ខេត្តកំពង់ឆ្នាំង÷បន្ទាប់ពីមានការចុះផ្សាយរឿង បាត់បង់ដីចំណតរថយន្ត ស្ថិតនៅភូមិទី7 សង្កាត់ខ្សាម ក្រុងកំពង់ឆ្នាំង ខេត្តកំពង់ ឆ្នាំង រួចមក ជនរងគ្រោះដែលបានចំណាយលុយ 16 ម៉ឺនដុល្លារ ទិញដីនោះបានបញ្ជាក់ប្រាប់អ្នកសារព័ត៌មានយើងអោយដឹងថា÷ ដីនោះ ពួកគាត់បានទិញពីឈ្មោះ លោក កែវ ពិសី តួនាទីជាក្រុមប្រឹក្សាខេត្តកំពង់ឆ្នាំង នឹងត្រូវជាដន្លងជាមួយលោក ឈួរ ច័ន្ទឌឿន អតីតចាហ្វាយខេត្តកំពង់ឆ្នាំង និងឈ្មោះ ស៊ុីម ត្រូវជាប្អូនថ្លៃលោក កែវពិសី ដែលល្បី ល្បាញ ជាសកលក្នុងការបុិនប្រសព្វ រកគន្លឹះក្នុងការកេងប្រវ័ញ្ច រំលោភបំពាន យកដីរបស់រដ្ឋ មកធ្វើជាកម្មសិទ្ធិរបស់ខ្លួន។
ជនរងគ្រោះជាអ្នកទិញ បានបញ្ជាក់ប្រាប់សារព័ត៌មានយើង អោយដឹងទៀតថា ការទិញលក់ដី នៅចំណុចនោះ មិនមានប័ណ្ណកម្មសិទ្ធិទេ មានតែលិខិតទិញលក់ត្រឹមអាជ្ញាធរភូមិ និងសង្កាត់ តែប៉ុណ្ណោះហេីយពួកគាត់ ក៏មិនបានដឹងថា ដីនោះជាដីចំណតរថយន្តដែរ។
ប្រជាពលរដ្ឋក៏ដូចជាមហាជនបានសំណូមពរនិងស្នើសុំដល់ ឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តនិងជាប្រធានគណៈបញ្ជាការឯកភាពខេត្តកំពង់ឆ្នាំង និង អង្គភាពប្រឆាំងអំពើពុករលួយ (ACU)មេត្តា បើកការស៊ើបអង្កេតទៅលើបុគ្គលទាំងពីររូបនេះផង តើមានបុគ្គលណាខ្លះទៀតជាប់ពាក់ព័ន្ធនៅពីខាងក្រោយរឿងលក់ដីចំណតរថយន្ត នៅជិតកំពង់ផែមាត់ទន្លេផ្សារក្រោមចំនួន ៨០០ ម៉ែត្រការ៉េ បើលក់ក្នុងពេលបច្ចុប្បន្នគិតជាទឹកប្រាក់មិនក្រោម២០ ម៉ឺនដុល្លារសហរដ្ឋអាមេរិកនោះទេ ដើម្បីផ្ដន្ទាទោសទៅតាមច្បាប់ កុំឲ្មន្ត្រីជំនាន់ក្រោយយកធ្វើជាគំរូ ។
ដីចំណតរថយន្តនេះមានទំហំសរុបចំនួន ២០០០ ម៉ែត្រការ៉េ ដីនេះគឺក្រុមហ៊ុន ចុងលៀង ជាអ្នកផ្ដល់ជូនមកអាជ្ញាធរខេត្តកំពង់ឆ្នាំងក្នុងរជ្ជកាលលោកឈួរ ច័ន្ទឌឿន ធ្វើជាចៅហ្វាយខេត្ត ដើម្បីរៀបចំធ្វើចំណត់រថយន្តកំពង់ផែមាត់ទន្លេផ្សារក្រោម តាមការស្នើសុំដែលមានផ្ទៃដីសរុបចំនួន២០០០ម៉ែត្រការ៉េចុះមូលហេតុអ្វីលោក កែវ ពិសី ជាក្រុមប្រឹក្សាខេត្តកំពង់ឆ្នាំង និង លោក ស៊ីម ត្រូវជាប្អូនថ្លៃរបស់លោក កែវ ពិសី ឃ្វាលយក ៨០០ ម៉ែត្រការ៉េ ទៅលក់បានលុយជាង 16 ម៉ឺនដុល្លារ បែជាលោក ឈួរច័ន្ទឌឿន មិនដឹងទៅវិញ.?។
មហាជនមានការងឿងឆ្ងល់ថា ហេតុអ្វីបានលោកមេភូមិទី៧ និងចៅសង្កាត់ខ្សាម ហ៊ានស៊ីញ៉េ នៅលើឯកសារទិញលក់ដីនេះ ព្រោះក្នុងនាមគាត់ជាអាជ្ញាធរ គាត់ប្រាកដជាដឹងច្បាស់ថាដីនេះគឺជាដីអ្វី។
ជុំវិញព័ត៌មានលើកឡើងខាងលើនោះ តើជាការពិតដែរឬទេ.? ដើម្បីបញ្ចៀសនូវការភ័ន្តច្រឡំ ឬជាព័ត៌មានក្លែងក្លាយណាមួយនោះ.! អង្គភាពសារព័ត៌មានយើង ស្នើសុំឲ្យមានការបកស្រាយពីអាជ្ញាធរមានសមត្ថកិច្ចឬមន្ត្រីជំនាញពាក់ព័ន្ធ ដែលសារព័ត៌មានយើងគ្មានគោលបំណងធ្វើឲ្យប៉ះពាល់ដល់អាជ្ញាធរមូលដ្ឋាន,ឬបុគ្គលណាម្នាក់នោះឡើយក្រៅពីរផ្សព្វផ្សាយជាព័ត៌មានពិតជូនថ្នាក់ដឹកនាំលោកបានជ្រាបព័ត៌មានតែប៉ុណ្ណោះ អង្គភាពសារព័ត៌មានយើងសូមស្វាគមន៍ រង់ចាំទទួលការបកស្រាយពីរសាមុីខ្លួនឬមន្ត្រីពាក់ព័ន្ធនៅរៀងរាល់ម៉ោងធ្វើការ ដោយយោងច្បាប់ស្ដីពីរបបសារព័ត៌មាន សូមអរគុណ៕
