ព្រឹកថ្ងៃទី ២៦ ខែធ្នូឆ្នាំ ២០២២ នេះសម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាអញ្ជើញអធិបតីភាពដ៏ខ្ពង់ខ្ពស់ ក្នុងពិធីបើកការដ្ឋានស្ដារនិងលើកកម្រិតគុណភាពផ្លូវជាតិលេខ៤១ ប្រវែង៩៥.២៧ គីឡូម៉ែត្រចាប់ពីថ្នល់ទទឹងចំណុចប្រសប់ផ្លូវជាតិលេខ ៤ដល់ជុំគីរីខេត្តកំពតក្រោមឥណទានសម្បទាន ពី រដ្ឋាភិបាលនៃសាធារណរដ្ឋប្រជាមានិតចិន អញ្ជើញអមដំណើរស្ថានទូតចិនប្រចាំព្រះរាជាណាចក្រកម្ពុជាឯកឧត្តម អ្នកឧកញ៉ាលោកឧកញ៉ាលោកលោកស្រី មន្ត្រីរាជការប្រជាពលរដ្ឋចូលរួមជាច្រើននាក់
សម្ដេចបានមានមតិសំណេះសំណាលនិងសួរសុខទុក្ខដល់បងប្អូនប្រជាពលរដ្ឋដែលបានចូលរួមក្នុងថ្ងៃនេះសូមបងប្អូនថែរក្សាសុខភាពដើម្បីបញ្ជៀសនៅជំងឺទាំងឡាយដែលកំពុងមានសព្វថ្ងៃជាពិសេសកូវីដ19និងបន្តទៅចាក់វ៉ាក់សាំងឲ្យបានគ្រប់ៗគ្នាដោយពុំមានការបង់ប្រាក់ និងអរគុណដល់បងប្អូនប្រជាពលរដ្ឋដែលបានគាំទ្ររាជរដ្ឋាភិបាលដែលដឹកនាំដោយគណបក្សប្រជាជនកម្ពុជា ដើម្បីមានការអភិវឌ្ឍហេដ្ឋារចនាសម្ព័ន្ធគ្រប់វិស័យ
ថ្លែងក្នុងឱកាសបើកការដ្ឋានសាងសង់ផ្លូវជាតិលេខ ៤១ សម្ដេចបានសំណូមពរដល់បងប្អូនប្រជាពលរដ្ឋ និងកូនក្មួយចៅៗ ដែលធ្វើដំណើរលើដងផ្លូវធ្វើយ៉ាងណាគោរពច្បាប់ចរាចរណ៍ និងបើកបរដោយការប្រុងប្រយ័ត្ននិងមិនលើសល្បឿនកំណត់ដើម្បីបញ្ជៀសនៅគ្រោះថ្នាក់ជាយថាហេតុ
ក្នុងឱកាសនោះដែរសម្ដេចក៏មិនភ្លេចអរគុណដល់រដ្ឋាភិបាលចិននិងប្រជាជនចិនដែលបានផ្ដល់ឥណទានសម្បទានដល់កម្ពុជាដើម្បីធ្វើការអភិវឌ្ឍន៍ផ្លូវក៏ដូចជាហេដ្ឋារចនាសម្ព័ន្ធផ្សេងៗ
បន្ទាប់មកសម្ដេចក៏បានឡើងបញ្ជាគ្រឿងចក្រដើម្បីបើកការដ្ឋានសាងសង់ដែលមានប្រវែងសរុប៩៥.២៧គ.មចាប់ពីពេលនេះតទៅ។
