ខេត្តកំពង់ឆ្នាំង÷ បច្ចុប្បន្នល្បែងអនឡាញជល់មាន់តាមកញ្ចក់ទូរទស្សន៍ ដោយខុសច្បាប់របស់ឈ្មោះ ញ៉ាក់ ម៉ាកា ប្រចាំក្រុងកំពង់ឆ្នាំង ខេត្តកំពង់ឆ្នាំង តើលោកអធិការក្រុងកំពង់ឆ្នាំងកំពុងលេងក្បាច់គុណឆ្ពិនភ្នែកពលរដ្ឋឫក៍លោកអសម្ថតភាពក្នុងការបង្ការទប់ស្កាតនិងបង្រ្កាបរាល់បទល្មើសល្បែងស៊ីសងដោយខុសច្បាប់។
បានជាបណ្ដែតបណ្ដោយអោយម្ចាស់ផ្ទះឈ្មោះ ញ៉ាក់ ម៉ាកា បង្កើតបទល្មើសល្បែងតាមអនឡាញជល់មាន់តាមកញ្ចក់ទូរទស្សន៍ ដោយខុសច្បាប់ក្នុងដែលសម្ថតកិច្ចខ្លួនគ្រប់គ្រងស្ថិតនៅខាងក្រោយប៉ុស្តិ៍រដ្ឋបាលប្អេរ ក្រុមកំពង់ឆ្នាំង ខេត្តកំពង់ឆ្នាំង។
ម្ចាស់ផ្ទះឈ្មោះ ញ៉ាក់ ម៉ាកា បើកបទល្មើសល្បែងអនឡាញជល់មាន់តាមកញ្ចក់ទូរទស្សន៍ខុសច្បាប់ថ្លើមធំមិនញញើតច្បាប់និងផ្គើនកិច្ចសន្យាក្នុងការឈប់ប្រព្រឹត្តបទល្មើសនិងបង្កើតល្បែងស៊ីសងខុសច្បាប់យ៉ាងអនាធិបតេយ្យបន្តទៀត។តែភាពជាក់ស្ដែងតាំងពីម្ចាស់ផ្ទះឈ្មោះ ញ៉ាក់ ម៉ាកា ចូលខ្លួនទៅធ្វើកិច្ចសន្យានៅប៉ុស្តិ៍រដ្ឋបាលប្អេរ កាលពីថ្ងៃទី០៩ ខែឧសភា ឆ្នាំ២០២២មិនបានប៉ុន្មានថ្ងៃផងបើកលេងដដែលឬការធ្វើកិច្ចសន្យាកន្លងមកនេះគ្រាន់តែជាឈុតឆាកដឹកនាំសម្ដែងរបស់លោក អធិការក្រុងកំពង់ឆ្នាំង ជាអ្នករៀបចំដើម្បីកុហក់បោកប្រាស់ឆ្ពិនភ្នែកមហាជននិងថ្នាក់ដឹកនាំកំុអោយស្ដីបន្ទោសដល់ខ្លួន។
តើលោកឧត្ដមសេនីយ៍ទោ ខូវ លី ស្នងការដ្ឋាននគរបាលខេត្តនិងឯកឧត្តម ស៊ុន សុវណ្ណារិទ្ធ អភិបាលខេត្តកំពង់ឆ្នាំង លោកបានជ្រាបដែរទេ.?ចំពោះទីតាំងល្បែងអនឡាញជល់មាន់តាមកញ្ចក់ទូរទស្សន៍ខុសច្បាប់ស្ថិតនៅខាងក្រោយប៉ុស្តិ៍រដ្ឋបាលប្អេរ ខាងលើនេះ។
ក្រោយពីទទួលព័ត៌មាន អង្គភាពយើង បានរាយការណ៍ជូនលោក បុិន គឹមសាន នាយប៉ុស្តិ៍នគរបាលរដ្ឋបាលប្អេរ ចំពោះការលួចលេងដោយគ្មានខ្លាចញញើតសារជាថ្មីនេះលោកតបវិញថា លោកអរគុណចំពោះការរាយកាយការណ៍។
