ឯកឧត្តមស៊ុន សុវណ្ណារិទ្ធអភិបាលខេត្តកំពង់ឆ្នាំង បានដឹក នាំក្រុមការងារចុះពិនិត្យមើលស្ថានភាពផ្លូវជាតិលេខ5 ចន្លោះគីឡូម៉ែត្រលេខ40 ដែលរងការលិចលង់ដោយជំនន់ទឹកភ្លៀង

ខេត្តកំពង់ឆ្នាំង÷ ក្រោយពីស្ថានភាពទឹកភ្លៀងបានធ្លាក់ជាប់ៗគ្នារយៈពេលប៉ុន្មានថ្ងៃនេះ បណ្ដាលឲ្យស្ថានភាពទឹកនៅអាងទឹកអន្លង់ជ្រៃ ប៉ែកខាងលើស្ថិតក្នុងឃុំពាម ស្រុកសាមគ្គីមានជ័យ មានការកើនឡើងដែលតម្រូវឲ្យអាជ្ញាធរនិងមន្ត្រីជំនាញសម្រេចបើកទឹកបង្ហូរចុះមកស្ទឹងក្រាំងពន្លៃក្នុងបរិមាណ ជំនន់ទឹកភ្លៀងខ្លាំងពេក បណ្ដាលឲ្យហូរលិចលើផ្លូវជាតិ លេខ 5 ដោយអន្លើៗ ។

ស្ថិតក្នុងសា្ថនភាពទឹក កំពុងតែហូរលិចលើកំណាត់ផ្លូវជាតិ លេខ៥ត្រង់ចន្លោះគីឡូម៉ែត្លេខ៣៩និងលេខ៤០ ស្ថិតក្នុងភូមិពោធិឬទ្ឋិក្រៃ ឃុំស្វាយ ស្រុកសាមគ្គីមានជ័យ កាលពីរសៀលថ្ងៃទី 11 ខែកញ្ញា ឆ្នាំ 2021នេះ ឯកឧត្តម ស៊ុនសុវណ្ណារិទ្ធិ អភិបាលខេត្តកំពង់ឆ្នាំង អមដំណើរ ដោយអភិបាលរងខេត្ត បានដឹកនាំមន្ត្រីជំនាញ កម្លាំងសមត្ថកិច្ច និងអាជ្ញាធរស្រុក ចុះពិនិត្យស្ថានភាព ជំនន់ទឹកភ្លៀង ដែលកំពុងតែហូរលើផ្លូវជាតិ នៅចំណុចខាងលើ។

នៅក្នុងឱកាសនោះដែរ ឯកឧត្តមស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានស្នើដល់ក្រុមការងារសាងសង់របស់ក្រុម ហ៊ុនជប៉ុន ដែលកំពុងតែសាងសង់ផ្លូវជាតិលេខ 5 ជួយចាក់
ដី និងថ្ម កិនបង្ហាប់ លើកឲ្យខ្ពស់ ដើម្បីសម្រួលក្នុងការធ្វើចរាចរណ៍ជាមួយគ្នានេះសូមកាយ បង្ហូរទឹកតាមលូប្រអប់ធំៗដែលកំពុងតែបិទខ្ទប់ ដើម្បីឱ្យទឹកហូរនិងស្រកបានលឿន ។

ក្នុងគ្រាដែរ ក្រុមហ៊ុនសាងសង់ផ្លូវជប៉ុន ក៏ទទួលយកសំណើររបស់អាជ្ញាធរខេត្ត  ហើយសន្យានឹងធ្វើឲ្យរៀបរយនៅថ្ងៃទី12 ខែកញ្ញា នេះដើម្បីសម្រួលចរាចរណ៍ឲ្យបានស្រួលក្នុងការធ្វើដំណើររបស់បងប្អូន ។

សូមបញ្ជាក់ដែរថាដោយសារស្ថានភាពផ្លូវជាតិលេខ 5 ត្រូវបានលិចលង់នៅក្នុងភូមិសាស្ត្រដូចបានរៀបរាប់ខាងលើអាជ្ញាធរខេត្តកំពង់ឆ្នាំងក៏បានណែនាំដល់សមត្ថកិច្ចនគរបាល ជួយបង្វែរការចរាចរណ៍ផ្លូវជាតិលេខ 5ដោយឲ្យរថយន្តទេសចរណ៍ធុនតូច មកពីភ្នំពេញ វាងចេញពី ចំណុច វិហារហ្លួង ស្រុកពញាឮ ចុះទៅតាមមាត់ទន្លេ ហើយឡើងមក ផ្លូវជាតិលេខ 5 ត្រង់ ចំណុច ផ្សារសាលាលេខ៥ ក៍បាន ឬក៏ មកឡើងផ្លូវជាតិលេខ 5 ត្រង់ចំណុច ក្បាលថ្នល់សែប ក៏បាន ។ ចំណែករថយន្តធុនទេសចរណ៍ដែលទៅពីក្រុងកំពង់ឆ្នាំងទៅរាជធានីភ្នំពេញក៏ត្រូវវាងតាមផ្លូវនេះដូចគ្នាដែរ .ដោយឡែករថយន្តធុនធំត្រូវបើកតាមផ្លូវជាតិលេខ 5 ប៉ុន្តែត្រូវស្ថិតក្រោមការរៀបចំសម្រួលចរាចរណ៍របស់សមត្ថកិច្ចតាមដងផ្លូវ៕