(ចេញផ្សាយនៅថ្ងៃទី២៧ ខែកញ្ញា ឆ្នាំ២០២២)
កំពង់ស្ពឺ៖ តុលាការខេត្តកំពង់ស្ពឺ បានសម្រេចឃុំជនសង្ស័យប្រុសស្រីចំនួន ៦នាក់ ដោយដាក់ពន្ធនាគារបណ្តោះអាសន្ន ក្រោយចាប់ខ្លួនក្នុងប្រតិបត្តិការបង្ក្រាបល្បែងស៊ីសងក្នុងស្រុកបសេដ្ឋ។ នេះបើយោងតាមដីការបង្គាប់ឱ្យឃុំខ្លួនរបស់សាលាដំបូងខេត្តកំពង់ស្ពឺ ដែរចេញដោយ លោក ខាន់ សុខា ចៅក្រមស៊ើបសួរសាលាដំបូងខេត្តកំពង់ស្ពឺ ដែលសារព័ត៌មានយើងទទួលបាននៅរសៀលថ្ងៃទី២៧ ខែកញ្ញា ឆ្នាំ២០២២នេះ។
ជនសង្ស័យចំនួន ៦នាក់÷
១. ឈ្មោះ ឃិន សារ៉ន ហៅ ម៉ាក់ ភេទប្រុស អាយុ ៦០ឆ្នាំ ជនជាតិខ្មែរ សញ្ជាតិខ្មែរ មុខរបរកាត់កន្ទុយលេខ មានទីកន្លែងកំណើតនៅភូមិស្រែកខ្ញែរ ឃុំពោធិ៍ម្រាល ស្រុកបរសេដ្ធ ខេត្តកំពង់ស្ពឺ ទីលំនៅបច្ចុប្បន្ននៅភូមិព្រៃស្នួល ឃុំកក់ ស្រុកបរសេដ្ធ ខេត្តកំពង់ស្ពឺ។
២. ឈ្មោះ ភឿន ណាង ភេទស្រី អាយុ ៥០ឆ្នាំ ជនជាតិខ្មែរ សញ្ជាតិខ្មែរ មុខរបរកសិករ មានទីកន្លែងកំណើតនៅភូមិចា ឃុំស្វាយចចឹប ស្រុកបរសេដ្ធ ខេត្តកំពង់ស្ពឺ មានទីលំនៅបច្ចុប្បន្នភូមិចា ឃុំស្វាយចចឹប ស្រុកបរសេដ្ធ ខេត្តកំពង់ស្ពឺ។
៣. ឈ្មោះ សេង ម៉ៅ ហៅ អូន ភេទស្រី អាយុ ៣០ឆ្នាំ ជនជាតិខ្មែរ សញ្ជាតិខ្មែរ មុខរបរកសិករ មានទីកន្លែងកំណើតនៅភូមិស្តុក ឃុំស្វាយចចឹប ស្រុកបសេដ្ធ ខេត្តកំពង់ស្ពឺ មានទីលំនៅបច្ចុប្បន្នភូមិស្តុក ឃុំស្វាយចចឹប ស្រុកបរសេដ្ធ ខេត្តកំពង់ស្ពឺ។
៤. ឈ្មោះ ឃួន ធី ភេទស្រី អាយុ ៥៥ ឆ្នាំ ជនជាតិខ្មែរ សញ្ជាតិខ្មែរ មុខរបរកសិករ មានពីរកន្លែងកំណើតនៅភូមិអណ្ដូងល្វារ ឃុំស្វាយចចឹប ស្រុកបរសេដ្ធ ខេត្តកំពង់ស្ពឺ មានទីលំនៅបច្ចុប្បន្ននៅភូមិអណ្ដូងល្វារ ឃុំស្វាយចចឹប ស្រុកបសេដ្ធ ខេត្តកំពង់ស្ពឺ។
៥. ឈ្មោះ ហ៊ួរ ស្រី ភេទស្រី អាយុ ៤០ ឆ្នាំ ជនជាតិខ្មែរ សញ្ជាតិខ្មែរ មុខរបរកសិករ មានទីកន្លែងកំណើតនៅភូមិស្ដុក ឃុំស្វាយចចឹប ស្រុកបរសេដ្ធ ខេត្តកំពង់ស្ពឺ មានទីលំនៅបច្ចុប្បន្ននៅភូមិស្ដុក ឃុំស្វាយចចឹប ស្រុកបរសេដ្ធ ខេត្តកំពង់ស្ពឺ។
៦. ឈ្មោះ ឃូន ធី ភេទស្រីអាយុ ៥៥ ឆ្នាំ ជនជាតិខ្មែរ សញ្ជាតិខ្មែរ មុខរបរកសិករ មានទីកន្លែងកំណើតនៅភូមិអណ្ដូងល្វារ ឃុំស្វាយចចឹប ស្រុកបរសេដ្ធ ខេត្តកំពង់ស្ពឺ មានទីលំនៅបច្ចុប្បន្ននៅភូមិអណ្ដូងល្វារ ឃុំស្វាយចចឹប ស្រុកបសេដ្ធ ខេត្តកំពង់ស្ពឺ។
ជនសង្ស័យទាំង៦នាក់នេះ ត្រូវបានចាប់ខ្លួនក្នុងរង្វង់ប្រតិបត្តិការបង្ក្រាបល្បែងស៊ីសងបន្តបន្ទាប់ក្នុងភូមិសាស្ត្រស្រុកបសេដ្ឋនាពេលកន្លងមក។
ចៅក្រមស៊ើបសួរសាលាដំបូងខេត្តកំពង់ស្ពឺ លោក ខាន់ សុខា បានបញ្ជាក់ថា ជនសង្ស័យដែលសម្រេចឃុំខ្លួនខាងលើ ត្រូវបានចោទពីបទកត់កន្ទុយលេខដោយខុសច្បាប់ បើកលេងល្បែងស៊ីសងដោយខុសច្បាប់ និងលេងល្បែងដោយខុសច្បាប់ បទល្មើសព្រហ្មទណ្ឌដែលមានចែង និងផ្តន្ទាទោសតាមបញ្ញត្តិមាត្រា៤ និង៥ នៃច្បាប់ស្តីពីការបង្ក្រាបល្បែងស៊ីសង។
សូមបញ្ជាក់ថា ក្រោយពីមានបទបញ្ជាពីសម្តេចតេជោ ហ៊ុន សែន រដ្ឋបាលខេត្តកំពង់ស្ពឺ បានដាក់ផែនការទៅតាមស្រុកក្រុងទាំង៨ ឱ្យចាត់វិធានការលើល្បែងស៊ីសងដោយខុសច្បាប់ ដែលកំពុងបើកលេងក្នុងមូលដ្ឋានរបស់ខ្លួន។ ចំពោះបញ្ហានេះ ស្រុកមួយចំនួនបានអនុវត្តហើយ និងកំពុងបញ្ជូនជនសង្ស័យទៅតុលាការ ដើម្បីផ្តន្ទាទោស និងស្រុកមួយចំនួនហាក់គ្មានសកម្មភាព ធ្វើឱ្យមហាជនមានការងឿងឆ្ងល់ និងកំពុងចាំមើលពីចំណាត់របស់រដ្ឋបាលខេត្ត លើស្រុកអសកម្មទាំននោះ៕
