ខេត្តកំពង់ស្ពឺ÷ ពីមួយថ្ងៃទៅមួយថ្ងៃគេសង្កេតឃើញថាបទល្មើសដឹកជញ្ជូនឈើតាមគោយន្តយ៉ាងពេញបន្ទុករីករាលដាលនៅក្នុង ស្រុកឱរ៉ាល់ ខេត្តកំពង់ស្ពឺ ហាក់បីបានកំពុងធ្វើចរាចរណ៍យ៉ាងគគ្រឹកគគ្រេងនៅពេលយប់ៗនិងថ្ងៃគ្មានការទប់ស្កាត់ពីសមត្ថកិច្ចជំនាញឬកងកម្លាំងប្រដាប់អាវុធពាក់ព័ន្ធក្នុងភូមិសាស្ត្រដែលខ្លួនកំពុងគ្រប់គ្រងទេ។
គួរំលឹកថាក្រុមរកស៊ីដឹកជញ្ជូនឈើល្មើសច្បាប់ចេញពី
ដែនជម្រកសត្វព្រៃភ្នំឱរ៉ាល់ រួចដឹកឆ្លងកាត់ស្នាក់ការរដ្ធបាលព្រៃឈើផ្លោចដែលមានប្រធានស្នាក់ការឈ្មោះ ស្មៀន សារ៉េត ជាអ្នកគ្រប់គ្រង ស្ថិតនៅឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ បន្តឆ្ពោះទៅស្រុកថ្ពង តាមបណ្ដោយផ្លូវជាតិលេខ ៤៤ យកទៅលក់ចែកចាយដោយរលូនគ្មានឃើញការទប់ស្កាត់ឬបង្ក្រាបនោះឡើយ។
បើយោងតាមការរៀបរាប់ពីអ្នករកស៊ីដឹកជញ្ជូនឈើតាមគោយន្ត កាលពីយប់ថ្ងៃទី៧ ខែមេសា ឆ្នាំ២០២២ បានឲ្យអង្គភាពសារព័ត៌មានយើងដឹងថា ការដែរដឹកជញ្ជូនឈើចេញទៅបាន ពូកគាត់តម្រូវបង់ឲ្យកម្លាំងជំនាញរដ្ឋបាលព្រៃឈើផ្លោចចំនួន ១៥ ម៉ឺនរៀល ក្នុងមួយគោយន្ត បើមិនបងឲ្យទេគឺមិនឲ្យដឹងចេញទេ? បើហ៊ានដឹកចេញ ច្បាស់ជាត្រូវនឹងដំបងទ្រមេឃរបស់លោកតាស៊ុនជាក់ជាពុំខាន។
តែនេះគ្រាន់តែជាការលើកឡើងពីអ្នករកស៊ីដឹកឈើតាមគោយន្តតែប៉ុណ្ណោះ
ជុំវិញព័ត៌មានលើកឡើងខាងលើនោះ តើជាការពិតដែរឬទេ.? ដើម្បីបញ្ចៀសនូវការភ័ន្តច្រឡំ ឬជាព័ត៌មានក្លែងក្លាយណាមួយនោះ.! អង្គភាពសារព័ត៌មានយើង ស្នើសុំឲ្យមានការបកស្រាយពីកម្លាំងជំនាញរដ្ឋបាលព្រៃឈើផ្លោចឬមន្ត្រីជំនាញពាក់ព័ន្ធ ដែលសារព័ត៌មានយើងគ្មានគោលបំណងធ្វើឲ្យប៉ះពាល់ដល់កម្លាំងជំនាញរដ្ឋបាលព្រៃឈើ នឹងមន្ត្រីជំនាញពាក់ព័ន្ធ,ឬបុគ្គលណាម្នាក់នោះឡើយក្រៅពីរផ្សព្វផ្សាយជាព័ត៌មានពិតជូនថ្នាក់ដឹកនាំលោកបានជ្រាបព័ត៌មានតែប៉ុណ្ណោះអង្គភាពសារព័ត៌មានយើងសូមស្វាគមន៍ រង់ចាំទទួលការបកស្រាយពីរកម្លាំងជំនាញរដ្ឋបាលព្រៃឈើនឹងមន្ត្រីជំនាញពាក់ព័ន្ធនៅរៀងរាល់ម៉ោងធ្វើការ ដោយយោងច្បាប់ស្ដីពីរបបសារព័ត៌មានសូមអគុណ។ មាន-ត
