ត្តឧត្ដរមានជ័យ៖ រហូតមកដល់ពេលនេះមិនដឹងថា លោក គង់ វិបុលប្រតិភូរាជរដ្ឋាភិបាល ទទួលបន្ទុក ជាអគ្គនាយក នៃអគ្គនាយកដ្ឋានពន្ធដា ដឹងហើយរឺនៅនោះទេ ថានៅការិយាល័យពន្ធដា សាខា ស្រុកអន្លង់វែង គ្មានមន្រ្ដីបំរើការងារទេ ហើយពលរដ្ឋ កំពុងតែពិបាកមកទទួលសេវ៉ាបង់ពន្ធខ្លាំងណាស់ ព្រោះមានតែការិយាល័យ តែអត់មន្រ្ដីបំរើការងារ។
នៅថ្ងៃទី ១៣ ខែមិថុនា ឆ្នាំ២០២២ មានប្រជាពលរដ្ឋបានលើកឡើង និងរអ៊ូរទាំមក ថា មកទទួលសេវា បង់ពន្ធ នៅសាខាស្រុកអន្លង់វែង ចំនួនបីលើកមកហើយ ដែលធ្វើដំណើរទៅមកប្រហែល៦០គីឡូម៉ែត្រ នៅតែមិនទទួលបានសេវ៉ាបង់ពន្ធ។
មានសេចក្ដីរាយការណ៍មកថា លោកខឹម លាង ប្រធានការិយាល័យ ពន្ធដាស្រុកអន្លង់វែង ជាប់រវល់ លក់ដូរនៅបណ្ណាគារបស់ខ្លួន រីឯ អនុប្រធាន ម្នាក់ទៀតឈ្មោះ យឹមសុម៉ាលី ក៍មិនដែលចូលកន្លែង ដោយមិនខ្វល់អំពីតួនាទីរបស់ខ្លួន ប្រហែលជាប់រវល់លក់ផលិតផល។
សូម ឯកឧត្ដម គង់ វិបុល អគ្គនាយក នៃអគ្គនាយក ដ្ឋានពន្ធដារ ទានជ្រាបជាព័ត៍មាន។
ជុំវិញករណីខាងលើក្រុមការងារយើងមិនទាន់ស្វែងរកសុំការបំភ្លឺបានទេ ពីប្រធានការិយ៉ាល័យ ពន្ធដា ស្រុកអន្លង់វែងបានទេ ព្រោះទៅដល់កន្លែងអត់ជួប ៕