លុះដល់ម៉ោង០៣:៣០ នាទីរសៀលថ្ងៃទី ០២ ខែមិថុនា ឆ្នាំ២០២២ ក្រុមការងារក៏បានរាយការបន្តរជូនលោកអធិការក្រុងកំពង់ឆ្នាំង ទាក់ទិនករណីខាងលើ លោកថាអរគុណចំពោះការរាយការណ៍ លោកនិងចាត់ចែងមន្ត្រីអោយចុះដល់ទីតាំងដើម្បីត្រួតពិនិត្យ។
សូមអរគុណដល់លោក បុិន គឹមសាន នាយប៉ុស្តិ៍រដ្ឋបាលប្អេរនឹងលោកអធិការក្រុងកំពង់ឆ្នាំងដែលបានទទួលសេចក្តីរាយការណ៍ ហើយក្រុមអ្នកសារព័ត៌មានយើង ចាំមើល តើលោក បុិន គឹមសាន នាយប៉ុស្តិ៍រដ្ឋបាលប្អេរនិងលោកអធិការក្រុងកំពង់ឆ្នាំងនឹងមានចំណាត់ការចំពោះផ្លូវច្បាប់ទៅលើម្ចាស់ផ្ទះដែលប្រព្រឹត្តបទល្មើសនិងផ្គើនកិច្ចសន្យាមិនបញ្ឈប់បើកបនល្បែងស៊ីសងខុសច្បាប់មានទោសកម្រិតណាដែរ.? បើយោងតាមច្បាប់ ស្ដីពីការបង្ក្រាប ល្បែង ស៊ីសង ដកស្រង់ ចេញពីព្រះរាជក្រម (នស/រកម/០១៩៦/២៨ )
ជំពូក 3 ទោសបញ្ញាត្តិ:
មាត្រា4 ៖ ជនណាលេងល្បែងស៊ីសង ជននោះត្រូវផ្ដន្ទាទោស ពិន័យជាប្រាក់ពី 1 ម៉ឺនរៀលដល់ 5ម៉ឺនករៀលឬដាក់គុកពីមួយសប្តាហ៍ដល់មួយខែ ក្នុងករណីពុំរាងចាល ត្រូវផ្តន្ទាទោសពិន័យជាប្រាក់ ៥ម៉ឺនរៀល ដល់ ៥០ម៉ឺនរៀល នឹងដាក់គុក ពីមួយខែ ដល់មួយឆ្នាំ។
មាត្រា 5 ៖ ត្រូវផ្ដន្ទាទោស ពិន័យជាប្រាក់ពី 5លានរៀលដល់ 20លានរៀល នឹងដាក់គុក ពីមួយឆ្នាំ ដល់ 5ឆ្នាំ ចំពោះអ្នកបើកកន្លែងល្បែងស៊ីសង អ្នកកាន់កាប់ល្បែង ស៊ីសង អ្នកចាត់ចែង និងភ្នាក់ងារស៊ីសង។
មហាជនទន្ទឹងរង់ចាំមើលថា តើលោក បុិន គឹមសាន នាយប៉ុស្តិ៍រដ្ឋបាលប្អេរ នឹង លោកអធិការក្រុងកំពង់ឆ្នាំង មានចំណាត់ការផ្លូវច្បាប់ដែរឬទេ ? ចំពោះម្ចាស់ផ្ទះឈ្មោះ ញ៉ាក់ ម៉ាកា ដែលកំពុងបើកល្បែងល្មើសច្បាប់ មិនគោរពតាមកិច្ចសន្យានោះ។
សូមរំលឹកថាកន្លងមកសម្តេច ក្រឡាហោម ស ខេង បានបញ្ជាឲ្យអាជ្ញាធរ បង្ក្រាបឲ្យអស់គ្រប់ល្បែងស៊ីសងក្នុងមូលដ្ឋានខ្លួនគ្រប់គ្រង ៕
