ខេត្តបាត់ដំបង ៖ កាលពី ថ្ងៃទី១៩ ខែវិច្ឆិកា ឆ្នាំ២០២២កន្លងទៅនេះ មានការបែកធ្លាយឯកសារទិញ-លក់មួយចំនួន និង លិខិតមួយច្បាប់របស់មេឃុំឆ្នាល់មាន់ ទាក់ទងនិងរឿងអាស្រូវ របស់លោក ចាន់ ពិសិដ្ឋ នាយប៉ុស្តិ៍នគរបាល រដ្ឋបាលឃុំដូនបា ក្នុងស្រុកគាស់ក្រឡ ខេត្តបាត់ដំបង បានលួចកាន់កាប់ និងរំលោភបំពាន លើដីស្របច្បាប់របស់ក្រុមហ៊ុន អេហ្រ្គី ខលឈ័រ ហ្រ្គីនហ្វៀល ។ ក្នុងលិខិតនោះ បានធ្វើឡើង កាលពីថ្ងៃទី២៤ ខែមេសា ឆ្នាំ២០១៥ និងចុះហត្ថលេខា ដោយលោក អ៊ុក សារឿន មេឃុំឆ្នាល់មាន់ ។ ដោយខ្លឹមសារក្នុងលិខិតមួយនេះ បានបញ្ជាក់ថា កាលពីថ្ងៃទី ២០ ខែមិថុនា ឆ្នាំ២០១៤ តំណាងក្រុមហ៊ុន បានសហការជាមួយ អាជ្ញាធរ ឃុំឆ្នាល់មាន់ បានចុះពិនិត្យលើទីតាំងដីជាក់ស្តែង សង្កេតឃើញថា មានបុគ្គលមួយចំនួន កំពុងធ្វើសកម្មភាព រំលោភបំពានយកដីក្រុមហ៊ុន ដោយក្នុងនោះក៏មានឈ្មោះ លោក ចាន់ ពិសិដ្ឋ នាយប៉ុស្តិ៍នគរបាល ឃុំដូនបា ផងដែរ ។ក្រៅពីបែកធ្លាយលិខិតរបស់ឃុំឆ្នាល់ សារព័ត៌មាន យើងក៏បានទទួលព័ត៌មានយ៉ាង ច្រើន ជាបន្តបន្ទាប់ ជុំវិញភាពមិនប្រក្រតី របស់លោក ចាន់ ពិសិដ្ឋ ទាំងសម្តីរបស់ពលរដ្ឋ និង អាជ្ញាធរមួយចំនួន ក្នុងមូលដ្ឋាន បានប្រាប់ថា លោក នាយប៉ុស្តិ៍ឃុំដូនបា ម្នាក់នេះ បានកាន់កាប់ និង លួចយកដីក្រុមហ៊ុន ទៅលក់ យ៉ាងអណាធិបតេយ្យ ពិតប្រាកដមែន ។ ដោយសកម្មភាពមួយនេះ ស.បញ្ជាក់អោយឃើញថា ក្នុងនាមលោក ចាន់ ពិសិដ្ឋ ជានគរបាល យុត្តិធម៌ ជាអ្នកចេះដឹងផ្នែកច្បាប់ ម្នាក់ដែរ តែបែរជា ថ្លើមធំពាសមេឃ ហ៊ានលួចលួចកាន់កាប់ និងលួចលក់ទ្រព្យសម្បត្តិ របស់អ្នកដទៃ យ៉ាងគឃ្លើន ដោយកំពុងជាន់ឈ្លី បទបញ្ជាររបស់ថ្នាក់ដឹកនាំ និង ច្បាប់នៃព្រះរាជាណាចក្រកម្ពុជា ។
តាមប្រភពព័ត៌មាន ពីមជ្ឈដ្ឋាននានា បានខ្សឹបផងដែរថា កាលពីកន្លងទៅថ្មីៗនេះ លោក ចាន់ ពិសិដ្ឋ នាយប៉ុស្តិ៍ នគរបាល រដ្ឋបាលឃុំដូនបា ក៏ធ្លាប់បានអួតក្តែងៗ ថា រូបលោក ពិតជា មានដី នៅលើដី ក្រុមហ៊ុន ពិតប្រាកដមែន ហើយបានធ្វើការទិញ-លក់ ជាមួយអ្នកដទៃ ដោយមិនចាំបាច់ធ្វើលិខិតស្នាមក៏មានដែរ គ្រាន់តែចរចាគ្នា គឺប្រគល់លុយ រួចជាការស្រេច ។
ពាក់ព័ន្ធករណីនេះនៅព្រឹកថ្ងៃទី២៤ ខែវិច្ឆិកា ឆ្នាំ២០២២ លោក អុឹម កុសល់ អ្នកនាំពាក្យ ស្នងការ នគរបាល ខេត្ត បាត់ដំបង បានប្រាប់តាមទូរស័ព្ទអោយដឹងថា………………(ដាក់លំលេងបទសំភាសន៍) ។
ជុំវិញភាពមិនប្រក្រតីរបស់លោក ចាន់ ពិសិដ្ឋ ដោយយោងតាមប្រភព ព័ត៌មានដែលអង្គភាព យើង ទទួល បានមកនេះ សូមលោកឧត្តមសេនីយ៍ទោ សាត គឹមសាន ស្នងការខេត្តបាត់ដំបង ដាក់អធិការកិច្ច ចុះស៊ើបអង្កេត និងមានវិធានការតាមផ្លូវច្បាប់ផង ដើម្បីកុំអោយនគរបាលមួយចំនួន ទៀត យកគំរូ តាម បុគ្គលខិលខូចមួយនេះ ដែលជាហេតុ នាំអោយ ប៉ះពាល់ កិត្តិយស និង សេចក្តីថ្លៃថ្នូរ របស់ នគរបាល ជាតិ ៕
