ខេត្តរតនគិរី÷ ការកាប់និងដឹកជញ្ជូនឈើជារឿងធម្មតាទៅហើយនៅតំបន់ភូមិភាគឥសាន្ត នាខេត្តរតនគិរី ដូចជាមេឈ្មួញម្នាក់ឈ្មោះ .មករា កំពុងតែត្រូវប៉ាន់ក្នុងការដឹកជញ្ជូនឈើទៅលក់ឲ្យឈ្មួញវៀតណាមបានយ៉ាងងាយស្រួលមិនទាស់ក្រសែភ្នែកសមត្ថកិច្ចណាមួយឡើយ។
តើករណីនេះ ជាភាពកំសោយរបស់លោក ញ៉ែម សំអឿន អភិបាលខេត្តឬជាការបើកភ្លើងខៀវ ដែលមហាជនបានដាក់ការសង្ស័យថា បានទទួលលាបសក្ការៈ សើមមាត់ សើមករ ទើបស្ងាត់ឈឹង មិនឃើញមានសមត្ថកិច្ច ណាមួយចុះទប់ស្កាត់និងបង្ក្រាបនោះឡើយ.?
បើយោងច្បាប់បទល្មើសធនធានធម្មជាតិបុគ្គលដែលប្រព្រឹត្តល្មើសនឹងបទប្បញ្ញត្តិនៃច្បាប់នេះត្រូវទទួលទោសដូចតទៅ÷
៤.បទល្មើសធនធានធម្មជាតិថ្នាក់ទី៤
ត្រូវមានទោសដាក់ពន្ធនាគាពីប្រាំ(៥)ឆ្នាំទៅដល់ដប់(១០)ឆ្នាំហើយពិន័យជាប្រាក់ចាប់ពីដប់ប្រាំលាន(១៥.០០០.០០០)រៀលដល់មួយរយហាសិបលាន(១៥០.០០០.០០០)រៀល។
បើករណីបុគ្គលប្រព្រឹត្ត ល្មើសជានីតិបុគ្គល នោះទោសពិន័យជាប្រាក់ពីមួយរយហាសិបលាន(១៥០.០០០.០០០)រៀលដល់ពីររយហាសិបលាន(២៥០.០០០.០០០)រៀល។
ចំណែកឯវត្ថុតាងត្រូវរឹបអូសជាសម្បត្តិរដ្ឋ។
បើមាត្រា៦២វិញត្រូវផ្ដន្ទាទោសពីបទល្មើសធនធានធម្មជាតិថ្នាក់ទី ៤ នឹងត្រូវរឹបអូសវត្ថុតាងជាសម្បត្តិរដ្ឋ ចំពោះជនដែលបានប្រព្រឹត្តបទល្មើសណាមួយដូចខាងក្រោម:
១.កាប់.ប្រមូល.និងកែច្នៃឈើប្រណីតគ្រប់ប្រភេទចាំមើលថាតើឧក្រិដ្ធជនដែលបំភ្លេចបំផ្លាញធនធានធម្មជាតិឈ្មោះ មករា អាចគិចផុតពីសំណាញ់ច្បាប់ដែរឬយ៉ាងណា។
បើតាមប្រភពពីប្រជាពលរដ្ឋក៏ដូចជាសមត្ថកិច្ចខ្លះដែលគេមិនបានសែនព្រេនឱ្យលិត បានបង្ហើបប្រាប់អង្គភាពគេហទំព័រ ស៊ីអិនធី ហតញូយ៍ យើងឲ្យដឹងថា មួយរយ:ចុងក្រោយនេះ ឈ្មួញឈ្មោះ មករា កំពុងប្រើប្រាស់រថយន្តសាំយ៉ុងចាប់ពី ៤ គ្រឿងទៅ ៥ គ្រឿងសម្រុកដឹកជញ្ជូនឈើចេញ ពីតំបន់ភ្នុំកុក.ភូមិទាមក្រោមនៃស្រុកវើនសៃខេត្តរតនគិរីមកស្តុបទុកមួយស្របក់នៅក្នុងឃ្លាំងនៅចុះចំណោតភ្នំខាងជើងបឹងយក្សឡោម នាក្រុងបានលុងទីរួមខេត្តរតនគិរី បន្តឆ្ពោះទៅស្រុកយួនតាមច្រកអូរយ៉ាដាវ យ៉ាងពេញបន្ទុក។
