(ចេញផ្សាយនៅថ្ងៃទី៣០ ខែសីហា ឆ្នាំ២០២២)
(កំពង់ស្ពឺ): ឯកឧត្តម កុល វីរៈ រដ្ឋលេខាធិការក្រសួងមហាផ្ទៃតំណាងដ៏ខ្ពង់ខ្ពស់សម្តេចក្រឡាហោម សរ ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានផ្តល់អនុសាសន៍ណែនាំ ចំពោះអភិបាលរងទាំង ៤ រូប ឲ្យខិតខំប្រឹងប្រែងបំពេញការងារជូនប្រជាពលរដ្ឋ ដោយអនុវត្តឲ្យស្របតាមគោលការណ៍ច្បាប់របស់រដ្ឋ ។
នាឱកាសនោះ: ឯកឧត្តមរដ្ឋមន្រ្តីក្រសួងមហាផ្ទៃ បានបន្ថែមទៀតថា ក្នុងនាមជាថ្នាក់ដឹកនាំ ត្រូវបញ្ចេះមន្រ្តីក្រោមឱវាទដើម្បីពង្រឹងប្រសិទ្ធិភាពការងារ ព្រមទាំងសេវាសាធារណៈកែទម្រង់ពីឃុំ/សង្កាត់ បន្ទាប់មកកែទម្រង់ស្រុក និងកែទម្រង់ខេត្ត ត្រូវពង្រឹងការងារដល់មន្រ្តីថ្នាក់ក្រោម មានឃុំសង្កាត់ ភូមិ សេវាសុខាភិបាល និង ប៉ុស្តិរដ្ឋបាល បញ្ហារគ្រឿងញៀនបច្ចុប្បន្នកំពុងរីករាលដាលពាស់ពេញផ្ទៃប្រទេស ឧក្រិដ្ឋជនគ្រឿងញៀនមានលក្ខណះទ្រង់ទ្រាយធំ ក្នុងនោះខេត្តកំពង់ស្ពឺក៏ជាចំណុចចាប់ផ្តើមរបស់ឧក្រិដ្ឋជននេះដែរ ដូច្នេះត្រូវកាត់បន្ថយពីឥឡូវ ។
ឯកឧត្តម: មានប្រសាសន៏ថ្លៃងបែបនេះ នៅក្នុងពិធីប្រកាសចូលកាន់មុខតំណែងអភិបាលរង នៃគណៈអភិបាលខេត្តកំពង់ស្ពឺថ្មីចំនួន៤រូប នាព្រឹកថ្ងៃទី៣០ ខែសីហា ឆ្នាំ២០២២ នៅសាលប្រជុំសាលាខេត្តកំពង់ស្ពឺ ។
យោងតាមអនុក្រឹត្យ: លេខ១១៩ អនក្រ បក តែងតាំងរបស់រាជរដ្ឋាភិបាលចុះថ្ងៃទី១៧ ខែមិថុនា ឆ្នាំ២០២២ បានតែងតាំងមន្រ្តីថ្មីចំនួន៤រូប៖
១-លោក ស្រ៊ុន ស្រន់ ឋានន្តរស័ក្តិឧត្តមមន្ត្រីថ្នាក់លេខ២
២- លោក ស៉ីម រតនៈឋានន្តរស័ក្តិឧត្តមមន្ត្រីថ្នាក់លេខ៦
៣-លោក ហន ភក្តី ឋានន្តរស័ក្តិឧត្តមមន្ត្រីថ្នាក់លេខ៥
និងទី៤- លោក កៅ សុណ្ណាររិទ្ធ ឋានន្តរស័ក្តិឧត្តមមន្ត្រីថ្នាក់លេខ៥ មកជាអភិបាលរងនៃគណៈអភិបាលខេត្តកំពង់ស្ពឺ ។
អភិបាលរងខេត្ត ៤ រូប ប្រកាសតែងតាំងជាអភិបាលរងខេត្តកំពង់ស្ពឺថ្មី ត្រូវបានប្ដេជ្ញា បំពេញការងារ ឲ្យអស់ពីលទ្ធភាព បម្រើប្រជាពលរដ្ឋ ដោយមិនប្រកាន់និន្នាការនយោបាយអ្វីឡើយ ៕
