ខេត្តកំពង់ស្ពឺ÷ យ៉ាងហោចណាស់ជនសង្ស័យចំនួន ៧ នាក់ ត្រូវបានកម្លាំងនគរបាលស្រុកសំរោងទងសហការជាមួយកម្លាំងនគរបាលស្រុកអង្គស្នួលចុះស្រាវជ្រាវនឹងឃាត់ខ្លួនតាមពាក្យបណ្ដឹងជនរងគ្រោះ(ពិបទករណីហិង្សាដោយចេតនា) នេះបើតាមការឱ្យដឹងពីលោកវីរៈសេនីយ៍ឯក ឃុត សុផល អធិការនគរបាលស្រុកសំរោងទង។
លោកវីរៈសេនីយ៍ឯក ឃុត សុផល បានឲ្យដឹងទៀតថាដោយបានអនុវត្តតាមបទបញ្ជាដ៏ខ្ពង់ខ្ពស់របស់លោកឧត្តមសេនីយ៍ទោ ឃឹម សុកខៃ ស្នងការ និងដឹកនាំចង្អុលបង្ហាញដោយលោកឧត្តមសេនីយ៍ត្រី សម សាក់ ស្នងការរងទទួលផែនព្រ/ទ នឹងចុះបញ្ជាផ្ទាល់ដោយលោកឧត្តមសេនីយ៍ត្រី រស់ រដ្ឋា ស្នងការរងដឹកនាំការិយាល័យស្រាល។
លោក ឃុត សុផល បានឲ្យដឹងទៀតថាថ្ងៃទី២៤ ខែវិច្ឆិកា ឆ្នាំ២០២៥ វេលាម៉ោង ៨:៤០ នាទី មានឈ្មោះ ស្រស់ ស៉ីម ភេទស្រី អាយុ ៤៨ឆ្នាំ នៅភូមិកណ្តោល ឃុំលំហាច ស្រុកអង្គស្នួល ខេត្តកណ្តាល បានមកដាក់ពាក្យបណ្តឹងទៅលេីជនសង្ស័យមិនស្គាល់អត្តសញ្ញាណ និងបក្ខពួក ដែលបានកាប់មកលេីកូនរបស់ខ្លួនឈ្មោះ ជុន កែវមេសា ភេទប្រុស អាយុ ១៧ ឆឆ្នាំ។
នៅក្នុងកំណត់ហេតុបានបញ្ជាក់ថានៅថ្ងៃទី២៣ ខែវិច្ឆិកា ឆ្នាំ២០២៥ វេលាម៉ោង០០ និង ១០នាទី កូនរបស់ខ្លួនឈ្មោះ ជុន កែវមេសា បានជិះម៉ូតូចេញពីផ្ទះទៅផឹកសុីនៅក្លឹប ប៊ីឌីអរ ស្ថិតនៅភូមិឧកញ៉ាទេព ឃុំត្រពាំងគង ស/ទ (ស្ពឺ) ពេលទៅដល់បានអង្គុយលេីម៉ូតូនៅមុខក្លឹប ស្រាប់តែមានជនសង្ស័យមិនស្គាល់ឈ្មោះ និងបក្ខពួក បានកាន់កាំបិតផ្គាក់មកកាប់កូនខ្លួន ត្រូវចំខ្នងដៃខ្នងជេីងខាងឆ្វេង បណ្តាលអោយរងរបួស ត្រូវបានក្រុមគ្រួសារ យកព្យាបាលនៅមន្ទីរពេទ្យតេជោសន្តិភាពរាជធានីភ្នំពេញ ។
លោកវីរៈសេនីយ៍ឯក ឃុត សុផល អធិការនគរបាលស្រុកសំរោងទង បានឱ្យដឹងបន្ថែមទៀតថា ក្រោយពីរទទួលបានពាក្យបណ្ដឹងពីជនរងគ្រោះថ្ងៃទី២៤.១១.២៥ កម្លាំងនគរបាលស្រុកសំរោងទង សហការជាមួយការិព្រ/ទស្រាល និងសហការជាមួយកម្លាំងនគរបាលស្រុកអង្គស្នួល បានស្រាវជ្រាវបង្ក្រាបឃាត់មុខសញ្ញាបង្កហិង្សាឃាត់មុខសញ្ញាបាន៧នាក់៖
1•ឈ្មោះ អ៊ាន រ៉ាយុទ្ធ ភេទប្រុស អាយុ១៩ឆ្នាំ នៅភូមិត្រពាំងអំពិល ឃុំត្រពាំងគង (កាប់ជនរងគ្រោះ)
២•ឈ្មោះ កា សុធារ៉ា ភេទប្រុស អាយុ ១៧ឆ្នាំ នៅភូមិដំណាក់អំពិល ឃុំដំណាក់អំពិល(កាប់ម៉ូតូ)
៣• ហួរ ប៊ុនហាយ ភេទប្រុស អាយុ១៧ឆ្នាំនៅភូមិព្រៃពង្រ ឃុំសំបូរ(កាន់ដាវ)
៤•ឈ្មោះ ម៉ុន សៀវថាវ ភេទប្រុស អាយុ១៧ឆ្នាំនៅភូមិថ្មគោល ឃុំសំបូរ
៥• រ៉ាន សុវណ្ណា ភេទប្រុស អាយុ១៨ឆ្នាំនៅភូមិព្រៃពង្រ ឃុំសំបូរ
៦•ឈ្មោះ ណាច ចាន់តុលា ភេទប្រុស អាយុ២១ឆ្នាំ នៅភូមិដំណាក់អំពិល ឃុំដំណាក់អំពិល
៧•ឈ្មោះ ម៉ៅ វិទូ ហៅ ជាតិ ភេទ ប្រុស អាយុ ១៦ ឆ្នាំ នៅភូមិពន្លឺ ឃុំលំហាច ស្រុកអង្គស្នួល កណ្តាល។
ក្រោយពីកម្លាំងជំនាញធ្វើការសាកសួរ ជនសង្ស័យខាងលើបានឆ្លើយសារភាពថា ពួកខ្លួនពិតជាបានកាប់ម៉ូតូ និងកាប់ទៅលើជនរងគ្រោះពិតប្រាកដមែន ក្នុងនោះកម្លាំងជំនាញបានដកហូតវត្ថុតាង៖ •ដាវ ១ និងកាំបិតផ្គាក់ ១
•ករណីខាងលើនេះ ជំនាញកសាកសួរ កសាងសំណុំរឿងនឹងប្រគល់ជូនការិយាលយ័បន្ដនិតិវិធី៕
