ភ្នំពេញ÷ ប្រជាពលរដ្ឋនៅក្នុងខណ្ឌមានជ័យ រាជធានីភ្នំពេញ ពួកគាត់ថាទោះមានបទបញ្ជាធ្លាក់ពីលើមេឃមកឱ្យបិទល្បែងស៊ីសងគ្រប់ប្រភេទទូទាំងប្រទេសយ៉ាងណាក្តី.! តែពួកគាត់នៅតែសង្កេតឃើញមានទីតាំងតារាងបាល់ទះដែលមានផ្លាកយីហោងការ៉េ.៧ មួយកន្លែងស្ថិតនៅក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ នៅតែបន្តបើកលេងល្បែងស៊ីសងខុសច្បាប់ ឆ្នោតឡូតូ នឹងល្បែងផ្សេងទៀតតាមលេបថប ឱ្យក្រុមអ្នកញៀនល្បែងចូលលេងយ៉ាងគគិតគ្រេង.! សង្ស័យអាជ្ញាធរនឹងសមត្ថកិច្ចពាក់ព័ន្ធនៅក្នុងខណ្ឌមានជ័យ ខ្លាចអំណាចម្ចាស់ទីតាំងល្បែងនេះទេដឹង. បានជាមិនហ៊ានបង្ក្រាប មិនតែប៉ុណ្ណោះអាជ្ញាធរនិងសមត្ថកិច្ចពាក់ព័ន្ធ មិនបានអនុវត្តតាមបទបញ្ជានឹងចរាចរណ៍ណែនាំរបស់ក្រសួងមហាផ្ទៃ ស្តីពី ការបញ្ឈប់សកម្មភាពផ្សព្វផ្សាយល្បែងស៊ីសងខុសច្បាប់ នោះឡើយ។
សូមបញ្ជាក់ថាទីតាំងខាងលើនេះកាលពីកន្លងទៅត្រូវបានសមត្ថកិច្ចអាជ្ញាធរក្នុងមូលដ្ឋានចុះណែនាំម្ដង ១ ដងហើយ តែទីតាំងនេះនៅតែផ្គើននិងបើកដំណើរការលេងល្បែងស៊ីសងជាធម្មតា។ ភាគច្រើននៅរសៀល រហូតដល់យប់ មានក្រុមអ្នកញៀនល្បែង ចូលមកចាក់លេងយ៉ាងច្រើន គឺមិនបានរំខានដល់អាជ្ញាធរនិងសមត្ថកិច្ចឡើយ។
ជាក់ស្តែងនៅរសៀលថ្ងៃទី៦ ខែមីនា ឆ្នាំ២០២៦នេះ ប្រជាពលរដ្ឋនៅទីនោះបានផ្ដល់ព័ត៌មានមកថា នៅក្នុងតារាងបាល់ទះដែលមានផ្លាកយីហោការ៉េ.៧ .បានបង្កប់ល្បែងស៊ីសងភ្នាល់ដាក់លុយនៅក្នុងតារាងបាល់ទះ និងកំពុងបើកដំណើរការយ៉ាងរលូនហាក់បីដូចជាមិនខ្លាចច្បាប់បន្តិចសោះ.ឬមួយសង្ស័យអាជ្ញាធរនិងសមត្ថកិច្ចត្រូវថ្នាំសណ្តំរអស់ហើយ ទើបមិនមានវិធានការបង្ក្រាបទាល់តែសោះ)។
ហេតុដូច្នេះហើយ ប្រជាពលរដ្ឋ ក៏ដូចជាមហាជន ទូទៅ សំណូមពរទៅដល់ឯកឧត្តម ឧត្តមសេនីយ៍ឯក ជូន ណារិន អគ្គស្នងការរង និងជាស្នងការនគរបាលរាជធានីភ្នំពេញ ជាពិសេសឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ សូមជួយចាត់វិធានការតាមផ្លូវច្បាប់ ចំពោះម្ចាស់ ទីតាំងល្បែងស៊ីសងខុសច្បាប់ ដែលស្ថិតនៅក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ នេះផង ឲ្យស្របតាមគោនយោបាយភូមិ.ឃុំ.មានសុវត្ថិភាព ទាំង៧ចំណុច របស់រាជរដ្ឋាភិបាល ដែលបានកំណត់ និងដាក់ចេញអោយមន្ត្រីថ្នាក់ក្រោមជាតិ អនុវត្តទប់ស្កាត់ និងបង្ក្រាបឱ្យមានប្រសិទ្ធភាពផងទាន៕
