កំពង់ស្ពឺ៖ ព្រឹកថ្ងៃទី០៨ ខែសីហា ឆ្នាំ២០២១ លោកឧត្តមសេនីយ៍ត្រី ជូ សារុន មេបញ្ជាការ បានកៀរគរប្រមូលនូវទយ្យទាន និងបច្ច័យ នាំទានចំណាំព្រះវស្សា សរុបទឹកប្រាក់ចំនួន ១៩,៤៧៦,៦០០រៀល ទៅប្រគេនដល់ព្រះសង្ឃដែលគង់ចាំព្រះវស្សាក្នុងវត្ត មុន្នីរង្សីរតនារាម ហៅ (វត្តម្យុំខាងជើង) ស្ថិតក្នុងក្រុងច្បារមន ខេត្តកំពង់ស្ពឺ ។
វត្តមានអញ្ជើញចូលរួមមានលោកមេបញ្ជាការរង លោកប្រធានក្រុមប្រឹក្សាក្រុងច្បារមន លោកចៅសង្កាត់ស្វាយក្រវ៉ាន់ ព្រមទាំងនាយទាហាន នាយទាហានរង នៃកងរាជអាវុធហត្ថខេត្តកំពង់ស្ពឺទាំងអស់ផងដែរ ។
លោកឧត្តមសេនីយ៍ត្រី ជូ សារុន មេបញ្ជាការ មានប្រសាសន៍ថា បើទោះកម្លាំងកងរាជអាវុធហត្ថមានភារកិច្ចស្នូលចំពោះលើការងារ បង្ការ បង្ក្រាប និងសង្គ្រោះ ពិតមែនក្តី តែក្នុងនាមជាកុលបុត្រខ្មែរកាន់ព្រះពុទ្ធសាសនាគឺការធ្វើបុណ្យសន្សំកុសល និងរៃអង្គាសទៅតាមសទ្ធាជ្រះថ្លា ដើម្បីជាទានប្រគេនចំពោះព្រះសង្សដែលគងចាំព្រះវស្សាជារាងរាល់ឆ្នាំមិនអាក់ខានឡើយ ។
សូមរំលឹកថា ពិធីចូលព្រះវស្សា ជាពិធីសំខាន់មួយសម្រាប់ «ប្រទេសកាន់ព្រះពុទ្ធសាសនា គោរពសក្ការៈប្រតិបត្តិទានសប្បុរសដល់ព្រះសង្ឃគង់ចាំព្រះវស្សា និងជាវេលាល្អមួយដែលប្រជាពលរដ្ឋខ្មែរទាំងអស់ដឹងថា ជារដូវភ្លៀង-ធ្វើស្រែចំការផងដែរ ដោយពួកគាត់បានប្រុងប្រៀបរៀបចំពូជស្រូវដំណាំទុកសម្រាប់សាបព្រោះធ្វើឱ្យទាន់ពេលវេលា ។
ពិធីចូលព្រះវស្សាជាច្បាប់មួយផងដែរ របស់ព្រះពុទ្ធតម្រូវឱ្យព្រះសង្ឃគ្រប់អង្គដែលប្រតិបត្តិសាសនាទ្រង់ត្រូវគង់ចាំព្រះវស្សានៅក្នុងវត្តនីមួយៗរយៈពេល៣ខែទៅតាមពុទ្ធប្បញ្ញត្តិរបស់ព្រះសម្មាសម្ពុទ្ធនៃយើង និងបានកំណត់យកថ្ងៃ១រោច ខែអាសាឍតទៅ (២៣ កក្កដា ២០២១) ។
ក្រៅពីភារកិច្ចស្នូល កម្លាំងកងរាជអាវុធហត្ថខេត្តកំពង់ស្ពឺ បានរួមចំណែកចំពោះវិស័យព្រះពុទ្ធសាសនា
