ទាន់ហេតុការណ៍
ដំណឹងរីករាយ! អត់លុយ ក៏អាចតេ ចូលបានគ្រប់ប្រពន្ធ័!  Hotline 1292 នឹងដាក់ ឲ្យប្រើប្រាស់ ក្នុងពេលឆាប់ៗនេះ! - រដ្ឋបាលខេត្តកំពង់ស្ពឺ ដឹកនាំបើកវេទិកាពិគ្រោះយោបល់ជាមួយសមាគម អង្គការមិនមែនរដ្ឋាភិបាល និងសហគមន៍នានានៅក្នុងមូលដ្ឋាន - ឯកឧត្ដម​ តែម​ ម៉ឺន​ អញ្ជើញ​ជាអធិបតី​បិទកិច្ចប្រជុំស្ដីពី​ កីឡា​លេីក​ទម្ងន់​រយៈពេល​ ៣ថ្ងៃ​ - ក្រុមអ្នកសង្កេតការណ៍អន្តរកាល (IOT) អញ្ជើញធ្វើដំណើរចាកចេញពីរាជធានីភ្នំពេញ ដើម្បីចុះសង្កេតការណ៍ស្ថានភាពនៅតាមបណ្តោយព្រំដែន កម្ពុជា-ថៃ - ប្រជាពលរដ្ឋ ២គ្រួសារស្នើសុំឱ្យអាជ្ញាធរពាក់ព័ន្ធក្នុងខេត្តកំពង់ស្ពឺជួយដោះស្រាយរឿងក្រុមហ៊ុនសាងសង់រោងចក្រ ថាបានចាក់ដីបិទផ្លូវឯកជនគាត់ មិនទាន់មានដំណោះស្រាយជូនពូកគាត់.... - លោកជំទាវអភិបាលរងខេត្ត៖ ណែនាំ‎ក្មួយៗជាសិស្សានុសិស្ស ត្រូវខិតខំសិក្សារៀនសូត្រ ប្រែក្លាយខ្លួនជា “កូនល្អ សិស្សល្អ មិត្តល្អ” និងជាទំពាំងដ៏ល្អ ជាសសរដ៏ខ្លឹម និងរឹងមាំទៅថ្ងៃអនាគត - ឯកឧត្តមបណ្ឌិត អភិបាលអភិបាលខេត្ត បានអញ្ជើញដឹកនាំកិច្ចប្រជុំគណៈអភិបាលខេត្ត - គ្រឿងចក្រជាច្រើនកំពុងតែជិះកាយភ្នំ យកអាចម៍ដីដឹកលក់យកលុយដាក់ហោប៉ាវផ្ទាល់ខ្លួន(សង្ស័យមិនមានច្បាប់អនុញ្ញាតិ) សូមអញ្ជើញអស់លោកអាជ្ញាធរនិងជំនាញពាក់ព័ន្ធចុះទៅពិនិត្យមើលផង... - រដ្ឋមន្រ្ដីក្រសួងព័ត៌មានគូសបញ្ជាក់ថា ការពង្រឹងនូវមូលធនមនុស្ស គឺជាដំណើរឆ្ពោះទៅមុខក្នុងការអភិវឌ្ឍប្រទេស និងធ្វើការប្រកួតប្រជែងនៅក្នុងកម្រិតខ្ពស់ - លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញដឹកនាំក្រុមការងារ ចូលរួមគោរពវិញ្ញាណក្ខន្ធ យុទ្ធជនពលីក្នុងសមរភូមិមុខ ក្នុងខេត្តកំពង់ស្ពឺ ខេត្តកំពត និងខេត្តកែប

លោកជំទាវវេជ្ជបណ្ឌិត ឱ វណ្ណឌីន ផ្តាំផ្ញើដល់ប្រជាពលរដ្ឋទាំងអស់ឱ្យទៅទទួលវ៉ាក់សាំងកូវីដ-១៩ បានគ្រប់ដូស ហើយត្រូវចាំថ្ងៃចាក់ដូសចុងក្រោយដើម្បីទៅទទួលវ៉ាក់សាំងដូសបន្តបន្ទាប់

