កំពង់ស្ពឺ៖ កាលពីរសៀលថ្ងៃទី២២ ខែតុលា ឆ្នាំ២០២១ ម្សិលមិញនេះដោយយោងតាមបទបញ្ជារបស់លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ កម្លាំងកងរាជអាវុធហត្ថលេីផ្ទៃប្រទេស និងកម្លាំងជំនាញកងរាជអាវុធហត្ថ ខេត្តកំពង់ស្ពឺ ព្រមទាំងកម្លាំងមូលដ្ឋានកងរាជអាវុធហត្ថស្រុកឱរ៉ាល់ បានសហការគ្នា ចាប់ខ្លួនជនសង្ស័យឈ្មោះ នី កុយ ភេទប្រុស អាយុ២៩ឆ្នាំ មុខរបរកសិករ មានទីលំនៅភូមិល្ងឹម ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
ការឃាត់ខ្លួនជនសង្ស័យខាងលើ កម្លាំងកងរាជអាវុធហត្ថយើងបានដកហូតបានត្រាក់ទ័រចំនួន ០១គ្រឿង ម៉ាកKUBOTA ពណ៌ ក្រហមដែរបានធ្វើសកម្មភាពបើក ដេញបុកប៉ុនប៉ងសម្លាប់មកលើកងកម្លាំងសមត្ថកិច្ចយេីងកាលពីប្រលបថ្ងៃទី ២១ខែតុលា ឆ្នាំ២០២១ នៅចំណុចលើខ្នងទំនប់ពាមល្វា ស្ថិតនៅក្នុងឃុំត្រពាំងជោ ស្រុកឳរ៉ាល់ ខេត្តកំពង់ស្ពឺ ដែលកំពុងចចុះបំពេញការងារ ។
បច្ចុប្បន្ន ជនសង្ស័យត្រូវបានបញ្ជូនទៅបញ្ជាការដ្ឋាន កងរាជអាវុធហត្ថ ខេត្តកំពង់ស្ពឺ ដេីម្បីចាត់ការតាមនីតិវិធី រីឯត្រាក់ទ័រត្រូវបានរក្សាទុកនៅមូលដ្ឋានកងរាជអាវុធហត្ថស្រុកឱរ៉ាល់ដើម្បីរងចាំចំណាត់ការបន្ត ។
មហាជនមួយចំនួនបានលើកឡើងថា÷ បុគ្គលឈ្មោះ នី កុយ ខាងលើគឺជាជើងខ្លាំងម្នាក់ប្រចាំស្រុកឳរ៉ាល់ ហើយក៏ជាជនដែរហ៊ានបំផុតបំផុល លួចធ្វើសកម្មភាពឈូសឆាយដីព្រៃយ៉ាងសកម្មនៅស្រុកឱរ៉ាល់ផងដែរ ។
ចុងក្រោយមហាជនស្នើសុំឱ្យខាងប្រព័ន្ធតុលាការខេត្តកំពង់ស្ពឺ នឹងកម្លាំងកងរាជអាវុធហត្ថខេត្តកំពង់ស្ពឺ គួរចាត់វិធីការ អោយបានធន់ធ្ងន់ទៅលើបុគ្គលឈ្មោះ នី កុយ ផងដែរ៕
បុរសជើងខ្លាំងម្នាក់ត្រូវបានកម្លាំងកងរាជអាវុធហត្ថ ឃាត់ខ្លួនក្រោយពីធ្វើសកម្មភាពបេីកត្រាក់ទ័រដេញបុកកងកម្លាំងពេលចុះអនុវត្តច្បាប់…!!!
Filed in: ព័ត៌មានថ្មីៗ, សន្តិសុខ សង្គម
