(ចេញផ្សាយនៅថ្ងៃទី១៩ ខែកញ្ញា ឆ្នាំ២០២២)
ខេត្តកំពង់ស្ពឺ ÷ ពិតជាមិនធម្មតាមែនលោកវីរៈសេនីយ៍ឯក ឃុត សុផល អធិការនគរបាលស្រុកសំរោងទង ប្រើពេលតែ ១២ ម៉ោងអាចបំបែកសំបុកនឹងឃាត់ខ្លួនក្រុមជនសង្ស័យកាប់ប្លន់យកម៉ូតូបានភ្លាមៗ ក្រោយពីបានទទួលពាក្យបណ្តឹងតាមទូរស័ព្ទពីឈ្មោះ វណ្ណ សំរេច ភេទប្រុសអាយុ៣៩ឆ្នាំ នៅភូមិត្រពាំងស្វាយ សង្កាត់គោកឃ្លៀង ខណ្ឌសែនសុខ រាជធានីភ្នំពេញ នៅថ្ងៃទី១៧ ខែកញ្ញា ឆ្នាំ២០២២ វេលាម៉ោង៧ និង០០នាទី
បាបរាយការណ៍ថា កាលពីថ្ងៃទី១៦ ខែកញ្ញា ឆ្នាំ២០២២ វេលាម៉ោង២១ និង២០ នាទី មានជនសង្ស័យមិនស្គាល់អត្តសញ្ញាណចំនួន៣នាក់ ជិះម៉ូតូ១គ្រឿងមិនស្គាល់ម៉ាក បានធ្វើសកម្មភាពយកដាវកាប់ប្លន់យកម៉ូតូរបស់ខ្លួន១គ្រឿង ម៉ាកហុងដា សេ១២៥ ពណ៌ខ្មៅ សេរីឆ្នាំ២០២២ ពាក់ផ្លាកលេខ ភ្នំពេញ1JL.5038 (មានភ្ជាប់ប្រព័ន្ធGPS) នៅចំណុចភូមិពូនភ្នំ ឃុំត្រពាំងសាប ស្រុកបាទី ខេត្តតាកែវ ជនរងគ្រោះបានស្វែងរកម៉ូតូរបស់ខ្លួនតាមប្រព័ន្ធGPS មកដល់ចំណុចផ្សារសាមគ្គី ស្ថិតក្នុងភូមិត្រពាំងអំពិល ឃុំត្រពាំងគង ស្រុកសំរោងទង ខេត្តកំពង់ស្ពឺ ។
~នៅម៉ោង៩ និង០០ នាទី ថ្ងៃដដែល កម្លាំងអធិការស្រុកសំរោងទង បានឃាត់ខ្លួនជនសង្ស័យ ចំនួន២នាក់មាន:
១. ឈ្មោះ ហេង វ៉ាន់ណេត ភេទប្រុស អាយុ២២ឆ្នាំ នៅភូមិព្រៃនូក ឃុំស្នំក្រពើ ស្រុកគងពិសី ខេត្តកំពង់ស្ពឺ។
២. ឈ្មោះ ចឺម រក្សា ភេទប្រុស អាយុ១៧ ឆ្នាំ នៅភូមិព្រៃនូក ឃុំស្នំក្រពើ ស្រុកគងពិសី ខេត្តកំពង់ស្ពឺ។
នឹងបានដកហូតវត្ថុតាង ម៉ូតូ១គ្រឿង ម៉ាកហុងដា សេ១២៥ ពណ៌ខ្មៅ សេរីឆ្នាំ២០២២ ជារបស់ជនរងគ្រោះ។
~នៅម៉ោង ១១ និង ១០ នាទី ថ្ងៃដដែលកម្លាំងស្រុកសំរោងទង សហការជាមួយកម្លាំងស្រុកគងពិសី បានបន្តឃាត់ខ្លួនបក្សពួកម្នាក់ទៀតឈ្មោះ យឿង បូណា ភេទប្រុស អាយុ២២ឆ្នាំ នៅភូមិព្រៃនូក ឃុំស្នំក្រពើ ស្រុកគងពិសី ខេត្តកំពង់ស្ពឺ នៅចំណុចផ្ទះសំណាក់ នាគមាស សៀវម៉ីញ នៅភូមិត្រពាំងមាន ឃុំស្នំក្រពើ ស្រុកគងពិសី ខេត្តកំពង់ស្ពឺ និង ដកហូតវត្ថុតាងមាន: ដាវចំនួន១ និង ម៉ូតូ១គ្រឿង ម៉ាកហុងដា សេ១២៥ ពណ៌ខ្មៅ សេរីឆ្នាំ២០២០ ពាក់ផ្លាកលេខ ភ្នំពេញ 1IH.4999 ជារបស់ជនសង្ស័យ។
ក្នុងករណី ចុះបង្ក្រាប ក្រុមចោរប្លន់ខាងលើនេះសមត្ថកិច្ច បានសហការគ្នាចំនួន 3 ខេត្ត គឺខេត្តតាកែវ លោកវីរៈសេនីយ៍ឯក ឆាយ កែវមុន្នីអាធិការស្រុកបាទី ខេត្តកណ្ដាល លោកអធិការស្រុកអង្គស្នួល ខេត្តកំពង់ស្ពឺលោកវីរៈសេនីយ៍ឯក ឃុត សុផលអធិការស្រុកសំរោងទង ។
មានការសហការយ៉ាងស្អិតរហូត ពីសមត្ថកិច្ច
ទាំងអស់ ទើបឈានដល់ចាប់បាន ក្រុមជនសង្ស័យ ដែលបានធ្វើសកម្មភាពកាប់ប្លន់យកម៉ូតូ នៅត្រង់ចំណុចផ្សារសាមគ្គី ភូមិត្រពាំងអំពិល ឃុំត្រពាំងគង ស្រុកសំរោងទងខេត្តកំពង់ស្ពឺ ដោយមានការចូលរួមសហការពីប្រជាពលរដ្ឋ ជាអាជីវករ លក់នៅក្នុងផ្សារនោះផងដែរ។~ករណីខាងលើ កម្លាំងសមត្ថកិច្ចជំនាញកំពុងសាកសួរ និងកសាងសំណុំរឿងចាត់ការតាមនីតិវិធី។
ជាចុងក្រោយ លោកវរសេនីយ៍ឯក ឃុត សុផល អធិការស្រុកសំរោងទង បានសំណូមពរ ដល់ប្រជាពលរដ្ឋ ទាំងអស់បើអាច សុំដាក់ gps គ្រប់យានជំនិះ របស់ខ្លួន ដើម្បីងាយស្រួល កំណត់ទីតាំង នៅពេលដែលមាន ករណីអ្វីកើតឡើង ។
ក្រោយពីការសាកសួរ ក្រុមជនសង្ស័យខាងលើរួច លោកវីរៈសេនីយ៍ឯក ឃុត សុផល អធិការនគរបាលស្រុកសំរោងទង ក៏បានប្រគល់ ម៉ូតូ ជូនដល់ លោក វណ្ណសំរេច ដែលជាជនរងគ្រោះវិញ។
