កំពង់ស្ពឺ÷ នាពេលពាក់កណ្ដាលអាធ្រាត្រឆ្លងចូលថ្ងៃទី១៧ ខែមេសា ឆ្នាំ២០២១ កងកម្លាំងនគរបាល នៃអធិការដ្ឋាននគរបាលស្រុកបសេដ្ឋ ដែលបានឈរជេីងនៅគោលដៅត្រួតពិនិត្យសន្ដិសុខ និងការអនុវត្តតាមសេចក្តីសម្រេចលេខ៤៤.សសរ សេចក្តីសម្រេចលេខ៤៩.សសរ របស់រាជរដ្ឋាភិបាល ស្តីពីការហាមឃាត់ការធ្វើដំណើរនិងការបិទខ្ទប់ភូមិសាស្រ្ដរាជធានីភ្នំពេញ និងក្រុងតាខ្មៅ ខេត្ដកណ្ដាល រយៈពេល១៤ថៃ្ង រហូតដល់ថ្ងៃទី២៨ មេសា ដើម្បីទប់ស្កាត់ការរីករាលដាលជំងឺកូវីដ-១៩ បានឃាត់ខ្លួនមុខសញ្ញាល្មើសចំនួន ៤ អង្គ/នាក់ នៅក្នុងមូលដ្ឋានស្រុកបសេដ្ឋ ខេត្តកំពង់ស្ពឺ ។
តាមការបញ្ជាក់ពីលោកអធិការស្រុកបសេដ្ឋបានឱ្យដឹងថា កំលាំងនគរបាលពិតជាបានឃាត់ខ្លួនមុខសញ្ញាចំនួន ៤ អង្គ/នាក់ប្រាកដមែន ដោយសារតែទាំង៤ អង្គ/នាក់ បានធ្វេីដំណើរល្មើសនិងវិធានការ របស់រាជរដ្ឋាភិបាលដែលកំណត់មិនអនុញ្ញាត្ដអោយធ្វេីការចរាចរណ៍ឆ្លងកាត់ពីតំបន់មួយ-តំបន់មួយទៀតក្នុងអំឡងពេលនៃការបិទខ្ទប់រាជធានីភ្នំពេញ,ខេត្ដកណ្ដាល នៅចំណុចស្ពានអង្គដែកកណ្តាល ស្ថិតនៅភូមិអង្គដែកកណ្តាល ឃុំពោធិម្រាល។ លោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ ថាមុខសញ្ញាល្មេីសនិងវិធានការរដ្ឋបាល របស់រាជរដ្ឋាភិបាលកម្ពុជា សេចក្តីសម្រេចលេខ៤៤សសរ សេចក្តីសម្រេចលេខ ៤៩សសរ ត្រូវបានសមត្ថកិច្ចនគរបាលឃាត់ខ្លួនកសាងសំណុំរឿងបញ្ជូនទៅសាលាដំបូងខេត្ដកំពង់ស្ពឺ ចាត់ការតាមនីតិវិធីច្បាប់ ។ ក្នុងនោះជនសង្ស័យទាំង៤អង្គ/នាក់ពាក់ព័ន្ធបទល្មើសផ្សេងៗគ្នា ហេីយក្នុងនោះសង្ឍ២អង្គ ត្រូវបានព្រះមេគុណខេត្ដសម្រេចផ្សឹកនិងប្រគល់ជូនសមត្ថកិច្ចចាត់ការតាមនីតិវិធីច្បាប់ ។
ជនសង្ស័យរួមជាមួយនិងវត្ថុតាង ៖
-រថយន្ត២គ្រឿង (PRIUS ភ្នំពេញ2AY-7780;Lexus 300 2AC-1129)
-ស្រាបៀរចំនួន ៥ កំប៉ុង -តេឡេបញ្ជារ ១ គ្រាប់ -ចានអាប៉ោង១ -គ្រាប់អាប៉ោងចំនួន ៤ គ្រាប់
-ប្រាក់រៀល ១.៥៨០.០០០៛ និងប្រាក់ដុល្លា $100
-ឯកសណ្ឋាននគរបាលជាតិ(ក្លែងឋានៈ)មួយឈុត
-សំលៀកបំពាក់សុីវិល ចំនួន ១០ កំប្លេរ
-ព្រះតេជគុណ នួន ចិន្តា ៣៩ វស្សា ជាចៅអធិការវត្ត មុន្នីសោភ័ណ្ឌ ស្ថិតនៅ ឃុំពោធ៍ម្រាល ស្រុកបសេដ្ឋ ខេត្តកំពង់ស្ពឺ (ផ្សឹក)
-ព្រះតេជគុណ ជឹង ម៉េងហៀក ៣៥ វស្សា ជាចៅអធិការវត្ត សែនឧត្តម ហៅវត្ត (បឹងសាឡាំ) ស្ថិតនៅ ឃុំពោធិម្រាល ស្រុកបសេដ្ឋ ខេត្តកំពង់ស្ពឺ ។
-ឈ្មោះ ម៉ៅ ដែន ភេទប្រុស អាយុ៣៤ឆ្នាំ អ្នកបេីកឡាន
-ឈ្មោះ យ៉ាន ថន ភេទប្រុស អាយុ១៨ឆ្នាំ អ្នកបេីកឡានបច្ចុប្បន្នជនសង្ស័យរួមជាមួយវត្ថុតាង ជំនាញស្នងការដ្ឋាននគរបាលខេត្តកំពង់ស្ពឺ បានកំពុងសាកសួរនិងកសាងសំណុំរឿងបញ្ជូនទៅ អយ្យការ អមសាលាដំបូងខេត្ដកំពង់ស្ពឺចាត់ការតាមនីតិវិធីច្បាប់៕
