កំពង់ស្ពឺ ៖ នារសៀលថៃ្ងអង្គារ ១៤កេីត ខែមាឃ ឆ្នាំឆ្លូវ ត្រីស៏ក ព.ស. ២៥៦៥ ត្រូវនឹងថៃ្ងទី១៥ ខែកុម្ភៈ គ.ស ២០២២ នៅសាលប្រជុំ ស្នងការដ្ឋាននគរបាលខេត្តកំពង់ស្ពឺ មានកិច្ចប្រជុំបូកសរុប សភាពការណ៍ លទ្ធផលបង្ការ បង្រ្កាប បទល្មេីស ព្រហ្មទណ្ឌ គ្រឿងញៀន ប្រឆាំងការជួញដូរមនុស្ស និងបទល្មេីសផ្សេងៗទៀត ។
កិច្ចប្រជុំដឹកនាំដោយលោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ និងមានការចូលរួមពីរ លោក លោកស្រី ស្នងការរង ទទួលផែនការងារព្រហ្មទណ្ឌ គ្រឿងញៀន ប្រឆាំងការជួញដូរមនុស្ស និងការពារអនីតិជន ទទួលដឹកនាំការិយាល័យព្រហ្មទណ្ឌ ធ្ងន់ ស្រាល និងលោក លោកស្រី នាយការិយាល័យ ពាក់ព័ន្ធ លោកអធិការ ក្រុង ស្រុក ទាំង០៨ ។
មតិបេីកអង្គប្រជុំនិងគោលបំណង នគរបាលកំពង់ស្ពឺ ដាច់ខាតត្រូវតែបង្កេីនប្រៀបឈ្នះលេីការងារបង្ការ បង្រ្កាបបទល្មេីសគ្រប់ប្រភេទអោយខានតែបាន : ទប់ស្កាត់វិធានការផ្សព្វផ្សាយ បង្ការវិធានការរដ្ឋបាល បង្រ្កាបវិធានការច្បាប់។
ការបង្ករលក្ខណៈនិងការបណ្ដែតបណ្ដោយឱ្យបទល្មេីសនិងឧក្រឹដ្ឋជនមានឱកាសប្រព្រឹត្ដបទល្មេីសក្នុងដែនដីយេីងបាន បញ្ជាក់ថាកងកំលាំងកំពុងតែលង់លក់ក្នុងសុបិន្ដដ៏អាក្រក់ ហេតុដូច្នេះការកសាងផែនការ ការដាក់វិធានការ ការបញ្ចេញកំលាំងគឺត្រូវតែបង្ការនិងបង្រ្កាបអោយបាននិងអនុវត្ដឱ្យមានតម្លាភាព យុត្តិធម៌ ធានាសុវត្ថិភាព សណ្ដាប់ធ្នាប់ សាធារណៈសង្គម សន្តិសុខអោយបានល្អជូនប្រជាពលរដ្ឋ ៕