លោកជំទាវវេជ្ជបណ្ឌិត ឱ វណ្ណឌីន ផ្តាំផ្ញើដល់ប្រជាពលរដ្ឋទាំងអស់ឱ្យទៅទទួលវ៉ាក់សាំងកូវីដ-១៩ បានគ្រប់ដូស ហើយត្រូវចាំថ្ងៃចាក់ដូសចុងក្រោយដើម្បីទៅទទួលវ៉ាក់សាំងដូសបន្តបន្ទាប់

ការផ្តាំផ្ញើបែបនេះ​ នៅក្នុងឱកាសលោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណ:កម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស (គ.វ.ក​-១៩) បានដឹកនាំគណៈប្រតិភូអមដំណើរចុះពិនិត្យទីតាំងចាក់វ៉ាក់សាំងកូវីដ-១៩ នៅរោងចក្រសូឡាម៉ូឡា វិទ្យាល័យ អង្គរកា សហគមន៍នៃវត្តពុទ្ធគិរី និងផ្សារអង្គតាសោម នាថ្ងៃព្រហស្បតិ៍-សុក្រ ទី២៦-២៧ ខែមករា ឆ្នាំ២០២៣ នៅខេត្តតាកែវ ។

នាឱកាសនោះ លោកជំទាវបានណែនាំដល់ម្ចាស់រោងចក្រ-សហគ្រាសធ្វើការផ្សព្វផ្សាយឱ្យបានទូលំទូលាយស្តីពីព័ត៌មាន និងសារៈសំខាន់នៃការចាក់វ៉ាក់សាំង ដល់កម្មកររោងចក្រ និងរៀបចំពេលវេលាដើម្បីឱ្យក្រុមគ្រូពេទ្យចុះមកចាក់វ៉ាក់សាំងដល់កម្មករនៅទីតាំងរោងចក្រផ្ទាល់ ចំណែករោងចក្រត្រូវធ្វើការកត់ត្រាព័ត៌មានចាក់វ៉ាក់សាំងរបស់កម្មករឱ្យបានត្រឹមត្រូវដើម្បីជួយរំលឹកពេលវេលាចាក់វ៉ាក់សាំងដូសបន្តបន្ទាប់ដល់កម្មកររបស់ខ្លួន។

លើសពីនេះ លោកជំទាវ បានមានប្រសាសន៍ថា មនុស្សចាស់ អ្នកមានជំងឺប្រចាំកាយ ចាំបាច់ត្រូវមកទទួលវ៉ាក់សាំងកូវីដ-១៩ ដើម្បីឱ្យប្រព័ន្ធរាងកាយមានភាពរឹងមាំ និងរក្សាបាននូវភាពសាំក្នុងសហគមន៍ក្នុងការការទប់ស្កាត់ការផ្ទុះសារជាថ្មីនូវជំងឺឆ្លងដ៏កាចសាហាវនេះក្នុងប្រទេសម្តងទៀត។ ចំណែកអ្នកវិជ្ជមានកូវីដ-១៩ អាចមកទទួលដូសបន្តបន្ទាប់ពីទទួលលទ្ធផលអវិជ្ជមានកូវីដ-១៩ ចាប់ពីបួនខែឡើងទៅ ។

ក្នុងជំនួបពិភាក្សារវាង លោកជំទាវវេជ្ជបណ្ឌិត ឱ វណ្ណឌីន និង ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ ដោយមានការចូលរួមពី លោកស្រីវេជ្ជបណ្ឌិត លី អាយលែន តំណាងអង្គការសុខភាពពិភពលោកប្រចាំនៅកម្ពុជា​ គណប្រតិភូក្រសួងសុខាភិបាល ឯកឧត្តមវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលនៃរដ្ឋបាលខេត្តតាកែវ ថ្នាក់ដឹកនាំខេត្ត ថ្នាក់ដឹកនាំមន្ទីរសុខាភិបាលនៃរដ្ឋបាលខេត្តតាកែវ និងមន្ត្រីពាក់ព័ន្ធជាច្រើនរូបទៀត នៅសាលប្រជុំសាលាខេត្តតាកែវ បានឱ្យដឹងថាទោះមកដល់ពេលនេះរដ្ឋបាលខេត្តតាកែវនៅតែចលនាអប់រំប្រជាជនឱ្យមកទទួលវ៉ាក់សាំងកូវីដ-១៩ ឱ្យបានគ្រប់ដូស គ្រប់ពេលវេលា ហើយអ្នកមិនទាន់បានចាក់ដូសទី១ ក៏អាចមកទទួលវ៉ាក់សាំងកូវីង-១៩ នៅតាមមូលដ្ឋានសុខាភិបាលសាធារណៈបានដែរ ។ ចំណែកកុមារ និងមនុស្សចាស់ដែលមិនមានមធ្យោបាយដំណើរ ឬរស់នៅតំបន់ដាច់ស្រយាល មន្ទីរសុខាភិបាលខេត្ត នឹងរៀបចំក្រុមគ្រូពេទ្យចល័តចុះទៅចាក់វ៉ាក់សាំងដល់តំបន់នោះផ្ទាល់តែម្តង ។

