(ខេត្តព្រៃវែង)៖ កាស៊ីណូស្វាយអាង៉ោងចាប់បើកលេងល្បែងប្រជល់មាន់យ៉ាងកក្រើកព្រំដែន ដោយឱ្យប្រជាពលរដ្ឋខ្មែរនិងយួនចូលលេងដោយគ្មានញញេីតសមត្ថកិច្ចឡើយសង្ស័យត្រូវថ្នាំសណ្តំអស់ហើយ។
បើតាមប្រភពបានបង្ហើបឱ្យដឹងថាកាស៊ីណូស្វាយអាង៉ោងនេះចាប់បើកលេងល្បែងប្រជល់មាន់បីបួនថ្ងៃមកហើយដោយបើកឱ្យប្រជាពលរដ្ឋខ្មែរនិងយួនចូលលេងល្បែងភ្នាល់មាន់រាល់ថ្ងៃយ៉ាងកក្រើកដូចជាប្រទេសគ្មានច្បាប់។
ប្រជាពលរដ្ឋដែលរស់នៅភូមិចាម ឃុំចាម ស្រុកកំពង់ត្របែក មានការព្រួយបារម្ភពីសុវត្ថិភាពសន្តិសុខ ដូចជា បទល្មើសផ្សេងៗ ដូចជា លួច ឆក់ ប្លន់ និងអំពើហិង្សា ។ល។ ណាមួយខ្លាចឆ្លងជំងឺកូវីដ19 ដោយអ្នកមកលេងល្បែងមានជនជាតិវៀតណាមមកលេងយ៉ាងច្រើនហើយនៅប្រទេសវៀតណាមនៅមានជំងឺកូវីដ19 ឆ្លងនៅឡើយ។
ប្រភពដដែលបានបន្តទៀតថា ថៅកែកាស៊ីណូស្វាយអាង៉ោងនេះមានឈ្មោះថា តាចូវ និងមានមេការឈ្មោះតី បើកកាស៊ីណូលេងល្បែងប្រជល់មាន់ឱ្យទាំងខ្មែរនិងយួនចូលលេងល្បែងភ្នាល់ដាក់ លុយរាប់លានដោយគ្មានកោតញញើតសមត្ថកិច្ចបន្តិចសោះ។ ប្រភពបន្តទៀតថាកាស៊ីណូស្វាយអាង៉ោងសង់ជាប់ទំនប់ព្រំដែន ស្ថិតនៅភូមិចាម ឃុំចាម ស្រុកកំពង់ត្របែក សង្ស័យគ្មានច្បាប់ដោយគ្មានស្លាកយីហោទេ។
ទាក់ទិនទៅនឹងកាសស៊ីណូស្វាយអាង៉ោ បើកឲ្យប្រជាពលរដ្ឋខ្មែរចូលលេងល្បែងក្នុងកាស៊ីណូការលើនេះដែរ អង្គភាពសារព័ត៌មានយើង បានទំនាក់ទំនសុំការបកស្រាយបន្ថែមពីលោកវីរៈសេនីយ៍ឯក សួន សំអឿន អធិការស្រុកកំពង់បែកដែរ តែលេខទូរស័ព្ទមិនអាចទាក់ទងបាន។
ចំពោះថៅកែកាស៊ីណូស្វាយអាង៉ោងឈ្មោះ ចូវ និងមេការឈ្មោះ តី អង្គភាពសារព័ត៌មានយើង មិនអាចសុំការបំភ្លឺបានទេដោយមិនមានលេខទូរសព្ទទំនាក់ទំនង។
សូមរំលឹកថាកន្លងមកសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់បានដាក់បទបញ្ជាឱ្យមន្រ្តីនគរបាលពាក់ព័ន្ធក្រោមឱវាទទូទាំងប្រទេសត្រូវតែបង្រ្កាបរាល់ល្បែងស៊ីសងខុសច្បាប់គ្រប់ប្រភេទនិងមិនត្រូវមានការយោគយល់ឡើយ តែផ្ទុយទៅវិញ ម្ចាស់កាស៊ីណូស្វាយអាង៉ោង កំពុងបើកឲ្យប្រជាពលរដ្ឋខ្មែរចូលលេងល្បែងនៅក្នុងកាស៊ីណូខ្លួនដោយគេដាក់ការសង្ស័យថា គ្មានច្បាប់អនុញ្ញាត ដោយគ្មានឃើញសមត្ថកិច្ចចុះទៅណែនាំឬទប់ស្កាត់ឡើយ។
ប្រជាពលរដ្ឋដែលរស់នៅភូមិ ឃុំ ខាងលើបានគោរពនិងស្នើសុំដល់លោកឧត្តមសេនីយ៍ទោ ព្រុំ សន្ធរ ស្នងការនៃស្នងការដ្ឋាននគរបាលខេត្តព្រៃវែងនិងឯកឧត្តម ជា សុមេធី អភិបាលនៃគណៈអភិបាលខេត្តព្រៃវែង សូមមេត្តាចាត់កម្លាំងក្រោមឱវាទឱ្យចុះមកស៊ើបអង្កេតស្រាវជ្រាវតើកាសស៊ីណូស្វាយអាង៉ោ ខាងលើនេះតើពិតដូចប្រជាពលរដ្ឋបានលើកឡើងថាកំពុងបើកឲ្យប្រជាពលរដ្ឋខ្មែរចូលលេងនិងដាក់ការសង្ស័យថា គ្មានច្បាប់អនុញ្ញាតពិតមែនដែរឬទេ? ។
អង្គភាពសារព័ត៌មានយើងខ្ញុំសូមស្វាគមន៍រាល់ការបកស្រាយពីមន្រ្តីពាក់ពន្ធ័និងសាមុីខ្លួនជានិច្ចរាងរាល់ម៉ោងធ្វើរការ សូមអរគុណ ៕
