៊ីសាច់ ផឹកគ្រឿងស្រវឹង ឬស្រា ដែលផ្ទុយពីច្បាប់វិន័យសាសនា ដែលគ្រប់គ្រងដោយរដ្ឋ បានធ្វើឲ្យឧបាសក ឧបាសិកា ចំណុះជេីងវត្ត ពិតជាអស់សង្ឃឹមខ្លាំងណាស់ ដែលធ្លាប់តែគោរពថ្វាយបង្គំ។
តាមរូបភាព ឬ វីដេអូ ដែលអង្គភាពសារព័ត៌មានយេីងទទួលបាន គឺបង្ហាញយ៉ាងច្បាស់ថា លោកគ្រូចៅអធិការវត្ត គិរីមរត់កររដ្ឋារាម ហៅវត្តកូនភ្នំ និងព្រះសង្ឃមួយក្រុមនោះ ពិតជាបានប្រព្រឹត្តខុសវិន័យសង្ឃពិតប្រាកដមែន។
ជុំវិញបែកធ្លាយរូបភាពវីដេអូ ខាងលើនេះដែរ អ្នកសារព័ត៌មានយេីង បានទំនាក់ទំនងសុំការបកស្រាយបំភ្លឺពីរលោកគ្រូចៅអធិការវត្តគិរីមរត់កររដ្ឋារាម ហៅវត្តកូនភ្នំ ឈ្មោះ កៅ សុណ្ណារ៉ា លោកថារូបភាពនោះគឺរូបភាពចាស់ គឺយូរហើយ ខាងមន្ទីរធម្មការនិងខេត្តគេទទួលស្គាល់នឹងបានធ្វើអធិកររួចអស់ហើយ ហើយរូបភាពនេះមិនមែននៅក្នុងវត្តលោកទេ ។
ការបកស្រាយរបស់លោកគ្រូចៅអធិការវត្តគិរីមរត់កររដ្ឋារាម ហៅវត្តកូនភ្នំ ឈ្មោះ កៅ សុវណ្ណារ៉ា ខាងលើនេះ ធ្វើឲ្យអ្នកសារព័ត៌មានយើងមានការងឿងឆ្ងល់ថា តើហេតុអ្វីអ្នកសារព័ត៌មានមិនទាន់ផ្ដើមជាសំណួរផង.! លោកគ្រូចៅអធិការវត្តបានបកស្រាយដោយមិនមានសំណួរអញ្ចឹង.? ឬសមួយលោកមានញាណដឹងថាអ្នកសារព័ត៌មាននិងសួរសំណួរនិង.។
ប្រជាពលរដ្ឋ ក៏ដូចជា ឧបាសក ឧបាសិការ ចំណុះជើងវត្តគិរីមរតកររដ្ឋារាម (ហៅវត្តកូនភ្នំ) ធ្វើការស្នើសុំទៅ ឯកឧត្តម ចាយ បូរិន្ទ រដ្ឋមន្រ្តី ក្រសួងធម្មការ និងសាសនា មន្ទីរពាក់ព័ន្ធ ជួយចាត់វិធានការផ្លូវច្បាប់ ឱ្យបានតឹងរឹងបំផុតចំពោះលោកសង្ឃ ដែលបានប្រព្រឹត្តខុសនឹងច្បាប់សាសនាបែបនេះ។
ជុំវិញការការចុះផ្សាយខាងលើ ប្រសិនបើមានចំណុចណាមួយ មិនត្រឹមត្រូវ អង្គភាពសារព័ត៌មានយេីងខ្ញុំ នឹងនៅរង់ចាំធ្វើការកែតម្រូវ ស្របតាមក្រមសីលធម៌វិជ្ជាជីវៈសារព័ត៌មាន សូមអរគុណ.!