លោកជំទាវ បានកោតសរសើរ និងវាយតម្លៃខ្ពស់ចំពោះការដឹកនាំរបស់ ឯកឧត្តមអភិបាល នៃគណៈអភិបាលខេត្តតាកែវ និងការដឹកនាំរបស់មន្ទីរសុខាភិបាល នៃរដ្ឋបាលខេត្ត ដែលបានខិតខំប្រឹងប្រែងអនុវត្តតួនាទីភារកិច្ចរបស់ខ្លួនប្រកបដោយប្រសិទ្ធភាព និងសាមគ្គីភាព រហូតដល់បានលទ្ធផលល្អគួរជាទីមោទនៈដល់ប្រទេសជាតិ។ ទោះជាយ៉ាងណាក្តី លោកជំទាវនៅលើកទឹកចិត្តដល់រដ្ឋបាលខេត្តតាកែវនៅបន្តការផ្សព្វផ្សាយ អប់រំ ប្រជាពលរដ្ឋ ឱ្យមកទទួលវ៉ាក់សាំងឱ្យបានគ្រប់ដូស តាមរយៈវេទិការសាធារណៈ តាមកម្មវិធីបុណ្យនានា ឬផ្សព្វផ្សាយនៅតាមទីវត្តអារ៉ាម រោងចក្រសហគ្រាស​ ទីផ្សារ​ និងសាលារៀនផងដែរ។

លោកជំទាវ បានបន្តទៀតថា រាជរដ្ឋាភិបាលកម្ពុជា តាមរយៈក្រសួងសុខាភិបាល បានដាក់ឱ្យអនុវត្តការចាក់វ៉ាក់សាំងតាមទំលាប់ធម្មតា បន្ទាប់ពីចាក់ដូសទី៦ ក្នុងរយះពេល ៦ខែឡើងទៅ ដោយគោរពតាមគោលការណ៍ស័្មគ្រចិត្ត ដូចការចាក់វ៉ាក់សាំងផ្តាសាយធម្មតា ។

សូមបញ្ជាក់ផងដែរ បច្ចុប្បន្នទីតាំចាក់វ៉ាក់សាំងកូវីដ-១៩ មាននៅតាមមូលដ្ឋានសុខាភិបាលសាធារណៈ ទូទាំង ២៥ រាជធានី ខេត្ត ដែលផ្តល់ភាពងាយស្រួលដល់ប្រជាពលរដ្ឋអាចទៅទទួលវ៉ាក់សាំងបាននៅគ្រប់ទីកន្លែងក្នុងប្រទេស។

Filed in: ជីវិត និងសុខភាព, ព័ត៌មានជាតិ, សន្តិសុខ សង្គម
«ស៊ីអ៊ិនធី ហតញូយ៍ | CNT Hotnews» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 093 20 06 36 | 071 80 22 293 សូមអរគុណ ! »

©២០១៨ រក្សាសិទ្ធិ ដោយ «ស៊ីអ៊ិនធី ហតញូយ៍ | CNT Hotnews» | ទូរស័ព្ទ៖ 093 20 06 36 | 071 80 22 293 | អ៊ីម៉ែល៖ #

សហការផ្តល់ព័ត៌មាន៖ # | អ៊ីម៉ែល ៖ #

error: Content is protected !!