អរគុណសន្តិភាពជយោគណបក្សប្រជាជនកម្ពុជាអបអរសាទរយុទ្ធនាការឃោសនាបោះឆ្នោតក្រុមប្រឹក្សាឃុំស្វាយចចិប អាណត្តិទី ៥ ឆ្នាំ២០២២ថ្ងៃអាទិត្យ ១៤ រោច ខែពិសាខ ឆ្នាំខាលចត្វាស័ក ពុទ្ធសករាជ ២៥៦៦ត្រូវនឹងថ្ងៃទី២៩ ខែឧសភា ឆ្នាំ២០២២ ឯកឧត្ដម យឹម សុខុម ប្រធានក្រុមប្រឹក្សាខេត្ត ឯកឧត្តម វ៉ី សំណាង ប្រធានគណកម្មាការបក្សខេត្តកំពង់ស្ពឺ អញ្ជើញជាអធិបតី ក្នុងពិធីហែរក្បួនយុទ្ធនាការឃោសនាបោះឆ្នោតក្រុមប្រឹក្សាឃុំអាណត្តទី៥ ឆ្នាំ២០២២ រួមដំណើរលោកញាញ់ ជាបហ៑ងប្រធានក្រុមការងារពង្រឹងឃុំស្វាយចចិមដោយមានឯកឧត្ដមលោកលោកស្រី សមាជិកគណកម្មាធិការបក្សខេត្ត បងប្អូនប្រជាពលរដ្ឋសមាជិក សមាជិកាគណបក្សប្រជាជនកម្ពុជា ។
ក្រោមម្លប់សន្តិភាព សាមគ្គីភាព បងប្អូនរីករាយ ចូលរួមគាំទ្រ អបអរដោយស្នាមញញឹមក្ដីរីករាយ យ៉ាងក្រៃលែង វត្តមានសរុបប្រមាណជាង 600 រូប ។
ខ្លឹមសារសំខាន់ដែលឯកឧត្តម បានធ្វើការសំណេសំណាលគឺ៖
១. អរគុណចំពោះក្រុមការងារនិង សមាជិក សមាជិការគណបក្សប្រជាជនកម្ពុជាគ្រប់លំដាប់ថ្នាក់ទាំងអស់ ដែលបានបំពេញការងារបម្រើ និងការផ្តល់សេវាជូនប្រជាពលរដ្ឋក្នុងរយៈពេលប្រាំឆ្នាំកន្លងទៅ ជាពិសេសក្នុងរយៈពេល ៧ថ្ងៃកន្លងមកក្រោយពីការបើកយុទ្ធនាការឃោសនាបោះឆ្នោតនៅថ្ងៃទី២១ ខែឧសភា ដែលបានធ្វើការផ្សព្វផ្សាយ និងចុះពន្យល់ប្រជាពលរដ្ឋតាមខ្នងផ្ទះពីគោលនយោបាយរបស់គណបក្ស និងការគូសសន្លឹកឆ្នោត ។
២. បញ្ជាក់ជូនប្រជាពលរដ្ឋឡើងវិញពីឆន្ទះដ៏មុះមុតនិងទឹកចិត្តជាប្រពៃណីរបស់គណបក្សប្រជាជន ដែលមិនចេះសន្យា ប៉ុន្តែហ៊ានធ្វើពលីកម្មអ្វីៗទាំងអស់ដើម្បីការរស់រានមានជីវិតឡើងវិញក្រោយថ្ងៃ៧មករា១៩៧៩ការបញ្ចប់សង្គ្រាមក្នុងស្រុកតាមរយៈនយោបាយឈ្នះឈ្នះ និងការស្តារសេដ្ឋកិច្ចឡើងវិញ ជាមួយនិងការលើស្ទួយជីវភាពរស់នៅរបស់ប្រជាពលរដ្ឋ ឲ្យទទួលបានការរីកចម្រើនដូចបច្ចុប្បន្ន។
៣. សង្ឃឹមថាសមាជិក សមាជិកាគណបក្សយើង និងទៅបោះឆ្នោតជូនគណបក្សប្រជាជនកម្ពុជាបានគ្រប់ៗគ្នា នៅថ្ងៃទី៥ ខែមិថុនាខាងមុខ ដើម្បីបន្តរក្សាបាននូវសុខសន្តិភាពនិងការអភិវឌ្ឍថ្មីៗបន្ថែមទៀត។
