កុកតែងតែភ្លេចជុងតែជុងមិនដែលភ្លេចកុកសមត្ថកិច្ចខេត្តបាត់ដំបងនិងតាកែវឃាត់ខ្លួនជនឆបោកនិងរំលោភលើទំនុកចិត្តបានហើយ….

តាកែវ៖ ក្រោមការដឹកនាំបញ្ជាដោយលោកឧត្តមសេនីយ៍ទោ សុខ សំណាង កម្លាំងជំនាញនៃស្នងការដ្ឋាននគរបាលខេត្តតាកែវ រួមជាមួយកម្លាំងអធិការដ្ឋាននគរបាលស្រុកគិរីវង់ នៅថ្ងៃសៅរ៍ទី៣០ ខែតុលាឆ្នាំ២០២១ វេលាម៉ោង២១និង២៥នាទី សហការជាមួយកម្លាំងជំនាញនៃស្នងការដ្ឋាននគរបាលខេត្តបាត់ដំបង និងមានការសម្របសម្រួលនីតិវិធីពីលោកព្រះរាជអាជ្ញាអមសាលាដំបូងខេត្តតាកែវ បានចុះស្រាវជ្រាវឃាត់ខ្លួនជនសង្ស័យម្នាក់ នៅចំណុចផ្ទះសំណាក់ភ្នំដិនតារា ស្ថិតនៅភូមិផ្សារ ឃុំភ្នំដិន ស្រុកគិរីវង់ ខេត្តតាកែវ ពាក់ព័ន្ធករណីឆបោក និងរំលោភលើទំនុកចិត្ត។

ប្រភពព័ត៌មានបានឲ្យដឹងថា ជនសង្ស័យមាន ឈ្មោះ ឡាត់ ឡូ ភេទប្រុស អាយុ៤២ឆ្នាំ មានទីលំនៅភូមិខ្នុរ សង្កាត់ខ្នុរ ក្រុងសង្កែ ខេត្តបាត់ដំបង ព្រមទាំងដកហូតបានរថយន្ត០១គ្រឿង ម៉ាក LEXUS RX330 សេរី២០០៤ ពណ៌មាស ពាក់ផ្លាកលេខបាត់ដំបង2B-8568។

បច្ចុប្បន្ន ជនសង្ស័យ និងវត្ថុតាងខាងលើ បានប្រគល់ជូនកម្លាំងជំនាញស្នងការដ្ឋាននគរបាលខេត្តបាត់ដំបង ដើម្បីកសាងសំណុំរឿងតាមនីតិវិធីច្បាប់៕