រដ្ឋបាលខេត្តកំពង់ស្ពឺ៖ ទទួលអំណោយមនុស្សធម៌ពីក្រុមហ៊ុន បាកាស និងនៅតែបន្តទទួលអំណោយដើម្បីទ្រទ្រង់ដល់សមរភូមិមុខ និងជនភៀសសឹក

ខេត្តកំពង់ស្ពឺ៖ ថ្ងៃទី០៧ ខែមករា ឆ្នាំ២០២៦-ឯកឧត្តមបណ្ឌិត ជាម ច័ន្ទសោភ័ណអភិបាលខេត្តកំពង់ស្ពឺ និងលោកជំទាវ ទទួលអំណោយមនុស្សធម៌ពី ក្រុមហ៊ុន បាកាស បានផ្តល់អំណោយជាភេសជ្ជៈ ប៉ូវកម្លាំង Bacchus Energy Drink ចំណុះ៥០០មល ចំនួន ១០០កេស ដល់រដ្ឋបាលខេត្តកំពង់ស្ពឺដើម្បីចូលរួមចំណែកជូនដល់សមរភូមិមុខ និងផ្គត់ផ្គងដល់ជនភៀសសឹកកំពុងស្នាក់នៅតាមទីទួលសុវត្ថិភាព។

ឯកឧត្តមបណ្ឌិត ជាម ចន្ទ័សោភ័ណ អភិបាលខេត្តកំពង់ស្ពឺបានសម្តែងនូវការអរគុណយ៉ាងជ្រាលជ្រៅ ចំពោះ ក្រុមហ៊ុនហ៊្វូ បាកាស និងសប្បុរសជនដែលបានផ្តល់ជំនួយជាភេសជ្ជៈ ប៉ូវកម្លាំង Bacchus Energy Drink មករដ្ឋបាលខេត្តនាថ្ងៃនេះ។ទឹកចិត្តដ៏ប្រពៃថ្លៃថ្លានេះបានបង្ហាញពីមនោសញ្ចេតនា សេចក្តីរាប់អាន និងការចូលរួមចំណែកយកចិត្តទុកដាក់ខ្ពស់របស់អ្នកសមរភូមិក្រោយ លើការងារសប្បុរសធម៌ និងកិច្ចការសង្គម ដើម្បីចែកជូនដល់វីរកងទ័ពជួរមុខ និងប្រជាពលរដ្ឋភៀសសឹកនៅតាមព្រំដែន។

នៅក្នុងឱកាសនោះដែរ ឯកឧត្តមបណ្ឌិត អភិបាលខេត្តកំពង់ស្ពឺ បានបន្តលើកទឹកចិត្តទៅដល់បណ្តាស្ថាប័ន មន្ទីរ អង្គការ ក្រុមហ៊ុននិងសប្បុរសជននានា សូមឱ្យបន្តជួយឧបត្ថម្ភគាំទ្របន្ថែម ព្រោះថារដ្ឋបាលខេត្តកំពង់ស្ពឺនៅតែបន្តទទួលដើម្បីជួយបង្កលក្ខណៈដល់ការស្នាក់នៅ ហូបចុក និងប្រើប្រាស់សម្រាប់វីរកងទ័ពនិងជនភៀសសឹកនៅតាមសមរភូមិនិងជំរុំភៀសសឹក។
‎ប្រភព. មន្ទីរព័ត៌មានខេត្តកំពង់ស្ពឺ.