ការដែលឈ្មួញឈ្មោះ មករា អាចដឹកជញ្ជូនឈើចេញទៅស្រុកយួនតាមច្រកទ្វារអន្តរជាតិអូរយ៉ាដាវ យ៉ាងរលូនគឺមានការឃុបឃិតពីសំណាក់មន្រ្តីជំនាញ និងលោក ខឹម ចិត្រា នាយប៉ុស្តិ៍នគរបាលអន្តោប្រវេសន៍ច្រកអូរយ៉ាដាវផងដែរ។ ដូច្នេះហើយទើបមានសេចក្ដីអំពាវនាវឲ្យលោក ថាវ យ៉េន មេបញ្ជាការកងរាជអាវុធហត្ថខេត្តរតនគិរី និងលោក ញ៉ែម សំអឿន អភិបាលខេត្តរតនគិរី ពិនិត្យឡើងវិញខ្លះផងជុំវិញករណីឈ្មួញឈ្មោះ មករា ដឹកជញ្ជូនឈើទៅស្រុកយួន។
តាមប្រភពដ៏ដែលបានបង្ហើមថា ឈ្មួញឈ្មោះ មករា ប្រមូលទិញឈើនៅក្នុងស្រុកវ៉ើនសៃ ហើយដឹកជញ្ជូនតាមរថយន្តសាំយ៉ុងចេញទៅស្រុកយួនតាមច្រកទ្វារអន្តរជាតិអូរយ៉ាដាវ យ៉ាងពេញបន្ទុក។ មន្រ្តីជំនាញ និងសមត្ថកិច្ចមិនហ៊ានប៉ះពាល់ឈ្មួញនេះទេ ព្រោះពួកគេមានខ្នងបង្អែករឹងមាំ ហើយជាប្រភពចំណូលរបស់មន្រ្តីធំៗមួយចំនួននៅក្នុងខេត្តរតនគិរី។
បើយោង តាមប្រសាសន៍ កន្លងមក នាយឧត្តមសេនីយ៍ សៅ សុខា អគ្គមេបញ្ជាការរង នៃ កងយោធ ពលខេមរ ភូមិន្ទ មេបញ្ជាការកង រាជអាវុធហត្ថ លើផ្ទៃ ប្រទេស និងជា ប្រធាន គណៈកម្មការ ជាតិ ដើម្បី ទប់ស្កាត់ និង បង្ក្រាប បទល្មើស ធនធាន ធម្មជាតិ បានប្រកាស ដាក់ ជីវិត របស់ ខ្លួន ជា មួយ នឹង ប្រតិបត្តិការ បង្ក្រាប បទល្មើស ព្រៃឈើ នៅក្នុង ប្រទេស នា ដំណាក់ កាល ចុងក្រោយនេះ ឲ្យខាន តែបាន ដើម្បីទុក ជូន ក្មេង ជំនាន់ក្រោយ និង បានដាក់ បទបញ្ជា ដកគ្រវាតចោល លើ មន្ដ្រីអាវុធហត្ថ ទាំងឡាយ ណា ទោះ មាន បុណ្យ ស័ក្ដិ ខ្ពស់ ប៉ុណ្ណា បើ សិនរក ឃើញ នៅជាប់ ពាក់ព័ន្ធ បទល្មើស ជាមួយក្រុម ឈ្មួញ ។
ជាក់ស្ដែងលោក ថាវ យ៉េន មេបញ្ជាការកងរាជអាវុធហត្ថខេត្តរតនគិរី ក៏ដូចជាលោក យិន ចំណាន ស្នងការនគរបាលខេត្តរតនគិរី ព្រមទាំងលោក ញ៉ែម សំអឿន អភិបាលខេត្តរតនគិរី សុទ្ធតែរក្សាភាពស្ងៀមស្ងាត់ទុកឲ្យឈ្មួញឈ្មោះ មករា ប្រព្រឹត្តបទល្មើសព្រៃឈើយ៉ាងគឃ្លើន។
សូមបញ្ជាក់ បេីអស់លោកមន្ត្រីជំនាញពាក់ព័ន្ធណាម្នាក់ ឬ មួយមេឈ្មួញឈ្មោះ មករា ប្រតិកម្មណាមួយ ចង់បកស្រាយបំភ្លឺពាក់ព័ន្ធ នឹង ការចុះផ្សាយខាងលើ អង្គភាពសារព័ត៌មានយើង រងចាំស្វាគមន៍បកស្រាយបំភ្លឺនៅរៀងរាល់ម៉ោងធ្វើការ ដោយយោងច្បាប់ស្ដីពីរបបសារព័ត៌មាន សូមអរគុណ៕
