ព្រះវិហារ: រូបភាពអំពីការឈួកឆាយដីព្រៃនឹងការកាប់បំផ្លាញព្រៃឈើនេះ ស្ដិតនៅតំបន់ដែនជម្រកសត្វព្រៃ ព្រៃឡង់ ដែលគ្រប់គ្រងដោយមន្ទីរបរិស្ថាន ខេត្តព្រះវិហារ គឺបានបង្ហាញអំពីមហន្តរាយថ្មីទៀតនៃការកាប់បំផ្លាញព្រៃឈើ។ ក្រោមស្នាដៃពួកឈ្មួញបំផ្លាញព្រៃឈើ ដែលអាចជាអ្នកមានខ្នងបង្អែកក្រាស់ៗ និងជាបុគ្គលដែលមានឥទ្ធិពល ទេីបមិនមានមន្ដ្រីរូបណា ហ៊ានចាត់វិធានការសោះ។
ជាក់ស្ដែងរូបភាព ទីតាំងឈូសឆាយដីព្រៃឡងនិងកាប់ផ្តួលរម្លំដេីមឈេី ថតបានកាលថ្ងៃទី១៩ ខែមករា ឆ្នាំ២០២៦នេះថ្មីៗនេះ. បង្ហាញឲ្យឃើញអំពីគលឈើ និងឈើដែលពូកឈ្មួញបំផ្លាញព្រៃឈើនៅតំបន់ដែនជម្រកសត្វព្រៃ ព្រៃឡង់ ដែលគេដឹងថា ស្ថិតនៅក្នុងដែនសមត្ថកិច្ចរបស់ មន្ទីរបរិស្ថាន ខេត្តព្រះវិហារ គ្រប់គ្រងដោយលោក មឿន សុភេទ ជាប្រធាន ។
បើយោងតាមប្រភពពីប្រជាពលរដ្ឋបានឲ្យដឹងថាដីព្រៃឡង់មួយកន្លែងស្ថិតនៅភូមិសាស្រ្តវាលព្រិច ស្ថិតនៅក្នុងភូមិអូតាហុង ឃុំឆែបមួយ ស្រុកឆែប ខេត្តព្រះវិហារ។ រាប់រយហិចតាត្រូវបានមេឈ្មួញមានលុយមានអំណាចដែលគេដឹងថាឈ្មោះ មាន់ សុខន រស់នៅឯខេត្តត្បូងឃ្មុំកំពុងធ្វើការឈូសឆាយនិងកាប់រុករានទន្ទ្រានដី។ជាច្រើនរយហិចតានិងកំពុងតែដាំស្វាយចន្ទីលើទីតាំងដីព្រៃឡង់នោះតែម្ដង។
សូមបញ្ជាក់ថាកាលពីកន្លងមកក្រុមអ្នកសារព័ត៌មានយើងជាច្រើនអង្គភាពបានចុះទៅដល់ទីតាំងដីខាងលើនោះ។ កំពុងតែធ្វើការកាត់ទន្ទ្រាននិងឈូសឆាយយកធ្វើជាកម្មសិទ្ធិផ្ទាល់ខ្លួនពេលនោះ ក៏ក្រុមអ្នកសារព័ត៌មានបានធ្វើការរាយការព័ត៌មានខាងលើនេះជូនមន្ត្រីបរិស្ថានដើម្បីមានវិធានការទប់ស្កាត់។ តែហាក់បីដូចជាគ្មានវិធានការអ្វីសោះឡើយប្រជាពលរដ្ឋបានដាក់ការសង្ស័យថាមានការបើកភ្លើងខៀវពីមន្ត្រីជំនាញ។
ព្រោះកន្លងទៅថ្មីៗអង្គភាពយើងក៏បានទទួលពីប្រភពព័ត៌មានពីប្រជាពលរដ្ឋថាមានត្រាក់ទ័រ ២គ្រឿងម៉ាកចនឌៀពណ៌ខៀវកំពុងតែភ្ជួរនិងឈូសឆាយលើទីតាំងដីខាងលើនេះ។នៅថ្ងៃទី ១៩ខែមករា ឆ្នាំ២០២៦ ក្រុមអ្នកសារព័ត៌មានយើងមានគ្នា ៧ អង្គភាពបានចុះទៅដល់ទីតាំងដីខាងលើក៏ឃើញមានការឈូសឆាយនិងដាំស្វាយចន្ទីនៅលើទីតាំងដីនេះពិតប្រាកដមែន។
នេះបញ្ជាក់ថាលោក មាន់ សុខន មិនខ្លាចញញឹតនិងច្បាប់សោះឡើយ។ ឬមួយក៏មានអាថ៌កំបាំងអ្វីនៅពីក្រោយករណីខាងលើនេះអង្គភាពយើងក៏មិនអាចដឹងច្បាស់ដែរ។
ពាក់ព័ន្ធនឹងករណីខាងលើលោកមឿន សុភេទប្រធានមន្ទីរបរិស្ថានខេត្តព្រះវិហារបានឲ្យដឹងថាពាក់ព័ន្ធទីតាំងដីខាងលើមន្ត្រីរបស់លោកក៏បានចុះទៅដល់ទីតាំងនោះម្ដងរួចមកហើយ និងបានធ្វើសំណុំរឿងបញ្ជូនទៅតុលាការដើម្បីមានវិធានការផ្លូវច្បាប់។
ចំណែកឯ លោក មាន់ សុខន ដែលគេល្បីថាជាអធិរាជ្យទន្ទ្រានដីព្រៃឡង់ធ្វើជាកម្មសិទ្ធិអង្គភាពយើងមិនអាចសុំការបំភ្លឺបានទេព្រោះទាក់ទងតាមរយៈលេខទូរសព្ទដែលប្រជាពលរដ្ឋបានផ្ដល់ឲ្យ លោកថាលោកមិនមែនឈ្មោះ មាន់ សុខន នោះទេ គឺទេមកច្រឡំលេខហើយ។
អង្គភាពយើងនិងបងប្អូនប្រជាពលរដ្ឋជាច្រើននាក់ទៀតរង់ចាំមើលវិធានការរបស់មន្ត្រីជំនាញ់បរិស្ថាន តើមានវិធានការយ៉ាងដូចម្ដេចចំពោះមេឈ្មួញដុះស្លែខ្លាំងខាងទន្ទ្រានដីព្រៃធ្វើជាកម្មសិទ្ធិម្នាក់នេះ។
