ល្បែងអនឡាញ មាន់ជល់ តាមកញ្ចក់ទូរទស្សន៍និងឆ្នោតឡូតូជាច្រើនកន្លែង កំពុងតែពេញនិយមនៅក្នុងកំពត ហេតុអ្វីលោកអធិការក្រុងកំពតមិនបង្ក្រាប.? ឬមួយលោកទុកគ្រាន់បានជាប្រាក់ចំណូលប្រចាំខែបន្ថែមក្រៅពីប្រាក់ខែរដ្ឋ.?(វគ្គ៣)

(ចេញផ្សាយនៅថ្ងៃទី៣០ ខែសីហា ឆ្នាំ២០២២)

ខេត្តកំពត ៖ ប្រជាពលរដ្ឋរស់នៅក្នុងក្រុងកំពត ខេត្តកំពត ដែលមិនសប្បាយចិត្តនឹងល្បែងស៊ីសងកំពុងតែរីកដុះដាលដូចផ្សិតនៅក្នុងភូមិ/ឃុំ/សង្កាត់ របស់ពួកគាត់ បានប្រាប់ភ្នាក់ងារ(អង្គភាព ស៊ីអិនធី ហតញូយ៍) ឲ្យដឹងថា នៅក្នុងទឹកដីក្រុងកំពត ខេត្តកំពត ពោរពេញទៅដោយល្បែងអនឡាញ ជល់មាន់ តាមកញ្ចក់ទូរទស្សន៍និងឆ្នោតឡូតូ នៅក្នុងហាងកាហ្វេ ស្ទើរតែគ្រប់/ភូមិ/ឃុំ/សង្កាត់ ក្រោមការគ្រប់គ្រងរបស់លោកអធិការក្រុងកំពត ហេតុអ្វីមិនចាត់កម្លាំងឲ្យចុះបង្ក្រាប.? ឬមួយលោក អសមត្ថភាពក្នុងការបង្ក្រាប បានជាបណ្តែតបណ្ដោយ ឲ្យល្បែងអនឡាញ ជល់មាន់ តាមកញ្ចក់ទូរទស្សន៍ ខុសច្បាប់ និងឆ្នោតឡូតូ បើលេងក្នុងហាងកាហ្វេជាច្រើនកន្លែងយ៉ាង​គគ្រឹកគគ្រេង​រាល់ថ្ងៃ តើឯណាទៅគោលនយោបាយភូមិ/ឃុំ/សង្កាត់/ មានសុវត្ថិភាពដែលប្រមុខរាជរដ្ឋាភិបាលបានដាក់ចេញ ឱ្យក្រសួងមហាផ្ទៃអនុវត្តទូទាំងប្រទេសនោះ។

បើល្បែងអនឡាញ មាន់ជល់ តាមកញ្ចក់ទូរទស្សន៍ និង ឆ្នោតឡូតូ នៅក្នុងហាងកាហ្វេជាច្រើនកន្លែង កំពង់បើកទទួលក្រុមអ្នកញៀនល្បែងឲ្យចូលលេងភ្នាល់ស្រែកហ៊ោកញ្ជ្រៀវទ្រហឹងអឹងកង ដោយគ្មានការរំខានពីសំណាក់អាជ្ញាធរមានសមត្ថកិច្ចនោះឡើយ។

ប្រជាពលរដ្ឋនៅក្នុងមូលដ្ឋានសង្ឃឹមថា អាជ្ញាធរពាក់ព័ន្ធក្នុងក្រុងកំពត ពិសេសលោកអធិការក្រុងកំពត និងភ្ញាក់ពីដំណេកលុបមុខ សិតសក់ ឆ្លុះកញ្ចក់ មើលខ្លួនឯងថា បច្ចុប្បន្នខ្លួនមានតួនាទីអ្វី ដើម្បីបម្រើផលប្រយោជន៍ប្រជាពលរដ្ឋនិងបម្រើផលប្រយោជន៍ជាតិទាំងមូលនិងបញ្ជាស់អំពើចោរកម្មអសកម្មភាពដូចជា៖ចោរលួច-ឆក់-ប្លន់-គាស់ផ្ទះប្រជាពលរដ្ឋនិងអំពើហិង្សាក្នុងគ្រួសារផ្សេងៗជាដើម ព្រោះថា ល្បែងគឺជាដើមចមបង្កបង្កើតបទល្មើសក្នុងមូលដ្ឋាន។ល។ល។

ករណីខាងលើនេះប្រជាពលរដ្ឋបានគោរពស្នើសូមលោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត មេត្តាចាត់កម្លាំងជំនាញចុះបង្ក្រាបផង និងជួយពិនិត្យមើលមន្ត្រីក្រោមឱវាទដែលរក្សាការពារនៅក្នុងទឹកដី ភូមិ/ឃុំ/សង្កាត់ ខាងលើនេះផង ពិសេសលោកអធិការក្រុងកំពត តើរាល់ថ្ងៃនេះ គាត់រវល់ធ្វើអ្វីដែរ? បានជាបណ្ដែតបណ្ដោយ អោយមានល្បែងស៊ីសង បង្កើតឡើងនៅក្នុងមូលដ្ឋានរបស់ខ្លួនជាច្រើន ដោយសេរីបែបនេះ?

អង្គភាពអ្នកសារព័ត៌មានយើងខ្ញុំ ចុះផ្សាយខាងលើនេះគ្មានគោលបំណងធ្វើឱ្យប៉ះពាល់ដល់ស្ថាប័នពាក់ព័ន្ធណានោះទេ គ្រាន់តែជាកញ្ចក់ឆ្លុះបញ្ចាំង រិះគន់ក្នុងន័យស្ថាបនាតែប៉ុណ្ណោះ នឹងចូលរួមចំណែកជាមួយរាជរដ្ឋាភិបាលក្នុងការអភិវឌ្ឍន៍សង្គមជាតិ អង្គភាពសារព័ត៌មានយើងរង់ចាំការឆ្លើយបំភ្លឺ គ្រប់ស្ថាប័នពាក់ព័ន្ធគ្រប់ពេលម៉ោងធ្វើការ ដោយយោងតាមរបបអ្នកសារព័ត៌មាន សូមអរគុណ៕