ភ្នំពេញ៖ លោកទេស វិបុល ប្រធានសមាគមសេរីភាពអ្នកសារព័ត៌មានកម្ពុជា បានអញ្ជើញចូលរួមទទួលទានអាហារសាមគ្គី និងឧបត្ថម្ភថវិកាចំនួន៣០ម៉ឺនរៀល ជូនដល់អ្នកសារព័ត៌មាន ជើងចាស់ក្រីក្រ កំពុងមានជំងឺប្រចាំកាយ ចំនួន៣នាក់ ដោយក្នុងម្នាក់ៗទទួលបានថវិកាចំនួន១០ម៉ឺនរៀល នាព្រឹក ថ្ងៃ០៣ខែឧសភាឆ្នាំ២០២២ ចំពេលដែល ក្រសួងព័ត៌មាន កំពុងរៀបចំប្រារព្វ ទិវាសេរីភាពសារព័ត៌មានសកលលោក ឆ្នាំ២០២២ លើកទី២៩ ក្រោមប្រធានបទ «សារព័ត៌មានក្នុងសម្ពាធប្រព័ន្ធឌីជីថល»។
លោក ទេស វិបុល បានបញ្ជាក់ថា ការទទួលទានអាហារសាមគ្គី និងការឧបត្ថម្ភនេះ ទោះបីតិចតួចមែន តែលោក មានឆន្ទះក្នុងការជួយឧបត្ថម្ភដល់អ្នកសារព័ត៌មាន ដែលកំពុងតែជួបការលំបាកពិតប្រាកដ។
ក្នុងនាមលោក ជាប្រធានសមាគមសេរីភាពអ្នកសារព័ត៌មានកម្ពុជា រួមនិងភរិយា នឹងបន្តជួយដល់ប្រជាពលរដ្ឋជួបការលំបាក រងអយុត្តិធម៌ និងអ្នកសារព័ត៌មានដ៌ទៃទៀត
ដើម្បីចូលរួមចំណែកជាមួយរាជរដ្ឋាភិបាលកម្ពុជា ដែលមាន សម្តេចអគ្គមហាសេនាបតីតេជោ ហ៊ុនសែន ជានាយករដ្ឋមន្ត្រីដ៌ឆ្នើម នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែន ប្រធានកាកបាទក្រហមកម្ពុជា ដោយកន្លងមកក៌ដូចជាក្នុងពេលបច្ចុប្បន្ន សម្តេចទាំងទ្វេរ តែងតែគិតគូរពីទុក្ខលំបាករបស់ប្រជាពលរដ្ឋនៅទូទាំងព្រះរាជាណាចក្រកម្ពុជា។
អ្នកសារព័ត៌មានដែលបានចូលរួមពិសារអាហារសាមគ្គី និងទទួលការឧបត្ថម្ភរួមមាន៖(១)លោក ហង្សចក្រា ចាងហ្វាងការផ្សាយកាសែតខ្មែរម្ចាស់ស្រុក។
(២)លោក ឃួន ប្លាយវី ចាងហ្វាងការផ្សាយកាសែតឆាយ៉ាអង្គរ។
(៣)លោក ឃី បញ្ញា ចាងហ្វាងការផ្សាយ កាសែតសម្លេងប្រជាជន។
លោកហង្សចក្រា តំណាងអោយអ្នកសារព័ត៌ចំនួន(០៣)នាក់ បានថ្លែងអំណរអរគុណ យ៉ាងជ្រាលជ្រៅជាទីបំផុត ចំពោះលោកទេស វិបុល ប្រធានសមាគមសេរីភាពអ្នកសារព័ត៌មានកម្ពុជា និងភរិយា ដែលបានចំណាយធន់ធានផ្ទាល់ខ្លួនដើម្បីជួយឧបត្ថម្ភដល់បងប្អូនអ្នកសារព័ត៌មានចំនួន(០៣)នាក់ ដែលកំពុងតែជួបការលំបាក។
លោកហង្សចក្រា បានជូនពរជ័យ ដល់លោក ទេស វិបុល និងក្រុមការងារ សូមមានសំណាងល្អ សុខភាពល្អបរិបូរណ៌ ពិសេសប្រកបកិច្ចការងារ ទាំងការងាររដ្ឋនិងឯកជនសូមសម្រេចជោគជ័យ១០០ភាគរយ។
នៅក្នុងឱកាសទិវាសេរីភាពសារព័ត៌មានសាកលលោក០៣\ឧសភាឆ្នាំ២០២២
លោកទេស វិបុល ប្រធានសមាគមសេរីភាពអ្នកសារព័ត៌មានកម្ពុជា សូមអំពាវនាវ ដល់បងប្អូនអ្នកសារព័ត៌មាន នៅទូទាំងប្រទេស សូមបងប្អូនបំពេញភារកិច្ចជាអ្នកសារព័ត៌មាន អោយបានល្អខ្ជាប់ខ្ជួន តាមវិជ្ជាជីវ:របស់អ្នកសារព័ត៌មាន (ពោល)គឺកុំបំពានសិទ្ធរបស់
អ្នកដ៌ទៃ កុំបំភ្លៃកាពិត អនុវត្តតាមពាក្យស្លោកដ៏មានអត្ថន័យរបស់ សម្តេចអគ្គមហាសេនាបតីតេជោ ហ៊ុន សែន អោយបានគ្រប់ៗគ្នា៕
