ខេត្តក្រចេះ៖ សេរីភាពនៃសារព័ត៌មាន គោលការណ៏នៃការសំដែងមតិរបស់សារព័ត៌មាន គឺអ្នកសារព័ត៌មាន ជាអ្នកនាំពាក្យពីប្រជាជនទៅរាជរដ្ឋាភិបាល និងពីរាជរដ្ឋាភិបាលទៅប្រជាជនវិញតាមរយៈ ព័ត៌មាន… វិទ្យុ… ទូរទស្សន៍… ទស្សនាវត្តី… សារអេឡិចត្រូនិច… (អ៊ឺនធឺណែត)…។ អ្នកសារព័ត៌មានប្រាប់ព័ត៌មាន ឬហេតុការណ៍ផ្សេងៗ ដែលកើតឡើងក្នុងសង្គមអោយ ប្រជាជន និងរាជរដ្ឋាភិបាលបានដឹង ដើម្បីរកវិធីដោះស្រាយ និងធ្វើអន្តរាគមន៍ ទាន់ពេលវេលា។
សូមបញ្ចាក់ថា: ក្រោយពីអង្គភាពសារព័ត៌មានយើង បានចុះផ្សាយរឿងព្រៃសហគមន៍ ប្រាសាទទឹកខ្មៅ ដោយដាក់ជាសំនួរទៅប្រធានសហគមន៍ថា: .. តើវាសនា ព្រៃសហគមន៍ ប្រាសាទទឹកខ្មៅ និងត្រូវវិនាសហិនហោច ដោយលោក ថៃ ប៊ុនលាង.. លោក ឡុច សំអាន.. និងលោក វ៉ន ត្រៃ ឬមួយយ៉ាងណា?.. ទើបអ្នកទាំង៣មិនអើពើរទប់ស្កាត់ ចំពោះអ្នកកាប់ឈើ និងអ្នក ទន្រ្ទានដីព្រៃដោយខុសច្បាប់ទាល់តែសោះ… ធ្វើឱ្យប្រធានសហគមន៍ ប្រាសាទទឹកខ្មៅ ប្រតិកម្មយ៉ាងខ្លាំង មកលើអង្គភាពសារព័ត៌មានយើង… ដោយបានចោទប្រកាន់អង្គភាពសារព័ត៌មានយើងថា ការចុះផ្សាយមិនពិតមិនមានផុសតាំងច្បាស់លាស់គល់ឈើនោះគឺជាគល់ឈើចាស់។
ជាក់ស្តែងនៅថ្ងៃទី១៣ ខែធ្នូ ឆ្នាំ២០២១នេះ ក្រុមអ្នកសារព័ត៌មានយើងបានចុះទៅរុករកនៅ ក្នុងព្រៃសហគមន៍ ប្រាសាទទឹកខ្មៅ ដើម្បីផ្តិតយករូបភាព គល់ឈើដែលជនខិលខូចចូលទៅកាប់រំលំ ដើម្បីបញ្ជាក់ឲ្យឃើញថាគល់ឈើដែលអង្គភាពសារព័ត៌មានយើងបានចុះផ្សាយនោះពិតជាគល់ឈើថ្មីប្រាកដមែន មិនតែប៉ុណ្ណោះ ប្រធានសហគមន៍ ប្រាសាទទឹកខ្មៅ បាននិយាយថា លោក ហ៊ាន ឡៃ នឹង លោក យ៉ា ស្មគ្រ ដែលជា ភ្នាក់ងារសារព័ត៌មាន ជាអ្នកប្រព្រឹត្តបទល្មើសទៅវិញ ចំណែកឯលោកយ៉ាស្ម័គ្របាននិយាយប្រាប់អង្គភាពសារព័ត៌មានយើងថាលោកមិនដែលប្រព្រឹត្តនូវបទល្មើសដូចការលើកឡើងរបស់ប្រធានសហគមន៍នោះទេ។
ប្រជាពលរដ្ឋក្នុងឃុំកំពង់ចាម ស្រុកសំបូរ ខេត្តក្រចេះ បបានរាយការណ៍មកអង្គភាពសារព័ត៌មានយើងអោយដឹងថា មានករណីការកាប់ឈើថ្មីៗប្រភេទ ខ្លុង ផ្ចឹក ឈ្លីក សាម៉ ជាច្រើនដើមនៅចំណុច ព្រៃសហគមន៍ប្រាសាទទឹកខ្មៅ ចំណុចខាងកើតរោងគោ ត្រង់និយាមការ:
(0590352-1428586/0590259-1428412/0590357-1428290)ក្នុងភូមិទន្សោងធ្លាក់ ឃុំកំពង់ចាម ស្រុកសំបូរ ខេត្តក្រចេះ។
ដែលមានប្រធានសហគមន៍ឈ្មោះ ថៃ ប៊ុនលាង អនុប្រធានសហគមន៍ឈ្មោះ ឡុច សំអាន និងឈ្មោះ វ៉ន ត្រៃ ជាលេខា។
ប្រជាពលរដ្ឋនៅតំបន់នោះ បានលួចខ្សឹបខ្សៀវតៗគ្នាថា
ពួកគាត់ហាក់បីដូចជាលែងមាន ជំនឿលើអ្នកគ្រប់គ្រងសហគមន៍ទៀតហើយ ពួកគាត់ចង់សំណូមពរដល់ថ្នាក់ដឹកនាំគ្រប់លំដាប់ថ្នាក់ ជាពិសេសសម្តេចតេជោនាយករដ្ឋមន្ត្រី នៃព្រះរាជាណាចក្រកម្ពុជាថា ចង់អោយមានការបោះឆ្នោត ជ្រើសរើសប្រធានសហគមន៍ថ្មី ដោយសេរី និងតម្លាភាព យុត្តិធម៌ ទើបពួកគាត់អាចជឿទុកចិត្ត និងប្រាកដបានថា អាចថែរក្សារដីព្រៃសហគមន៍ដែលនៅសេសសល់ ពីក្រុមឈ្មួញ ខិលខូចទាំងនោះបាន និងសំណូមពរ អោយគណៈកម្មការថ្នាក់ជាតិ ជួយស៊ើប អង្កេត កំណត់មុខសញ្ញា អ្នកដែលបើកដៃអោយក្រុមឈ្មួញទាំងនោះ ចូលទៅកាប់និងរុករាន យកទៅផ្តន្ទាទោសតាមផ្លូវច្បាប់ផង ។
តែទោះជាយ៉ាងណា នេះគ្រាន់តែជាការលើកឡើង និងការសំណូមពរ របស់ពលរដ្ឋតែប៉ុណ្ណោះ បើមានប្រត្តិកម្មណា មួយពីភាគីពាក់ព័ន្ធ ភាគីនោះអាចទំនាក់ទំនងមកអង្គភាពសារព័ត៌មានយើង ដើម្បីធ្វើការផ្សាយបំភ្លឺឡើងវិញ ដោយយោងពីច្បាប់ស្ដីពីរបបសារព័ត៌មាន។
